AFFLICTION

substantif féminin

[T-L : aflicion ; GD : afliction ; GDC : afliction ; AND : afflictiun ; FEW (XXIV, 253b) : afflictio ; TLF (II, 23a) : affliction]

A. -[Idée de souffrance, de malheur]

1.[Domaine phys., physiol.] Souffrance, douleur physique ; état morbide.

...le temps de l'affliccion ou de l'accez (Saint-gille, Comment. A.Y. L., 1362-1365, 225)

...fut souffrans De sa char grief affliction (Desch., M.M., c.1385-1403, 196)

Item on peust demander de la affliction ou interpolation briefve ou longue de ces fievres, je dy que la affliction est briefve ou longue selon que la matiere est convenable a estre resolvee ou non resolvee (Gordon, Prat., c.1450-1500, I, 6)

2.Abattement consécutif à un événement douloureux.

a)Vif sentiment de peine, de chagrin, de souffrance.

Mon enfant voy mort par ma femme, Qui me met en affliccïon. (Mir. enf. ress., 1353, 63)

...vostre nativité et l'aflection que soutint vostre humanité, de quoi elle print mort, vous estoient predestinees et que autrement ne pouoit estre (Henri Ferr., Modus et Ratio, Songe pest. T., c.1354-1377, 67)

Ceste vie n'est pas estable, Mais est transitoire et mortelle, Et l'autre vie n'est point telle ; En ceste n'a qu'aflixion, Misere et tribulacion, Et l'autre vie est adurée. (Myst. st Adr. P., c.1450-1485, 151)

Voyant d'amours la condition, L'orrible peine et la tribulation, Les perils et forfaiz maleureux Et aussi la misere et affliction Que ont souvent les povres amoureux. (Saint-gelais, Eurial. Lucr. R., c.1490, 1)

b)[Empl. allégoriques]

L'autre dame estoit terre propre nommee France, qui estoit (...) acompaignee de Tribulacion, Affliccion, Inpacience, Murmuracion, Division et Dissimulacion (Juv. Urs., Aud. celi, 1435, 149)

Fortune, mere de Tristesse Et nourrice d'Affliction (Martin Le Franc, Champion dames III, D., 1440-1442, 97)

3.[Le plus souv. au plur.] Infortunes, malheurs.

a)Situations pénibles, douloureuses.

Ne je n'ay pas le sentement De bien descripre proprement Trestoutes ses condicions [de Attroppos] Plaines de grans afflictions (Chr. Piz., M.F., I, 1400-1403, 103)

...en ceste langoreuse vie elle [la personne humaine] recoit peine, doleur, honte, afflictions, maladies et maleuretés sans nombre. (Gers., Noël, p.1404, 295)

...car les autres plus grandes d'elle avoient eu des afflictions et adversitéz, et ceste-cy continuelle felicité et prosperité. (Comm., II, 1489-1491, 92)

b)Tribulations, revers subis par un peuple ; lourdes charges (financières ou autres).

Quantes mortelles afflictions et playes intollerables soustint le royaume d'Escosse (Chart., L. Esp., c.1429-1430, 142)

...noz cueurs espoentés de ouir la doloureuse affliction et les piteuses plaintes dez bons Franchoys (Chart., L. Esp., c.1429-1430, 11)

...en effect est a monstrer les tribulacions et afflictions que nous souffrons et nostre loyaulté au regart des Anglois qui nous persecutent (Juv. Urs., Prop. I, c.1438, 290)

La Ve chose est que vous doyez garder et actempter de non mettre nulles imposicions, subsides ne aultres afflictions a vostre peuple, se tresgrant besoing ne vous constraint (La Sale, Salade, c.1442-1444, 21)

Cestui [Johannes de Marliano] fist la prenosticacion, entre autres de l'an 1438 et autres ans après, et predist les horribles afflictions des chrestiens de Grece et le couronnement de Federicq en roy des Almans. (Simon De Phares, Astrol., c.1494-1498, f° 155 r°)

4.[Domaine moral, métaphys., mystique]

a)Douleur morale profonde ; détresse.

Et se il avient que telz vicieus amairs ne puissent avoir venjance, ilz le portent griefment et ont grant affliccion ou cuer. (Oresme, E.A., c.1370, 262)

Et la tierce [fille d'Envie] est d'avoir affliction, quand aultre a bien ou exaltacion (Baudouin, Instruct. vie mortelle B., c.1431-1439, vers 4369)

Se tu es en affliction Endurer te fault et souffrir (Régn., F.A., 1432-c.1465, 118)

Rien n'est parmanent soubz le soleil, ains sont toutes choses vanité et affliction d'esperit (Internele consol. P., 1447, 152)

Mere de consolation Fay que j'aye compassion Et que ployne a piteuse voiz En dueil et en affliction De ton filz la greve passion (Stabat H., V, c.1450-1500, 40)

b)Sentiment d'abandon, de solitude éprouvé par l'âme.

...l'aversité espirituelle (...) c'est assavoir es temptations et dures afflictions de la pensee qui point ne scent la consolation qu'elle a acoustumee et qu'elle desire (Gers., Montagne contempl. G., 1400, 45)

....maintenant il te donne consolacion, après affin que tu nen abuses il te laisse cheoir en affliction et puis affin que tu ne desesperes il reuient a toy et te donne reconfort. (Cib., p.1451, 189)

Mais de paour qu'elle [l'âme abandonnée] ne soit absorbee par trop grant affliction et plongee en desperation, il [Dieu] luy envoye par son messaigier (...) le thes de la Saincte et divine Escripture (Disc. amour divine, 1470, 63)

c)Tourment ; épreuves envoyées par Dieu, par la Providence.

Seigneurs, vous pouez bien trop mettre A faire voz affliccions (Mir. st Panth., 1364, 363)

...la main de la justice de Dieu est sur moy mise, qui par droit me tient en ce feu, en ceste flambe [du purgatoire] , en ceste tres angoisseuse affliction (Gers., Déf., 1400, 227)

...j'ay conclut en ma pensee que la main de Dieu est sur nous (...) et ay (...) debatu en ma pensee se ceste douloureuse affliction en est en verge de pere pour nostre chastiement ou en rigueur de juge pour nostre exterminacion. (Chart., Q. inv., 1422, 5)

Les diuines comminacions sont diuisees en trois, car dieu menace les pecheurs de paines et afflictions temporelles, de obduracion de pensee qui est quant dieu laisse la creature vser de son sens reprouue ; il menace aussi de dampnacion pardurable. (Cib., p.1451, 188)

...viendra ung temps que Dieu exaulcera les pouvres, et les grans et mauvaiz riches auront assez affaire de mauldire l'eure que oncques eurent richesse et tresors mauvaisement acquiz. Ad ce propotz, nous racompte Pierre Damyen comment sainct Gregoire donna malediccion et affliction à ung chevalier qui avoit à une povre femme osté son argent et ung petit de biens qu'elle avoit. (Bueil, II, 1461-1466, 76)

B. -[Idée de repentir, d'humilité, de mortification]

1.Pénitence ; humilité ; repentance.

Ainsi, sire, treshumblement Moi, mon cuer, mes afflictions Par V.C. mille milions Plus que je ne di li dirés (Mach., Voir, 1364, 8908)

Veez en pitié, vierge pure Mon amére compunccion Et ma dolente affliccion. (Mir. emper. Romme, 1369, 277)

Quant la dame l'entent, par grant devocïon Se mit par davant eulx plorant a genoullon Et leur dit doulcement par grant afflittïon : 'Beaux seigneurs, vous m'offrés plus que ne demandon ! Jhesus si vous en veulle rendre le gueredon !' (Flor. Octav. L., t.2, c.1400, 485)

La diete est attrempance, Jeüne et affliccion Empris par grant affeccion. (Chr. Piz., M.F., II, 1400-1403, 112)

Il [Jésus] vous ara bien agreable, Car tous ceulx c'ont afflictïon, De leurs pechiers contrictïon, Il ne les veul point reffusser. (Pass. Semur D.M., c.1420 [1488], 137)

2.Par métonymie. Manifestation, expression de cet abaissement.

a)Signe, marque de respect, de vénération ; génuflexion, révérence, inclination.

Et quant furent gary ambedoy li baron, La dame prist congiet par grant affliction (Flor. Rome W., c.1330-1400, 279)

Et la fis je mes orisons A Dieu, et mes afflictions (Mach., R. Fort., c.1341, 143)

Dont se levait li anffe san nulle arestisson Et a baisiér lez sains per grant afflixion, Et pués c'est montéz sur le destrier aragon. (Lion Bourges K.P.F., c.1350, 439)

Enffans, che dist le fel, Dieux croisse vostre non, Nous vous venons veoir par grant afflicion (Renaut Mont. B.N. V., c.1350-1400, 758)

Ly vesques d'Olifierne (...) Sacra le noble roy par grant affiliction (God. Bouillon R.B., t.3, c.1356, 318)

Et chil devant lez dames [sont] mis à genoullons, Moult gracieusement ly font afflixions (Hugues Capet L., c.1358, 122)

b)Mortification, pénitence ; acte d'humilité, de contrition.

'...Seigneurs, se dist le roys, que vous celleroit on ? J'ay esté trop coursiés de me perdicïon. Nonpourtant veul prïer a mon dieu Baraton Qu'i me veulle ottroyer de mon meffait pardon.' Adonc lui va baiser le pié et le tallon, Et Sarrasin ploroient et font grant marrison Pour la pitié du roy qui fait afflictïon. (Tristan Nant. S., c.1350, 144)

Les pleurs, les lamentations Et les humbles afflictions, Les seremens, les griés pensees Qui sont en son cuer amassees (Mach., Voir, 1364, 8495)

Quant Ogier ot fait ces mariaigez, sy alat a Tongre et a Liege et au mont Saint Odile, ou il avoit une religion, la ou il estoit, quant temps fut, en affliction et en devotion. (JEAN D'OUTREM., Myr. histors G., a.1400, 208)

c)Cérémonie de pénitence ou de respect.

Et li bons dus Regnaut (...) Fist mener Clarisse (...) En le cité de Tresmongne ; bien le festia on : En grant solempnité et en grant afflicion Le rechurent ses hommes, et mainte question Firent du duc Regnaut (Renaut Mont. B.N. V., c.1350-1400, 856)

...li rois de France, meus en devotion et en humilité, faisoit continuelement faire, en le cité de Paris, grandes processions de tout le clergié ; et il meismes, tous descaus et à nus piés, et madame la royne ensi en cel estat y aloient en suppliant devotement à Dieu que il volsist entendre à eulz et as besongnes dou royaume, qui avoient de lonch temps esté en grant tribulation. Et faisoit li dis rois, par tout son royaume, estre son peuple, par constrainte des prelas et gens d'eglise, en ceste affliction. (Froiss., Chron. L., VII, c.1375-1400, 126)

...à ces nouvelles à Gand, ce fu uns peuples resjouïs, qui en transses grandes et tribulations avoient esté, et fisent par les eglises plusieurs processions et afflictions, en louant Dieu, qui tellement les avoit gardés et tellement reconfortés que envoié ha à leurs gens victoire. (Froiss., Chron. R., X, c.1375-1400, 234)