ADJUTOIRE

adjectif et substantif masculin

[GD : ajutoire ; AND : adjutoire ; FEW (XXIV, 164b) : adjutorium ; TLF (I, 682b) : adjutoire]

I. -Adjectif.

A. -Qui aide, qui est secourable.

Et plus estoient par les aultres personnages pourparlé : Roy Salomon figure en l'istore Ouverte icy, honneur, puissance, glore, Vous doint Jesus santé, prosperité Et bien veignant en la vostre cité Nostre prince naturel adjutore. (Entrées roy. G.L., p.1485, 257)

Bras adjutoire

Puys il voulut le sainct prier D'y venir pour leur rendre gloire De ce qu'il avoit eu victoire Sur barbares, sans delayer, Par leur grace et bras adjutoire. (Vie st Eust. 2 P., c.1400-1450, 217)

Ceux qui, pour droit et equité, Ont requis mon bras adjutoire, Aront haulte prosperité, Loenge, triumphe et victoire. (Molinet, Faictz Dictz D., 1467-1506, 719)

B. -MÉDECINE Os adjutoire. Os supérieur du bras, humérus.

...de lespaules iusques au coude en chascun bras est ung os qui est dit adiutoire. (Comp. kal. bergiers C., 1493, f° 53 v°)

II. -Substantif.

A. -Fait d'apporter son aide à qqn dans une entreprise ; aide, secours.

En diverses temptacions, Pour quoi les tribulacions Qui en cest monde nous appraignent, A aller a Dieu nous contraignent Et nous sunt matere de glore Aveq le divin adjutore. (Tomb. Chartr. W., c.1337-1339, 61)

Mais par le divin adjutore Les Rommains ourent la victore (Tomb. Chartr. W., c.1337-1339, 103)

En moi vous ne demourés point, par le bon et grant adjutoire de mon tres beau et excellent espoux (Crap., Cur Deus, De arrha B.H., c.1450-1460, 341)

Vostre support point ne luy deffauldra, Comme le croy, mais ce n'est pas le fort. Quant mon poveir encontre luy sauldra, Que pensés vous qu'a l'eure luy vauldra Vostre secours, adjutoire et confort ? (Lyon cor. U., 1467, 35)

Bailler/donner adjutoire à qqn / qqc. Soutenir qqn ou qqc..

Et sy donnés tels adjutoires Aux serfz querans vos oratoires Qu'aprés ces siecles transitoires Ames aront es cieux ravies (Molinet, Faictz Dictz D., 1467-1506, 487)

Les religïeux a cest tiltre Nous ont estez sollicitans, Et tous messeigneurs du chappitre Y sont aydans et consentans. Pourtant, avant qu'il soit long temps, Ferons ceste oeuvre meritoire, S'entre vous autres habitans Y voullez bailler adjutoire. (Flamang, Vie Pass. st Didier S., 1482, v.7742)

Estre en adjutoire à qqn/venir à l'adjutoire de qqn. Venir en aide à qqn.

Dieu me soit en aide et en grant adjutoire, car tu me demandes trop haulte chouse (Crap., Cur Deus, De arrha B.H., c.1450-1460, 110)

Monseigneur est presentement Avec chappitre en consistoire, Si vous mandent expressement Que venez a leur adjutoire. (Flamang, Vie Pass. st Didier S., 1482, v.3884)

Au féminin.

Le trespassé par force en debouta Les ennemis et mist telle adjutoire Que par hault fait d'armes le conquesta, Et s'y loga par signe de victoire. (Molinet, Epitaphe Josse de Lalaing T., c.1483-1486, 63)

B. -Appel à l'aide, prière.

Dieu, entends à mon adjutoire Et viengnez tost conforter Si que je puisse avoir victoire (Prisonn. desconf. C., c.1488-1489, 59)

C. -Ce qui aide, qui est utile en cas de besoin, instrument.

Et plus ne s'actendoient a veoir jamaiz autre jour, veu que les mariniers n'y savoient plus tour ne remede nesung, ains avoient leurs vaisseaux a ancres et autres adjutoires laissez et habandonnez, cryans a Dieu de paradiz misericorde, piteusement actendans la mort ou la mercy de Lui (Mabrien V., 1462, 353)

La pouvre ame pour ses deffenses Si n'avoit aultre adjutorie Fors que d'aulmosnes [et] impenses Faictes pour la Vierge Marie. (MART. D'AUV., Mat. Vierge L.H., c.1477-1483, 128)

...et au lieu d'iceulx furent fait tables, bancs, sièges et assiettes propice tout autour de ladicte salle, aussi à chacun pillier buffet, dressoers et autres adjoutoires convenables pour servir les gens de bien (La Vigne, Sacre Anne Bret. S., 1505, 296)

D. -MÉDECINE Os supérieur du bras, humérus.

...l'os dit ulna ou de l'adjutoire (Panis, Guidon, 1478, tr.I, doct.2, chap.4)

...es espaulles ne sont aultres os que la spatulle recepvante avec deux becs et la furculle cloyante et l'adjutoire entrant, comme en l'anathomie a esté dit. (Panis, Guidon, 1478, tr.V, doct.2, chap.4)

Quant l'adiutoire est blessé de travers avecques une espee le plus souvent le muscle commung et les cordes qui movent le bras sont tranches (Prevost, Cir. Guill. Salicet, 1492, II, 9)

Le tiers os de l'umere est l'adiutoire qui par le dehors est gilbeulx et bossu et au dedans est concave (Prevost, Cir. Guill. Salicet, 1492, IV, 2)