ACADEMIEN

adjectif et substantif

[FEW (XXIV, 64b) : academia]

Disciple de Platon, platonicien.

Cicero, c'est a dire Tulles, augur c'est a dire adevineur sur le chant des oisiaux qui sont appelés auguremens escharnist, ces auguremens et s'en moque et reprent les hommes qui attrempent ou ordonnent leurs consaulz de leur vie par la voix du corbeau et de la corneille. Mais ce Cicero, qui estoit achademien [trad. lat. academicus] qui croit ou despute que toutes choses sont incertaines, n'est pas digne qu'il ait aucune auctorité en ces choses (Raoul De Presles, Cité de Dieu, 1371-1375, ms. Paris, B.N., fr. 22912, IV.30, f° 220d)

Secondement il reprent encore l'insufflicience [sic] de l'auctorité de Tulle, car il dit que comme achademien il nye toute certitude ; et sont achademiens une maniere de philosophes quil disoient qu'il dit riens certain. Et estoient dis achademiens d'une ville ainsi nommee qui estoit de Platon ou ceste philosophie ou science commença. Et ceulz cy f[u]rent les nouviaux achademiens appellés, desquiex et des anciens achademiens monseingneur saint Augustin met la distincion ou difference cy aprés ou secont chapitre du .ix.^e livre (Raoul De Presles, Cité de Dieu, 1371-1375, ms. Paris, B.N., fr. 22912, IV.30, glose, f° 221d)

En la premiere partie il fait .ii. choses : premierement il recommande les disciples de Platon qui estoient appellés paripateticiens ou academiens ; de la sete desquiex paripateticiens Aristote fu le premier (Raoul De Presles, Cité de Dieu, 1371-1375, ms. Paris, B.N., fr. 22912, VIII.12, glose, f° 363a)

J'ay plus chier, avec les Academians, de toutes choses doubter, se autre voie je ne treuve, que folement acertener et determiner par perilleuse simulacion de science ce que je ne sçay pas et qui m'est mucié et celé (Foul., Policrat. B., II, 1372, 172)

Oultre plus auncuns autres philozophes furent nomméz Achademiens, desquelz le principal maistre fu Platon (Legrand, Archil. Sophie B., c.1400, 42)

Et pour ceste cause furent ilz appellez Achademiens. (Colart Mans., Dial. créat. R., 1482, 246)

Et seullement en appartient a determiner aux sectes des stoïciens, academiens [trad. lat. academicus] et peripateticiens (Miffant, c.1500, I.6)

Remarque : Attestations de VIGNAY, Le Miroir historial, 1333, et de BERS. ds F. Duval, Mél. J.-P. Chauveau, Strasbourg, 2014, 17.

Philosophe academien

Et point n'ay honte de suyvre la doctrine de philosophes academians, qui, es diz qui sont doubtables a sage personne, point ne me depars ne de leur traces (Foul., Policrat. B., I, 1372, 97)

Escole academienne

...et si avoyt dehors la porte une place auci come de mil pas, qui aloyt aus escolez achademienez [trad. lat. in Academiae gymnasium ferens] , en la quelle place li chevaucheur et li peon des anemis avoyent franche entree (Bers., XXXI.24, c.1354-1359, ms. Paris, B.N.F., nouv. acq. fr. 27401, f° 8b)