ADVERSITÉ

substantif féminin

[T-L : aversité ; GD : aversité ; GDC : averseté ; AND : adversité ; FEW (XXIV, 198b) : adversitas ; TLF (I, 772a) : adversité]

A. -Propriété de ce qui est en sens contraire.

Adversité de vent. Action contraire du vent.

...j'ay euz a cest foiz grande adversitee de vent et n'ay unquore pu passer plus avant en moun journee vers Guyene a la fesance de cestes, que a un port en Bretaigne appellé Bleuet, ou je sui, Dieu mercie, et tous voz autres liges de ma compaignie, en bone sauftee attendantz tanq'a Dieu plerra a nous ottroier vent covenable pur nostre passage en outre. (Lettres agn. L., 1394, 63)

[Dans un cont. mystique] Eaux d'adversité. Eaux contraires, adverses.

...saint Pol embrasé tout de l'amour de Dieu enflammoit ceulz ausquelx il estoit joingt en tant que jusques au ciel il getta sa flamme sans ce que les eaues d'aversité la peussent estaindre (Gers., P. Paul, a.1394, 511)

Par métaphore.

[Fortune] Fait en tressaut Venir un vent et un orage D'aversité qui tout esrage (Mach., R. Fort., c.1341, 40)

B. -Opposition, hostilité (de qqn).

Les avesques et les abbez En lour granges s'en sont alez Demorer loinc de lour eglise. Trois cas y puet l'on presumer : Le premier doit estre appellez Luxure et ribauderie ; Le second est de gormander Les gras morcealx et lopiner Par eulx touz seulx par chaterie ; Le tier a nom adversitey Pour les bonnes gens eschiver Qu'il n'ont cure de compaignie. (Dupin, Mélanc. L., c.1324-1340, 51)

Droit flegme aussi, comme qu'il soit, Est comme l'Eaue moiste et froit, Et cole noire ensuit la Terre En ses qualitez, s'elle n'erre, Dont, nonobstant leur union, En humaine production Ilz ont tousdiz adversitez En actions et qualitez, Dont tout homme, comment qu'il aille, Endure en soy dure bataille, Continuelle et merveilleuse, Et en effect moult périlleuse (La Haye, P. peste, 1426, 65)

Par le moyen de cel enfant Quon dit estre roy maintenant, Ce porroit estre adversité Contre vo royal majesté (Marcadé, Myst. Pass. Arras R., a.1440, 54)

Faire adversité à qqn. S'opposer à qqn, être hostile à qqn, causer des ennuis à qqn.

L'umble commun obeit et endure Fains protecteurs lui faire adversité. (Baye, II, 1411-1417, 220)

C. -Sort contraire, fortune adverse, malheur, calamité ; situation malheureuse (de celui qui vit des revers).

1.Sort contraire, fortune adverse, malheur, calamité.

Si ne nie point que Alixandres ne fust uns nobles ducs, mais certes ce dis je bien que ce le fait plus cler que il fu a son temps aussi comme un seul et ce aussi que il mourut jones et tout avant que il eust apris ou encouru aucune adversité, droit la ou sa fortune ne faisoit que venir (Bers., I, 9, c.1354-1359, 17.5, 31)

Item, qui veult diviner obscurement des fortunes d'un homme, a painne puet faillir que il n'aviengne aucune chose applicable a son divinement par la continuelle variacion des proprietez et des adversitez de fortune. (Oresme, Divin. C., c.1366, 94)

Anciennement aucuns par le chant et par le vol ou volement des oiseaux divinoient et prenostiquoient d'aversité et de prosperité, de maladie et de santé, selon ce que il vouloient a destre ou a senestre. (Oresme, C.M., c.1377, 308)

Et ainsi les gens eüreux (...) Ne scevent qu'est adversité (Chr. Piz., M.F., I, 1400-1403, 87)

Or sera hors d'aversité. (Chr. Piz., M.F., III, 1400-1403, 172)

Quant nostre malleur je re[m]ire Excessive est l'adversité ; Car mal sur mal sur nous deux tire : En extreme perplexité, Par debilité Le corps alité, Mourant de famine Dont sur nous domine Desepoir par necessité. (Myst. jeune fille L., c.1413-1445 [c.1530], 11)

Scavez vous point a quoy il tient Que France a tant d'aversité ? (Régn., F.A., 1432-c.1465, 64)

Mais s'i luy vient adversité Ou quelquë autre encombrement, Il peult bien veoir la verité Qui ayme du cueur loyaulment. (Régn., F.A., 1432-c.1465, 96)

...en cest office se adversité, desplaisir ou contrarieté vous [au roi] seurvient pour bien servir ayez pacience (Juv. Urs., Nescio, 1445, 444)

Ainsi doncques, comme cestuy duc Charles avoit avecques luy un monde de nobles et de vaillans gens pour combattre et pour leur sang espandre en sa quérimonie, les avoit aussy pour luy conseiller son salut et son honneur, et pour donner support et déport à ce très-noble et très-christien royaume, de non rencheoir arrière, du temps des enfans, en longue portée malédiction et aversité du temps des pères. (Chastell., Chron. K., t.5, c.1456-1471, 428)

Neantmoins faut-il [mieulx] premièrement avoir du malheur que de l'heur, et doit-on prendre en pascience les choses ameres et les diversitez de fortune, qui vuelt parvenir à hault estat. Car cellui ne scet que c'est de doulleur, qui n'a esprouvé et experimenté de l'amertume. Et, tant plus a eu l'homme de adversité, tant plus reçoit à grant joye la prosperité succedant (Bueil, I, 1461-1466, 22)

[Avec un poss.]

Si que je di que c'est grant amisté Qui m'a esté mere en prosperité, Et encor est en mon adversité. (Mach., J. R. Beh., c.1340, 87)

Finablement, le noble chevalier qui patiemment portoit son adversité, et le plus à bonne chière qu'oncques on vit homme, au seul sçu de cest Anglois, luy quatrième, s'alla tenir parmi les forets de Normandie, jour et nuyt, là où il souffrit de mésaise beaucoup et de povreté, et tant et si grande que le compte en seroit piteux à oyr. (Chastell., Chron. K., t.4, c.1456-1471, 179)

Certes (...) vous parlez de batre et mutiler, mais pour aussi vray que je parle, il n'est ou monde plus grant douleur a femme que quant son mary va autre part despendre ce qui de lui ne de par lui ne vient, en commettant fornication et faisant contre Dieu et son commandement. Et me vaulroit mieulz oyr nouvelles de son adversité que de sa prospérité, de sa mort que de sa vie. (Ev. Quen., II, c.1466-1474, 118)

Temps d'adversité. Moment de malheur.

Car, en quelconcques temps, chascun doit avoir regard à nostre seigneur, mais encores plus en temps de adversité, comme dist Tulles : 'Viengs à ton amy, quant tu es appellé, luy estant en prospérité ; et quant il est en adversité, n'atens pas que tu soyes appellez.' (Lefèvre St-rémy, Chron. M., t.1, c.1462-1468, 93)

Proverbe.

Adversité preuve le bon (Flamang, Vie Pass. st Didier C., 1482, 208)

Par personnification. Fortune adverse.

Adversité le garde d'aler par delices en perdition (Chart., L. Esp., c.1429-1430, 95)

O triste Mort, felonne et oultrageuse, Detestable, perverse, furïeuse, Monstre d'orgueil, despite, venimeuse, Serpentine, pleine d'iniquité, Feu de douleur, flambe d'ire prilleuse, Desesperee, maudite, maleureuse, Sourse de mal, de tout bien ennuieuse, Fille de Dueil, mere d'Adversité, Qui n'engendres que tourment et durté (Hautev., Compl. H., c.1441-1447, 57)

2.Par métonymie. Épreuve, situation malheureuse (de celui qui connaît des revers).

a)Au singulier.

...se Dieu te treuve Souffrant en ceste adversité (Mir. enf. ress., 1353, 63)

Lion de nobilité En prosperité, Liepart de fierté En adversité (Mach., Lays, 1377, 475)

Madame, en cest'adverssité Qu'avez par .111. jours soustenue, Qu'estez vous ore devenue ? Il sembloit que vous fussiez morte. (Mir. ste Genev. S., c.1410-1420, 91)

Or lis aprez, si sçauras qu'elle se ressourdy puissaument, et tourna celle adversité a l'augmentation de sa gloire. (Chart., L. Esp., c.1429-1430, 139)

...la piteable adversité de Loys Debonnaire (Chart., L. Esp., c.1429-1430, 143)

...et par ainsi pour moy aussi totallement purger et mes dicts livres accuser de ladicte envieuse detracture et faulse et abusive acusacion de supersticion par ignorans, qui riens n'y entendent, jaçoit ce que en ceste adversité me consolle en ce que disoit ung bon philozophe encien, selon que le recite Laërcius : 'Innocentes non debillitat consciencia in adversis, solacium est enim homini non meruisse quod patitur'. (Simon De Phares, Astrol., c.1494-1498, f° 6 r°)

De ceste grant adversité Jamais alegence n'aurai ge ? (La Vigne, S.M., 1496, 465)

Locution.

Choir en adversité

Monseigneur, se ne feust la grace de Nostre Seigneur et la puissance de monseigneur vostre frere et de vous, ceste povre orpheline estoit desolee et perdue, lui et son pays, et cheue en grant adversité entre les mains des Sarrasins. (Arras, c.1392-1393, 192)

Estre en adversité

Vueilles de nous pitié avoir, Qui ci sommes en desconfort Et en adversité (Mir. fille roy, c.1379, 52)

Laisser qqn en adversité

Et adonc luy dist ledit de Reilhac que ce n'estoit pas bien fait à ung bon serviteur de laisser son maistre en son adversité (Le Clerc, Interp. Roye, c.1502, 148)

b)Au pluriel.

Boin fait quierquier a Dieu ses grans aviescités Et iestre pacïent en fais et en penssés. (Chev. cygne P., c.1356, 48)

...je ne porroie avoir doleurs ne adversités (Mach., Voir, 1364, 186)

Et aucunes foiz sueffrent il choses qui semblent infortunes et adversitéz. (Oresme, E.A.C., c.1370, 119)

Et aucuns, qui ceste pratique De non marïer moult appreuvent, De dures adversitez treuvent Et des ennuis de jour en jour, Et finent souvent en dolour Et de corps et de conscïence. (Gris., 1395, 14)

...en les grans adversités cognoit l'om le sens et les vertus de l'ome. (La Cépède, Paris Vienne K., 1432, 200)

...et veues les adversités qu'ilz [les sujets du roi] ont souffertes (Juv. Urs., Loquar, 1440, 318)

[Avec un poss.]

Par Dieu, Remondin, je [Mélusine] suiz, aprez Dieu, celle qui te puet plus aidier et avancier en ce mortel monde, en tes adversitez, et ton malefice revertir en bien. (Arras, c.1392-1393, 25)

Considere quelle pacience il [le roi Charles] a eue en ses adversités. (Juv. Urs., Verba, 1452, 189)

Or s'en va cellui qui en noz affaires nous conseilloit, cellui qui en noz adversitez nous confortoit et qui en noz necessitez nous secouroit (La Sale, J.S., 1456, 204)

Adversités de la guerre. Revers de la guerre.

Et pour ces causes a esté ordonné le très noble et très excellent estat de chevallerie pour conserver, deffendre et garder le pueple en transquillité, qui communement est le plus grevé par les adversitez de la guerre. (Bueil, I, 1461-1466, 14)

Adversités de la mer. Périls de la mer.

Si avint que les Troyens, auzquelz par les adversitez et fortunes de la mer n'estoit rien demoré de tous leurs biens fors seulement leurs armes (Bers., I, 1, c.1354-1359, 1.5, 4)

Avoir des adversités. Avoir des malheurs.

Ceulx à qui Dieu donne des felicitez, des prosperitez, des biens et des honneurs, ilz doivent mercier Dieu des biens que il leur donne en ce monde et en l'autre ; car il est bien possible que ung homme, qui a des biens en ce monde, en aura aussi en l'autre, et aussi ceulx qui y ont des adversitez pareillement. (Bueil, II, 1461-1466, 118)

D. -En particulier. Épreuve physique ou morale envoyée par Dieu à l'homme pour son salut.

Chevalier, se dist Gilles, pour Dieu, or vous souffrés. Et quant Dieu vous envoye planté d'aversités, Adonc povés bien dire, de lui estes amés. (Tristan Nant. S., c.1350, 679)

De ce venoit que saint Pol s'esjouyssoit plus des aversitez de ce monde et de ses chaines et de sa prison pour le confort de ceste belle contemplacion, que nous faisons en noz prosperitez ou en couronnes et dignitez. (Gers., P. Paul, a.1394, 514)

Et ceste attraction [à Dieu] fait il [le Saint-Esprit] en diverses manieres : maintenant par inspirations et mouvemens segrez par dedans (...) aulcunes fois par grans benefices et dons divers, l'autre fois par adversité et tribulation, soit de maladie ou de pouvreté ou de guerre. (Gers., Montagne contempl. G., 1400, 23)

En l'aversité espirituelle comme corporelle, c'est assavoir es temptations et dures afflictions de la pensee qui point ne scent la consolation qu'elle a acoustumee (Gers., Montagne contempl. G., 1400, 45)

Prepare toy a tollerer et porter moult de adversites et divers dommages en ceste miserable vie (Internele consol. P., 1447, 49)

Adversité me fait sentir et penser la desolation de mon perilleux pelerinage et m'esmeut a considerer et avoir compassion de la passion que Dieu a soufferte pour moy et pour tout humain lignage (Disc. amour divine, 1470, 286)