AINS

adverbe

[T-L : ainz ; GD : ains ; AND : ainz1 ; FEW (XXIV, 637a) : ante]

A. -Auparavant, avant.

...ains morust josne homme, vivant son pere, et fust enterré a Napples, en l'esglise de Saint Dominicque, au costé de son ayeul. (La Sale, Salade, c.1442-1444, 176)

Ains ne. Jamais ne.

Et convient pour sanner le gref mal qui l'aigrie Qu'elle manda l'enffant en sa chambre jolie, Et l'enffes y alla qu'ains ne pensa folie (Tristan Nant. S., c.1350, 639)

Ains Constance ne mecheÿ, Car fermement j'ay obeÿ A mon pere jusqu'a la mort. (Myst. Pass. Troyes B., a.1482, 1078)

Qui ains ains. A qui ira le plus vite, au plus pressé.

Fransois sont reculé tout aval le terrier, Qui mieulx mieulx, qui ains ains s'en sont fuï arrier (Renaut Mont. B.N. V., c.1350-1400, 223)

Ains que. Avant que.

Sire soudant, se vous aviez veu le roy Uriien et le roy Guion, et leur fiere contenance, et le maintieng de leurs gens, et la grant, horrible et resoingneuse fierté de cellui au grant dent, son frere, il ne vous tendroit ja cure de les envahir comme vous dictes. Et sachiez bien, ains que la besoingne soit departie, vous n'en aurez pas si bon marchié comme vous en faictes maintenant. Et si ay tousjours ouy dire que tel menace a la foiz qui a grant paour et qui puis est batus. (Arras, c.1392-1393, 226)

Par ma loy, sire soudant, se il n'est encontrez d'autre que de moy, il puet venir seurement, car je [le druceman] lui tourneray tous jours les talons devers lui d'une grosse lieue ou de deux loing. Et lors commenca la risee grant entre eux, mais ains qu'il feust vespres, orent autres nouvelles dont ilz n'avoient talent de rire. (Arras, c.1392-1393, 226)

...et, beaulx seigneurs, sachiez que qui jamais rien n'encommenceroit, jamais ne seroit nulle chose achevee. Il fault avoir a la chose commencement et moyen ains que la fin. (Arras, c.1392-1393, 247)

Siques ralés vous ent ains que mort vous astine, Et m'en menés o vous (Huon Bordeaux B., c.1400-1450, 68)

B. -[Après négation] (Mais) plutôt, (mais) au contraire.

Seignour, de ses journées je ne vous voeil conter, Ains voeil nostre matère .j. poi plus abriéver (Baud. Sebourc B., t.2, c.1350, 213)

...ne Remondin ne voit ne oit ne entent. En ce party passa par devant la fontaine ou les trois dames estoient, sans ce qu'il les veist, et ly chevaulx l'emporte grant aleure. Et lors la plus seignourie dist aux autres : Par ma foy, cil qui la passe semble gentil homme, mais il ne le monstre pas, ains monstre qu'il est extraiz de rudesse, quant il passe ainsi escouteement devant dames ou damoiselles sans les saluer. (Arras, c.1392-1393, 24)

Lors fu Gieffroy assailliz de tous costez, et il se deffent hardi comme lyon, que mal soit du Sarrasin qui a coup l'oze attendre, mais lui gettent de loing lances et dars, et lui traient sang en pluseurs lieux. Mais il ne semble pas qu'il lui en soit a riens, ains leur court sus comme le loup familleux fait a la brebis. (Arras, c.1392-1393, 232)

Voir aussi ainçois