ESPOUSER

verbe

[T-L : esposer2 ; GDC : espouser ; AND : espuser1 ; DECT : esposer2 ; FEW (XII, 210) : sponsare ; TLF (VIII, 34b) : épouser]

A. -Au propre.

1.Se marier avec qqn , s'unir avec qqn par mariage selon les formes requises.

[D'un homme] Prendre pour épouse.

...une nonne qui laissa son abbaie pour s'en aler avec un chevalier qui l'espousa (Mir. nonne, 1345, 311)

Li roys Jehans, dont Dieus ait l'ame, Ot espousé la milleur dame Qu'on peüst trouver en ce monde. Car d'orgueil estoit pure et monde, Et sot quan que nature donne De bien : ce fu ma dame Bonne. (Mach., P. Alex., p.1369, 24)

...car les genz sont naturelment enclins a tele communicacion, combien que il soit voluntaire que celui espouse ceste ou un autre. (Oresme, E.A.C., c.1370, 443)

...il se desmaria de la fille du seigneur de Couchy, sans nul title de raison, fors par presomptions et non saichant, et espousa celle demoiselle de la royne (Froiss., Chron. M., XIV, c.1375-1400, 23)

...et scet bien, il qui parle, que paravant ce que dit est, elle avoit esté mariée à un homme dont il n'est record du nom ; et au temps qu'il espousast ou fiansast icelle Ysableau, elle avoit unne fille de sondit feu mary. Dit avecques ce que oncques il n'epousa ycelle Ysableau en sainte Eglise ; mais verité est que, après ce qu'il ot eu compaignie charnelle à elle, il qui parle et elle, de leurs communs assentemens et volenté, ont fiancé li uns l'autre, depuis lesquelles fiançailles il a eu par plusieurs fois, et au devant d'icelles, compaignie charnelle (Reg. crim. Chât., I, 1389-1392, 278)

Requis s'il est mariez ou s'il a fiancé Jehennete de Valenciennes, sa concubine, fille de pechié, demourant en Glatigny, dist par son serement qu'il a longuement frequenté et suy icelle Jehennete de Valenciennes, laquelle est s'amie, et que oncques il ne l'espousa ou fiança, ne ne promist la prendre à femme ou espouse (Reg. crim. Chât., I, 1389-1392, 150)

Comment Remondin espousa Melusigne a grant noblesce. (Arras, c.1392-1393, 38)

...messire Loiz, duc de Baviere, frere de la Royne, lequel devoit demain espouser la suer du conte d'Alençon (Baye, II, 1411-1417, 113)

...Perrin Blanchart, mareschal (...) espousa (...) en face de sainte église et print par mariage, une jeune femme dudit pays de Craonnois (Ch. VI, D., t.2, 1412, 25)

...il espousa une tresbelle et gente damoiselle (C.n.n., c.1456-1467, 278)

Pour conclusion il fault dire que veu simple empesche mariage a estre contrait, et tant que se cellui qui a simplement voué, aprez a donné jurement a aucune femme que il l'espouseroit et prendroit en femme, il doit son veu acomplir et faire penitance de son jurement illicitement presté et donné. (Sacr. mar., c.1477-1481, 54)

MEHAULT. Rifflart, compains, je vous diray : Vecy jà la quaresme annee Que m'avés prinse et espousee, Mais je suis comme [infortunee] Pour [ce] que me suis advisee Que puis ne fustes a confesse. (C. Riffl., c.1480-1520, 58)

Si quelque femme mary a Ou mary ait femme espousee Dont souvant le cueur marry a... (La Vigne, S.M., 1496, 421)

Espouser qqn à femme

...il ont a ce le roy meu Qu'il m'a fait sur ma foy jurer De sa fille a femme espouser (Mir. Amis, c.1365, 45)

Espouser qqn d'anneau beni/d'or

Car une foiz m'espousa, sire, D'annel benoit. (Mir. fille roy Hongrie, c.1371, 78)

D'un anel d'or le roy l'espouse (Chr. Piz., M.F., III, 1400-1403, 140)

[À propos de Néron]

Neron, Neron, mal esploitas, Quant oultre droit or convoitas, Quant ta propre mere tuas, Quant d'une reyne t'empregnas, Quant home pour fame espousas, Quant Romme ardis, la gent grevas, Quant les apostres martiras (Mart. st Pierre st Paul R., c.1430-1440, 156)

[D'une femme] Prendre pour époux.

Ainsi demoura la dame, fille de Haynnau, duchesse de Guerles, et au jour que elle espousa le duc de Guerles, filz au duc de Jullers, ilz estoient entre eulx deux aucques d'ung eaige, pour quoy le mariaige estoit plus bel. (Froiss., Chron. M., XIV, c.1375-1400, 156)

C'est d'une femme a Romme qui ne fut pas de ces tres parfaites vesves, car elle espousa XXIJ maris (La Sale, J.S., 1456, 5)

...elle fut contente de se partir de luy et espouser ung barbier (C.n.n., c.1456-1467, 416)

Oudit moys de decembre IIIIcLXXVI, mourut et ala de vie à trespas madame Agnès de Bourgongne ou chasteau de Molins en Bourbonnois, laquelle en son temps ot espousé feu prince de très noble memoire monsr Charles (Roye, Chron. scand., II, 1460-1483, 33)

...et fut envoyé en Escosse avecques autres pour admener madame Margarite d'Escosse en France qui esposa Loys Daulphin de France, qui gueres ne vesquit. (Simon De Phares, Astrol., c.1494-1498, f° 154 v°)

Espouser l'un l'autre

...ladite Agnesot et un sien filz appelé Gatelet ont esposé l'un l'autre (Reg. crim. Chât., II, 1389-1392, 525)

Emploi absolu. [D'un homme, d'une femme, d'un couple] Se marier.

LE ROY. (...) Delivrons nous, je vous en pri, Car espouser vueil sanz nul si Dedans un moys. (Mir. femme roy Port., c.1342, 171)

Doulce amie, espousé avons Et esté si lonc temps ensemble Que deux enfans (...) Avez de moy qui sont ja grans. (Mir. nonne, 1345, 336)

Si li conmandes (...) Qu'a espouser aussi s'adresce ; Qui ? La fille de l'emperiére (Mir. Rob. Dyable, c.1375, 68)

Adont li dist li rois : 'Biaus oncles, nous volons chi espouser en celle belle eglise d'Amiens ; nous n'avons que faire de plus detriier.' (Froiss., Chron. R., XI, c.1375-1400, 231)

Dist oultre et confessa, elle qui parle, que ledit dimenche matin que sondit ami dot espouser, elle se leva assez matin, le vit aller par davant la rue où elle demouroit, le salua... (Reg. crim. Chât., I, 1389-1392, 340)

Et parmi tant li mariages se passa, et espousserent en la chité d'Arras (Froiss., Chron. D., p.1400, 879)

Vostre niepce espousera Dimenche : c'est ung bel honneur. Vous lui ferez grant deshonneur, Se vous y venez en ce point ! (Jehan A., c.1400-1500, 139)

...estoient a ung matin pluseurs hommes et femmes qui devoient espouser a la premiere messe (C.n.n., c.1456-1467, 338)

Item, a maistre Jacques James, Qui se tue d'amasser biens, Donne fïancer tant de femmes Qu'il vouldra, mais d'espouser, riens ! Pour quy amasse il ? Pour les sciens ; Il ne plaint fors que ses morceaux ; Ce qui fut aux truyes, je tiens Qu'il doit de droit estre aux pourceaux. (Villon, Test. R.H., 1461-1462, 138)

Espouser à qqn

...il estoit nez de la ville de Paris, et que, passez sont XIJ ans, il espousa par mariage à Jehanne, ad present sa femme, et jadiz fille de feu maistre Estienne de Marueil, advocat en Chastellet. (Reg. crim. Chât., I, 1389-1392, 484)

Estre espousé de qqn

...au jour d'ui sera espousée De celi qui nous a de l'ost Delivré (Mir. fille roy, c.1379, 84)

Par métaphore. RELIGION [À propos de l'âme dans sa relation à Dieu]

...la sainte escripture appelle l'ame conjointe a Dieu par amour et par foy espousée et mariée (Mir. femme roy Port., c.1342, 149)

2.Marier qqn, unir (des pers.) par le mariage.

...et fut là ordonnée la journée en laquelle on les debvoit espouser (Le Bel, Chron. V.D., t.2, 1358, 138)

Le mardi, à heure de la haute messe, il furent espousé, en l'eglise catedral Nostre Dame de Cambrai, à grant solempnité ; et les espousa li evesques de Cambrai, qui ot à non Jehan et estoit nés de Brouxelles. (Froiss., Chron. R., XI, c.1375-1400, 194)

...vous, mes seigneurs, qui serez Espousez, après eulz irez ; Je qui derriére demourray Voz espousées conduiray Par ordenance. (Mir. fille roy, c.1379, 117)

La fu uns evesques qui les espousa [Remondin et Mélusine] . (Arras, c.1392-1393, 39)

Lors [Guyon et nostre damoiselle] furent fianciez et le lendemain furent espousez a grant solennité, et fu la feste grant et noble et dura XV. jours. (Arras, c.1392-1393, 144)

GRISELDIS. (...) le marquis, nostre seigneur, A grant joye et a grant honneur Doit au jour d'uy estre espousez (Gris., 1395, 33)

LE QUART CHEVALIER. Treschier sire, il vous fault venir O l'estole et o le fanon Espouser, quant temps en avon, A l'usaige de sainte Eglise, Le bon marquis et la marquise. (Gris., 1395, 40)

L'EVESQUE, espousant Griseldis au marquis selon la coustume du païs. (...) Je vous espeuse, et Nostre Sire Vous doint ensemble paix et joye ! (Gris., 1395, 41)

...et vinrent a Valenchiennes deviers les signeurs, l'evesque de Durames et les aultres qui la les atendoient. (...) Et fu la damoiselle espousee par la vertu de une procuration ; et puis retournerent en Engleterre (Froiss., Chron. D., p.1400, 157)

[Mariage d'Edouard III et d'une demoiselle de Hainaut] ...et les espousa li arcevesques dou lieu par la vertu de la dispensation que on avoit empetré en Avignon ; et fu le jour de la Conversion saint Pol. (Froiss., Chron. D., p.1400, 161)

Et aussy vous fauldra aller A Genève, vers mon seignieur L'evesque, qu'il me fasse honneur D'espouser nous gens, sy luy plest. (Myst. st Bern. Menth. L., c.1450, 64)

Espouser qqn à qqn

[MARIE.] '...connoissance de moi n'a Homme, n'a mon vouloir ara.' 'Bien le sai, a il respondu [Gabriel] , Et pour ceste cause fus tu, N'a pas granment, espousee A Joseph et (a) li donnee, Qui est .I. grant tapissement Et honneste encourtinement De ta virginite garder Pour tout soupecon hors geter...' (Guill. Digull., Pèler. J.-C. S., 1358, 39)

...Un jouvencel (...) A qui on voult femme espouser, Et celui pour la refuser S'en fouy (Mir. Barl. Josaph., c.1363, 270)

...quant je fu parcreue je fu espousée a mari (Mir. fille roy, c.1379, 7)

Oudit an mille quatre cent cinquante et ung, fut l'empereur Féderic ou Frédéric, duc d'Austriche, couronné et espousé à Rome par le pape Nicolas à la fille du roy de Portugal. (Chart. J., Chron. Ch. VII, V., t.2, c.1437-1464, 324)

... [le curé] print le jeune homme pouvre et l'espousa a la vieille femme riche (C.n.n., c.1456-1467, 339)

La beneuree vierge Marie fut espousee a Joseph pour pluseurs causes. (Sacr. mar., c.1477-1481, 46)

Emploi absolu. Célébrer un/le mariage.

Savoir devez, fol malostru, Qu'a celle resurreccion On n'y espousera pas, non, Ne ne sera l'en espousé (Mir. nat. N.S.J.C., c.1343, 237)

Or furent li signeur et les dames ensamble ce venredi, pour avoir conseil où on espouseroit. Si fu ordonné que on se departiroit d'Amiens, et venroit on à Arras espouser et faire les festes des noces. (Froiss., Chron. R., XI, c.1375-1400, 230)

Ensement demoura jusques au tiers jour ; et fist on faire mainte riche robe, tant pour l'espousee comme pour ses dames et damoiselles, et aussi pour les freres et pour les barons du pays et estrangiers. Et la nuit que on devoit espouser le lendemain, mena on la pucelle et avecques elle ses dames et ses damoiselles au maistre pavillon. (Arras, c.1392-1393, 191)

...quand vint a besoignier et espouser, il [le curé] print le vieil homme riche et la jeune fille pouvre et les joignit par l'aneau du moustier ensemble. (C.n.n., c.1456-1467, 339)

[Avec un obj. interne] Espouser des noces

LE ROY. Ma chiére amie debonnaire, On ne se peut pas si haster De telles noces espouser Conme du roy. (Mir. femme roy Port., c.1342, 164)

L'heure d'espouser/la journee d'espouser. L'heure, le jour du mariage.

LE QUINT CHEVALIER. (...) Appareilliez sont ja les draps. Et les joyaux nobles et riches Et le disner qui n'est pas chiches. Si est ja l'eure d'espouser ; Pou puet le marquis demourer Qu'il ne viegne a ses espousailles. LE TIERS CHEVALIER. Ne say se sont faultes ou failles Des noces du puissant marquis, Car ce propre jour nous a mis Certainement qu'espouser doit (Gris., 1395, 31)

Et fu la journee de espouser relaxsee jusques a une autre fois, et la en dedens la dispensation seroit aceptee et impetree. (Froiss., Chron. D., p.1400, 804)

3.Participe passé en emploi adjectival. Femme espousee. Épouse.

C'est assavoir : que son ami dessus nommé retourneroit par devers elle comme fait avoit paravant, et que à grant peine auroit-il afaire à sadite femme espousée. (Reg. crim. Chât., I, 1389-1392, 341)

Et en après ce qu'ilz ce prindrent à dancer à la tresche, et que ledit Hainsselin, son ami, et sa femme espousée, danssoient ensemble et s'entretenoyent par les mains, elle qui parle (...) mist à terre iceulx deux chapeaux (Reg. crim. Chât., I, 1389-1392, 342)

LE MARQUIS [à Janicola] . (...) par toy me soit donnee Ta fille a femme espousee, Et moy, combien que soies mendre, Doiz et pues tenir a ton gendre (Gris., 1395, 36)

Ledit monseigneur Robert de Duras, III^e filz dudit monseigneur Jehan de Duras, trespassa en la battaille de Poitiés, en la compaignie du roy Jehan, sans avoir jamais eu femme espousee ne enffans. (La Sale, Salade, c.1442-1444, 186)

De sa femme espousée avoit une seule fille, tresbelle et tresadressée pucelle (C.n.n., c.1456-1467, 545)

Dame espousee

LE PÉRE. (...) Egar ! qu'est ce, dame espousée ? Estes vous ja si tost levée ? (Mir. chan., c.1361, 177)

4.Participe passé en emploi substantival.

a)Au singulier. Celui que l'on va ou que l'on vient d'épouser, marié ; p. ext. époux.

Amenez donc nostre espousé Bien matinet. (Mir. chan., c.1361, 161)

Or alons de bourdes Servir tant la feste et de lobes Qu'avoir puissons l'une des robes A l'espousé. (Mir. chan., c.1361, 165)

Ces gentilz hommes buvoient d'autant et d'autel, et a l'espousé et a l'espousée. (C.n.n., c.1456-1467, 199)

Or est il de coustume que l'espousé et l'espousée se confessent a tel jour. (C.n.n., c.1456-1467, 298)

Espousee. Voir épousée

b)Au pluriel. Les espousés. Les mariés, les époux.

Et pour les noces afin de nourrir amour entre les espouséz et aussi entre leur amis. (Oresme, E.A.C., c.1370, 433)

...bien briefvement elle auroit des nouvelles d'iceulx esposez (Reg. crim. Chât., I, 1389-1392, 357)

5.infinitif substantivé. L'espouser. Le mariage.

Dieux, dist ly contes, Remondin, beaulx cousins, estes vous si estranges de nous que vous vous mariez sans ce que nous en ayons rien sceu jusques a l'espouser. Nous nous en donnons grant merveille. Et nous cuidions, se vous eussiez eu voulenté de femme prendre, que nous feussions le premier a qui vous en eussiez prins conseil. (Arras, c.1392-1393, 36)

B. -Par analogie. au figuré.

1.Espouser qqn. Lier qqn.

Dit m'avez (...) Comment Amours m'a secouru, Comment vous avez acouru Pour moy aidier et conforter, Les armes qu'amans doit porter, Et quel fust la signefiance Des couleurs et de leur samblance, Dont moult bon gré sceü vous é, Comment vous m'avez espousé [var. espousey] De vostre anelet savoureus Et chanté vos chans amoureus, Comment li amant riens ne puelent Qui departir de vous se vuelent, Car vous estes tous leurs effors, Leurs murs, leurs chastiaus, leurs confors... (Mach., R. Fort., c.1341, 86)

Espouser (une ville) à qqn (au seigneur). Lier (une ville) à qqn (au seigneur) par une allégeance qui garantit les franchises.

Et, après son retour audit lieu de Rouen, ceulx de ladicte ville le receurent et le menerent en l'ostel de leurdicte ville, où ilec l'espouserent à leur duc, et en ce faisant lui baillerent ung anneau qu'ilz lui mirent ou doy, que à ce faire estoit ordonné ; lequel depuis mondit seigneur Charles porta, et promist lors ausdiz de Rouen de les entretenir et garder en leurs franchises et libertez (Roye, Chron. scand., I, 1460-1483, 146)

2.[D'une pers.] S'attacher à qqn ou qqc..

a)Suivre (un auteur), l'imiter.

Dont Bede en espousant saint Luc sur ce pas : Ne timeas, Maria, dit ainsi : L'ange n'est pas a Marie venu pour li (...) decevoir... (Mir. fille roy, c.1379, 7)

b)Espouser la guerre. Se livrer à la guerre.

...et estoient tous les Flamans esbahis de la diligence et travail de ce prince, qui espousa la guerre incessamment, maintenant par la mer, maintenant par la terre ; et ne sçavoient de quel costé eulx garder. (La Marche, Mém., III, c.1470, 273)

Espouser mort. Devenir mortel.

Adam n'en eschapa mie, car, aprés la premiere desobeyssance, Justice tantost le despouilla de son noble vestement de innocence (...), le chassa hors de son propre heritaige, paradis terrestre, luy fit espouser mort, fut fait serf a tribulacion (Gers., Purif., 1396-1397, 61)

3.[D'une maladie, de la fièvre] S'attacher à qqn.

De fievre soit il espousé (Jehan A., c.1400-1500, 138)

De fievre soiye tu espousée ! (Janot Jan. A., c.1450-1500, 144)

...Cosnac dist audit suppliant que la Rousse, dont dessus est faicte mencion, avoit dit à son frère que les gens d'armes qui estoient alez à la taverne y estoient alez pour l'amour de sa seur et non pas pour l'amour d'elle, en disant : 'De fièvre cartaine soit espousée la ribaulde ; elle a fait blasmer sa seur sans cause'. (Doc. Poitou G., t.10, 1460, 215)

LE PREMIER. La fievre te soit espousee, Tu as tort de dire cecy. (Feste roys, c.1475-1500, 303)

4.[D'une vêtement] Estre espousé. S'adapter parfaitement au corps.

Cuides tu que je soyë aise Quand je me sens bien aplaniee, Quant mes robes sont espoussees De bonne maniere et courtoise ? (Bien avisé Mal avisé B., c.1487-1490 [1396], 103)