ESCRIRE

verbe

[T-L : escrire ; GD : escrire ; GDC : escrire ; AND : escrivre ; DECT : escrire ; FEW (XI, 331b) : scribere ; TLF (VII, 708b) : écrire]

I. -[Aspect matériel et manuel de l'écriture]

A. -Emploi intransitif. Tracer des signes d'écriture.

...fut dit et deliberé que d'ores en avant des prisonniers qui de present sont oudit Chastellet, et d'aucuns autres qui y pouroient venir pour cas de cryme ou autrement, qui se advoueroient et porteroient pour clers, lesquelx ne sauroient lire, escripre ou chanter, ne aussi congnoistre lettre aucune, (...) foy aucune ne soit adjoustée (Reg. crim. Chât., I, 1389-1392, 86)

...maistre Toussains Baiart, conseillier du Roy en la Chambre des Enquestes, estoit telement debilité de sa veue qu'il ne povoit lire ne escripre (Fauq., I, 1417-1420, 267)

Cestui Esdras reffist les livres de la loy et les mist en vraye substance et trouva maniere nouvelle aux Juifz de escripre et lettres plus nouvelles, prinses selon les estoilles, et ordonna aux Hebrieux escripre de la main dextre, en venant à senestre, car par avant escripvoient alant et venant ainsi que l'on laboure les terres à la charrue. (Simon De Phares, Astrol., c.1494-1498, f° 48 r°)

Dist semblablement : 'J'ay une plume de laquelle je escry et nul n'en peut escripre fors moy et, si l'on s'en efforce, la main tremble par merveilleuse maniere'. (Simon De Phares, Astrol., c.1494-1498, f° 77 v°)

...laquelle [vierge] predisoit plusieurs choses et sans aver esté jamais à l'escolle escripvoit, parloit latin et dictoit et composoit livres de catholique doctrine (Simon De Phares, Astrol., c.1494-1498, f° 117 r°)

De là fuz pour aprandre à lire, à escripre, compter et gecter soubz maistre Jehan Blondel, singulier arismeticien (Simon De Phares, Astrol., c.1494-1498, f° 156 v°)

[L'ex. suivant oppose l'aspect manuel de l'écriture et l'aspect intellectuel]

...pour lesquelz le Roy en avoit escript en la Court lettres moult especiaulz, signées de sa main, et esquelles avoit escript une ligne de sa propre main (Baye, I, 1400-1410, 8)

[Les signes peuvent être tracés avec différents éléments, sur des supports variés]

Pour escripre sur le papier lettre que nul ne verra se le papier n'est chauffé, prenez sel armoniac ou salemoniac et mectez tremper et fondre avec eaue. (Ménagier Paris B.F., c.1392-1394, 272)

Moïse, viendz en la montaigne, Et fay de la pierre deux tables Dont tu voix cy les samblables, Et je t'y escripray la loy De ma proppre main, a mon doy. (Pass. Semur D.M., c.1420 [1488], 39)

...mais se teut [Jésus Christ] et escripvoit de son doit en terre (Juv. Urs., Aud. illos, 1432, 33)

...ceulx de Caen [les francs archers] , qui avoient jaquetes où estoit escript dessus de broderie Caen, furent mis et logez tous dedens l'ostel et pourpris du Temple, et les autres dudit bailliage d'Alençon, qui avoient jaquetes où estoit dessus escript aussi de broderie Audi partem, furent logez ou quartier dudit Temple, partout où ilz peurent estre logez (Roye, Chron. scand., I, 1460-1483, 81)

Qui siet au feu et escript es cendres de son doy ou d'un baston, ou qui se joue du feu, c'est signe qu'il a pissié ou qu'il pissera ou lit. (Ev. Quen. I, c.1466-1474, 94)

Pour garir fievres continues, il faut escripre les trois premiers mos de la paternoster sur une fueille de sauge nostree et icelle mengier par trois matineez, et il garira. (Ev. Quen. I, c.1466-1474, 113)

Locution. [D'une chose censée inscrite dans la mémoire et aussitôt oubliée] Escrit au vent.

...Di si tu balsme verseras El cribre, o si tu quideras Q'il doit tenir ; noun, sanz doubtance. Nient plus, je t'en fais asseurance, Les femmes ont en retenance Le consail quel tu leur dirras : Si voels sercher sanz variance Le papir de leur remembrance, Escript au vent le troveras (Gower, Miroir homme M., c.1376-1379, 205)

Prendre par écrit ce que qqn dicte.

LE SECRETAIRE. Je ne vueil fuir telle peinne, Car tresvolontier j'escripray ; Dictes et j'encommenceray. (Myst. st Adr. P., c.1450-1485, 35)

Et sur ladite grève nous tirasmes à part, ledit cardinal et moy, et nommasmes unes lettres aux deux providateurs dessusdis (que escripvit Robertet, ung secretaire que le roy avoit, de qui il se fioit), disant le cardinal que à son office et estat appartenoit de procurer paix et aussi à moy, comme celuy qui de nouveau venoiz de Venise ambassadeur, et qui jà avoiz encommencé à estre mediateur (Comm., III, 1495-1498, 176)

[De la plume]

Et se aulcunement en cestuy livre j'ay parlé aultrement que bon françois, sans lengaige substancieulx, plain de bon entendement, a tous bons facteurs et clercs humblement j'en demande correction, amendement et des faultes perdon, car, se la plume a mal escript, le cuer ne pense que bien dire. (Bagnyon, Hist. Charlem. K., c.1465-1470, 221)

Table à escrire

...unes tables à escrire, et l'estuy d'argent doré, aux armes de France et de Navarre (Invent. mobilier Ch. V, L., 1379-1391, 219)

Greffe à escrire. Poinçon, stylet.

Ici falli Cesar, qui tant souvent commist a fortune l'estat de ses bataillez, et le peril de sa vie plus que a rayson, et s'y fia comme s'elle ne luy osast faillir, puis, aprés les glaives de tout le monde surmontés, fut il a Romme sucombé et mort en ung conseil par greffes a escripre. (Chart., L. Esp., c.1429-1430, 113)

infinitif substantivé. Fait d'écrire.

...pour rien ne l'eust voulu abandonner, tant pour son bien escripre et diligence que pour la fiance que doresenavant a luy adjoustera [Un procureur apprécie un de ses clercs] . (C.n.n., c.1456-1467, 95)

B. -Emploi transitif. Escrire des lettres. Former (des lettres).

Et la cause est, car nous ne faison pas doubte comme l'en doit former ou escrire les lectres, mais des choses qui peuent estre faites par nous en plus d'une maniere ou en pluseurs manieres dissemblables. (Oresme, E.A., c.1370, 190)

...lui fiz aussi ung introductoire pour aprandre à parler et à escripre lectre ebraïque. (Simon De Phares, Astrol., c.1494-1498, f° 163 r°)

II. -[Aspects fonctionnels de l'écriture]

A. -[Le résultat de l'action d'écrire est une inscription ou bien la mention d'une chose enregistrée, consignée]

1.[Une inscription]

a)Inscrire, marquer qqc. (sur un support visible pour signaler, célébrer, stigmatiser...).

Et encore les Romains en usoient et donnoient triumphes et coronnes de lorier et de palme et escrivoient titres triumpals et faisoient statues ou ymages pour le honeur et memoire de ceuls qui obtenoient nobles victoires. (Oresme, E.A.C., c.1370, 210)

Mais Dieux, li peres glorieus, Qui ne voult plus l'orgueil du roy, Fist une main en la paroy Escripre .III. mos près a près Disans : 'Mané, Thechel, Pharès', Signifians que brief mourroit Et que son royaume perdroit, Et seroit moult tost divisé. (Desch., M.M., c.1385-1403, 14)

...en la presence desquelz ce present procès fu leu et recité, que l'en ne le povoit ou devoit espargnier qu'il ne feust tournez ou pillory ayant une mittre de papier mise sur sa teste, en laquele soit escript ces moz : faussaire et que d'illec il feust menez à la justice du roy notre sire (Reg. crim. Chât., II, 1389-1392, 492)

Et aux piez de la tombe mist une ymage d'albastre de son hault et de sa figure, si bel et si riche que plus ne povoit, et tenoit la dicte ymage un tablel d'or ou toute l'aventure dessusdicte estoit escripte. (Arras, c.1392-1393, 14)

Et entre ces chevaliers avoit IIJ. places vuides, ou il avoit IIJ. escuz armoiez des armes de IIJ. chevaliers, de qui le nom estoit escript dessoubz, et leur region, et de quel lignaige ilz estoient. (Arras, c.1392-1393, 304)

Je vous pry que près de la place Ou seray mis, qu'on face escripre Ces vers icy en peu d'espace, En lieu quë on les puisse lire : 'Tel et tel' oster conviendra Pour le droit nom et surnom mettre, Et puis le temps on comprendra, Par bon moyen selon la lettre. (Régn., F.A., 1432-c.1465, 132)

Pour ce dieu cy estre honnourant, Dont ne sçavons la verité, Comment il est par nom nommé Ung autel droit cy faisons faire, Auquel dessus ferons pourtraire Et escripre Dieu incongneut, Del aourer soions conclut Car il a puissance infinie. (Marcadé, Myst. Pass. Arras R., a.1440, 200)

Item, vueil qu'autour de ma fosse Ce qui s'enssuit, sans autre histoire, Soit escript en lectre assez grosse - Qui n'auroit point d'escriptouoire, De charbon ou de pierre noire Sans en rien entamer le plastre (Villon, Test. M., 1461-1462, 142)

Priez pour l'ame, s'il vous plaist, Du franc archier de Baignolet, Et m'escripvez a un paraphe Sur moy ce petit epitaphe : Cy gist Pernet, franc archier, Qui cy mourut sans demarcher, Car de fuir n'eut onc espace (Fr. arch. B., c.1468-1480, 40)

Mect cestuy [écriteau] a l'ault de la croix, Desus la teste de Jhesus. Qui riens te dira, dy sans plus Que j'ay escript ce qu'est escript. Oultre plus diras que j'ay dit Qu'aultre chose n'escriprey pas. [Réf. à Jean 19, 19-22] (Pass. Auv., 1477, 214)

Quant le prince vit ceste notable sentence, il la fist escripre desure l'huis de son pallaiz en lettre d'or. (Colart Mans., Dial. créat. R., 1482, 229)

Il y a escrit qqc. Qqc. se trouve inscrit.

Et entre ces chevaliers avoit IIJ. places vuides, ou il avoit IIJ. escuz armoiez des armes de IIJ. chevaliers, de qui le nom estoit escript dessoubz, et leur region, et de quel lignaige ilz estoient. Et par dessus leurs escuz avoit escript : En tel an veilla nostre espervier ceans cest noble chevalier bien et deuement, et en emporta son don. Et ainsi avoit escript par dessus les deux autres escuz. (Arras, c.1392-1393, 304)

Il les releva toutesfoiz [les lettres] , et voit qu'elles sont fermées ; et avoit au doz escript : 'Au desloyal Gerard.' (C.n.n., c.1456-1467, 180)

Et estoit enmaillé au tour de la tombe tout l'art de rethorique fait par personnaiges, et au chief avoit ung tresgent epitaphe que ung angelot tenoit, ouquel avoit escript en ceste maniere... (RENÉ D'ANJOU, Cuer am. espris W., 1457, 142)

Participe passé en emploi substantival. Écriteau.

Pilate sus la croiz escrist (...) En .III. lengages soufisans Estre entendus de touz passans : 'Vez ci Jhesus de Nazareth Qui nommé roy des Jüis est' Ausi com dëist aus passans Et a cel escrit regardans : 'Quique vous estes pelerins, Hebrex ou gregois ou latins, Poués savoir et entendre Qui est cil que vëés pendre...' (Guill. Digull., Pèler. J.-C. S., 1358, 287)

b)Par analogie. Empreindre qqc..

Véroine [Véronique] prist sa toile, qu'au marchié vendre aloit, S'en couvri le corps Dieu, dont grant pitié avoit ; Là, fu se fache escripte, si qu'encore on le voit Droit à Romme le grant : fox est qui che ne croit. (Baud. Sebourc B., t.2, c.1350, 55)

Ja n'i sera morte ne apalie, Toute bonté est dedens lui escripte. (Froiss., Par. am., c.1361-1362, 80)

Et lors [Mélusine] se mue en une serpente grant et grosse et longue de la longueur de XV. piez. Et sachiez que la pierre sur quoy elle passa a la fenestre y est encores, et y est la fourme du pié toute escripte. (Arras, c.1392-1393, 260)

VERONNA. Beaul doulx sire, elle [la toile] vous ressanble, Escripte y est vostre face (Pass. Semur D.M., c.1420 [1488], 206)

c)Par extension. Figurer, représenter qqc..

...mais dessus sa senestre mance Une targe vermeille porte [le chevalier blanc] . En la targe, qui n'est pas forte, Mais d'argent ouvrée, par m'ame, A escript une blanche dame (Froiss., Méliad. L., t.2, 1373-1388, 161)

Peindre, décorer.

(Ycy Magdaleine se lave le visaige et se mire, puys dit :) MAGDALEINE. Suis je assés luysante ainsi ? PERUSINE. Tres : C'est une droicte image escripte. (Gréban, Pass. J., c.1450, 131)

Mais les Borgoignons, saiges conseilliers redoubtans la puissance du roy Cloÿs, pour bon conseil desliberé, quant ilz eurent bien serché les tresors de Gondobundus leur roy, ilz vont trouver l'anel du roy Cloÿs que Clotildis y avoit mis, qui estoit escript et pourtrait de ymage, et vont conduire et parfaire la volanté du roy Cloÿs. (Bagnyon, Hist. Charlem. K., c.1465-1470, 5)

2.[La mention d'une chose enregistrée ou consignée)]

a)Répertorier qqc. (dans un inventaire).

...et est assavoir que en ladicte chappelle a unes Heures et ung Messel, lesquelz ne sont pas icy escriptz, pour ce qu'ilz sont escriptz en la librairie du Roy. (Invent. mobilier Ch. V, L., 1379-1391, 237)

Au second livre ou papier escripra la despense du bois et charbon que l'en gastera par chacun an ès dictes mines, dont il fera plusieurs chappistres. (Aff. Jacques Coeur M., 1453-1457, 350)

Inscrire qqc. (en vue d'un bilan).

...mais je vous pry que je puisse avoir delez moy ung clercq, lequel je feray escripre les grans frez, dons et despens que je ay fait du temps passé en procurant en Alemaingne et en Boesme le mariage du roy nostre sire. (Froiss., Chron. M., XIV, c.1375-1400, 35)

b)Rédiger (un acte, une déposition).

Proteste que se aucune chose il a baillié de ce que il a dit devant nosseigneurs, il est prest de l'escripre. Et est ceste depposicion escripte de la main dudit deposant, sur la minue de ce present procès. (Reg. crim. Chât., I, 1389-1392, 541)

Consigner, enregistrer qqc..

...touz ses murtres escripray, Si les monstreray mon seigneur (Mir. femme roy Port., c.1342, 192)

J'escripray en ce parchemin Tout vostre fait. (Mir. femme roy Port., c.1342, 192)

Li vaillant homme traveillent leurs membres en armes, pour (...) acroistre leur honneur (...) Li aucun clerch escrisent et registrent leurs avenues et baceleries. (Froiss., Chron. L., I, c.1375-1400, 5)

...je vous pry que je puisse avoir delez moy ung clercq, lequel je feray escripre les grans frez, dons et despens que je ay fait du temps passé en procurant en Alemaingne et en Boesme le mariage du roy nostre sire. (Froiss., Chron. M., XIV, c.1375-1400, 35)

Si vous plaise à faire diligence de la trouver et de en faire raison et justice. Nostre Seigneur soit garde de vous. Escript à Corbeil, le mercredi premier jour de mars. Le tout vostre. Jehan Marcel, licencié en lois. (Reg. crim. Chât., II, 1389-1392, 56)

Veues et ouyes lesqueles oppinions et procès cy-dessus escript, icellui mons. le provost condempna ad ce ledit Robinet de Gournay, prisonnier. (Reg. crim. Chât., I, 1389-1392, 136)

...il fu et a esté present et en la compaignie de Phelipot Le Vachier, cy-dessus nommé et escript, à faire les excez et deliz par lui cogneuz et confessés en sa confession cy-devant escripte, le avoir aidié et tenu compaignie à faire iceulx par la fourme et maniere que escrips, desclairés et contenus sont en la depposicion et confession dudit Phelipot Le Vachier, cy-dessus escripte, qui lui fu leue mot après autre (Reg. crim. Chât., II, 1389-1392, 239)

Noter qqc. (au dos d'une lettre) (pour montrer qu'elle a été lue, prise en compte...).

Et après la lecture et publicacion desdictes lettres, le Chancelier me commanda escripre : lecta, publicata et registrata, au dos d'icelles lettres. (Fauq., I, 1417-1420, 285)

...veue l'opinion et deliberacion de la Court, je ne devoie au dos desdictes lettres escripre aucune chose par quoy on peust noter que la Court eust approuvé lesdictes lettres ou ladicte publicacion (Fauq., I, 1417-1420, 285)

Rédiger (un testament).

Escript l'ay [mon testament] l'an soixante et ung, Lors que le roy [Louis XI] me delivra De la dure prison de Mehun Et que vie me recouvra, Dont suis, tant que mon cueur vivra, Tenu vers luy m'usmilier, Ce que feray jusqu'il moura : Bienfait ne se doit oublier. (Villon, Test. M., 1461-1462, 28)

Emploi absolu. Faire des travaux de secrétariat, d'écriture.

Pour les despens de lui, les diz 5 clers et 4 autres qui n'avoient fors leurs despens pour ce qu'il estoient clers des officiers du roy, par plusieurs journees qu'il escripstrent, tant en l'ostel du Bar a Roen que en l'ostel de la Lune devant le Chastel. (Clos galées Rouen M.-C., t.2, 1341-1342, 60)

LE SECRETAIRE. (...) Divisez ce qui vous plaira : Prest sui d'escripre. (Mir. fille roy Hongrie, c.1371, 53)

c)Au figuré.

Escrire qqc. (dans son coeur, son âme...). Recueillir, enregistrer, inscrire qqc. (dans son coeur, son âme...).

Notté ? mais en mon cuer escript, Qu'en pleige baillay Jhesu Crist Et sa tresdoulce mére chiére ! (Mir. march. juif, c.1377, 202)

'O bon Jhesu, veuilliés escripre en mon cuer tes sainctes playes de ton precieux sang a ce que je cognoisse tout ce qui me fait besoing...' (Mézières, Vertu sacr. mar. G.-K., c.1384-1389, 43)

C'est beau patron pour toy conduire, Se le retiens en ta memoire, En ton cueur le te fault escripre, Ou tout si ne vault une poire. (Régn., F.A., 1432-c.1465, 110)

Escrips mes paroles en ton cuer et les traite diligaument, car elles te seront moult necessaires en temps de tribulacion. (Internele consol. P., 1447, 70)

LE JUGE. A jeu ne tien pas ne a feste Ces paroles que vous me dittes, Monseigneur ; mais bien sont escriptes En mon cueur et en ma pensée. (Myst. st Adr. P., c.1450-1485, 113)

Le bon filz mercya son pere de son bon advertissement, et luy promect d'escripre ses enseignemens au plus profond de son entendement (C.n.n., c.1456-1467, 330)

Regarde en pitie ce martyre : Vuille [le] en ton cueur escripre, De ma passion te remembre. (Pass. Autun Biard F., 1470-1471, 146)

Escrire qqc. à qqc. Attribuer qqc. à qqc., mettre qqc. sur le compte de qqc..

Ceste victoire que je compte Tesmoigne bien en verité Ou quint livre de la Cité Saint Augustin, qui fait a croire. Non pour quant, c'est bien chose voire, Il ne dit pas par quel merite ; Mais el doit estre a cest escripte, Ce me semble, especiaulment, Quant Dieu voult que principalment L'oraison de lui fust requise Pour le peril de saincte eglise. (Tomb. Chartr. W., c.1337-1339, 103)

d)Escrire qqn

Inscrire, classer qqn (dans une liste).

Dieu me vueille escripre en son livre ! (Mart. st Pierre st Paul R., c.1430-1440, 155)

...en celle histore presente (...) vous i verés et trouverés les noms de pluisseurs vaillans honmes qui doient bien estre escript ens ou nombre des preus. (Froiss., Chron. D., p.1400, 37)

Mentionner, citer qqn (dans une déposition).

...il fu et a esté present et en la compaignie de Phelipot Le Vachier, cy-dessus nommé et escript, à faire les excez et deliz par lui cogneuz et confessés en sa confession cy-devant escripte (Reg. crim. Chât., II, 1389-1392, 239)

Emploi pronominal réfléchi. S'inscrire.

'Or s'escripsent tout cil qui aler i voldront avoec les faissans d'armes, et nous envoiierons querir le sauf conduit.' Tantost s'escripsirent chevalier et escuier jusques à trente. (Froiss., Chron. R., X, c.1375-1400, 34)

Je suys Bruyt d'Amours nommé ; J'ay longtemps esté renommé Que les jeunes gens me suyvoient Et qu'en mon livre s'escrivoient Tous et toutes a dire voir ; Car chacun me vouloit avoir, Chacun tendoit d'avoir le bruyt. Mais maintenant chacun me fuyt, Y n'est plus d'amours naturelles ['loyales'] (Pipée R., c.1470-1480, 167)

Peres escrits. À Rome, sénateurs' (lat. Patres conscripti).

Seigneurs peres escripz, gardez que vous ne faiciez en ce fait telle chose pour bien, dont mal viengne apres [l. aprés] . (Faits Romains M., c.1400-1500, 54)

B. -[Le résultat de l'action d'écrire est une lettre]

1.Escrire (une) lettre (à/par devers qqn). Rédiger (un message destiné à être envoyé à qqn).

Siques, je vous pri, escrison, Sus le fourme que je vous di, Unes lettres par devers li. (Froiss., Méliad. L., t.1, 1373-1388, 53)

Et [Remondin] escrisi lettres et seella, qu'il envoya a Gieffroy et aux barons du pays, faisans mencion comment Gieffroy en prensist les hommages, et aussi comme les barons le receussent a seigneur. (Arras, c.1392-1393, 271)

Car je ne scay a qui dire Mon martyre, Et encores l'ay je pire Que ne me povez escripre Lettre que je puisse lyre, Pour ung peu mon cueur deduire Et conduire. (Régn., F.A., 1432-c.1465, 46)

...les afflictions (...) me ont fait enhardir (...) de vous escripre ceste presente epistre (Juv. Urs., T. rever., 1433, 55)

...j'ey receu lettres que le juge et vous m'avés scriptes dernierement par Janot de Toges, touchant son cas de Belpuis (Lettres Louis XI, V., Pièces justif., t.7, 1479, 321)

Et le tres noble, saige et prudent seigneur, ung petit davant qu'il trespassast, escript unes lettres au roy (La Vigne, V.N., p.1495, 311)

infinitif substantivé. Au temps de l'escrire/à l'escrire de (une lettre). Au moment de la rédaction, de la mise par écrit.

...scavoir vous volons q'au temps de l'escrivre de cestes noz lettres nous estoions en parfaite santee (Lettres agn. L., 1392, 139)

...al escripre de cestes, nostre seignur le Roy et touz les seignurs de sa retenue estoient sainz de corps (Lettres agn. L., c.1394-1399, 202)

A l'escrit de une lettre. Au moment de la rédaction, de la mise par écrit.

...je estoit a l'escript de ces presentes en bone santé et prosperité de corps, la mercie nostre sire, qui ce vous veulle par sa grace continuement ottroyer. (Lettres agn. L., p.1412, 251)

2.Escrire (qqc.) à/devers qqn

...icelli Rousselet lui leut une minue en pappier qu'il disoit contenir la teneur desdites lettres closes, et contenoient celles de mons. de Berry, sy comme il se recorde, que le roy lui prioit que plus ne volsist escripre devers le pappe pour ledit evesque de Poitiers, afin de obtenir à l'arcevesché de Sens (Reg. crim. Chât., I, 1389-1392, 525)

Et le roy leur donna de beaulx dons, et escripsi a son pere Remond et a sa mere Melusigne tout l'estat de lui et de son frere. (Arras, c.1392-1393, 144)

Et escripsi deviers ces signeurs d'Alemagne ; et leur manda conme vicaires de l'Empire et les semonst, sus lors fois, que tout venissent. (Froiss., Chron. D., p.1400, 298)

Et entretant il va a son estude escripre a messire Nicolle, son bon ami, la joye qu'il avoit de sa bonne santé, le priant que par ses hommes, l'andemain, lui face venir des vivres qui seroient bien payez. (La Sale, Salade, c.1442-1444, 149)

Messeigneurs, qui comprindrent bien le parler de la royne qui tresmal contente d'elle estoit, ly escriprent et envoierent l'un de leurs beaus peres. (La Sale, J.S., 1456, 300)

...combien qu' il eust conclu et deliberé de soy retirer de l'amour et accointance de celle qui luy escripvoit, si n'estoit il pas si converty (C.n.n., c.1456-1467, 480)

Cestui escripvit au pappe la prinse de Nigrepont, six moys avant qu'elle fust advenue, par l'ambaxade qui preceda Jaques Cueur. (Simon De Phares, Astrol., c.1494-1498, f° 158 v°)

Escrire de ses nouvelles à qqn. Donner de ses nouvelles à qqn.

...je vous prie que tantost que vous serez arresté, ou que ce soit, que m'escrivez de voz nouvelles (C.n.n., c.1456-1467, 168)

Escrire à qqn que. Faire savoir que.

...et une foys dit [Pilate] a l'empereur ou escripvist que se il vouloit il auroit foison argent (Juv. Urs., Verba, 1452, 271)

Se je meur, je leur [escripré] Que la grant clef de nostre huche Est ou pertuys ou je la muce Et qu'ilz gardent bien ma besace. (Sots gard., a.1488, 103)

Escrire l'un à l'autre que. Décider ensemble (au moyen de messages écrits) que.

Si escripsirent li uns a l'autre que il se meteroient ensamble o toute lor poisance, et venroient reconquerir les villes et les chastiaus que les Englois avoient conquis. (Froiss., Chron. D., p.1400, 614)

Escrire (une lettre) + interr. ind.

Il escripvit bien a haste par ung propre message a son compaignon en Flandres comment sa dame avoit fait ung enfant (C.n.n., c.1456-1467, 345)

...et lui escripvit une lettre comment il florissoit en armes et que Dieu lui avoit donné tant de victoires et tant d'honneur sur lui qu'il devoit souffire sans voulloir poursuir plus avant à sa destruction, qui lui seroit reputé cruaulté, veu qu'il n'avoit plus de puissance et qu'il avoit voullenté de soy mettre à son devoir (Bueil, II, 1461-1466, 250)

C. -[Le résultat de l'action d'écrire est un document, un acte à caractère officiel qui fait autorité] Avoir, par son statut, le pouvoir d'agir sur autrui (à travers un acte administratif, des lois...).

1.Escrire qqn.

a)Convoquer qqn.

A ce conseil s'acordèrent li rois et tout li signeur, et se departi li parlemens sour cel estat, et furent nommet et escript li baron et li chevalier qui en Portingal iroient avoecques le conte de Cambruge. (Froiss., Chron. R., X, c.1375-1400, 91)

Et si i vinrent auquns chevaliers d'Artois et de Canbresis, non obstant que il ne fuissent point escript ne mandet (Froiss., Chron. D., p.1400, 114)

Chils parlemens fu escrips et mandés a estre a Brouselles (Froiss., Chron. D., p.1400, 339)

Encores fu escrips et mandés dou roi Phelippe messires Jehans de Hainnau (Froiss., Chron. D., p.1400, 685)

Escrire qqn de qqc. Demander à qqn de (faire qqc.).

Messires Jehans de Hainnau fu promoteres de ce mariage et s'en aquita bien, ensi que escript on l'en avoit (Froiss., Chron. D., p.1400, 157)

Escrire l'armée. À Rome, inscrire, enrôler les troupes.

...et que entredeux li consul escrivent leur ost et l'arment et le meitent hors (Bers., I, 9, c.1354-1359, 8.7, 14)

Estre escrit à qqc. (qu'il faut fournir). Être inscrit pour fournir telle chose.

'Il est ordonné par nostre especial conseil que en cesti voiage vous nous servirés et estes escris à deus cent lances.' (Froiss., Chron. L., VI, c.1375-1400, 231)

Toutes fois li sires de Labreth ne fu escrips que à deus cens lances, dont il n'estoit mies plus liés, ossi n'estoient ses gens. (Froiss., Chron. L., VI, c.1375-1400, 234)

b)Nommer et escrire qqn + nom de titre Conférer à qqn (tel titre) et faire figurer ce titre dans les documents officiels.

Il fu fait et ordonné, par l'avis dou roy premierement et de son conseil, que messires Lyonniaus, secons filz dou roy d'Engleterre, qui s'appelloit contes de Dulnestre, fust en avant nommés et escris dus de Clarense. (Froiss., Chron. L., VI, c.1375-1400, 80)

S'escrire+ nom et/ou titre. Se donner à soi-même tel titre et et le faire figurer dans des documents.

...il vint par Avignon pour veoir celuy qui s'escripsoit pape Clement (Froiss., Chron. M., XIV, c.1375-1400, 120)

...il avoit commission de prendre, lever et recepvoir tous les pourfiz de ces terres, et s'en escripsoit duc et manbours. (Froiss., Chron. M., XIV, c.1375-1400, 135)

Loys de Baiviere (...) s'escripsi, tant que il vesqi, rois d'Alemagne et empereour de Ronme, maugré tous ses malvoellans (Froiss., Chron. D., p.1400, 245)

...li contes de Montfort (...) avoit encargiet plainnement le nom et les armes de Bretagne et s'escripsoit : 'Jehans, dus de Bretagne, contes de Montfort et de Limoges.' (Froiss., Chron. D., p.1400, 476)

c)Escrire qqn à/devers qqn. Recommander qqn à qqn (dans un message).

...je Froissars, acteres de ces croniques, fui en Escoce en l'an de grasce .MCCCLXV., car la bonne roine, madame Phelippe de Hainnau, roine d'Engleterre, m'escripsi deviers le roi David d'Escoce (...) et au conte de la Mare, liquel, pour l'onnour et amour de la bonne roine desus ditte qui tesmongnoit par ses lettres seelees que je estoie uns de ses clers et familiiers me requellierent tout doucement (Froiss., Chron. D., p.1400, 127)

...ma tres honnouree dame, madame la roine Phelippe d'Engleterre, m'escripsi deviers li et deviers les barons d'Escoce (Froiss., Chron. D., p.1400, 779)

2.Escrire qqc.

a)[Idée de décider, fixer]

Adonc de rechief se remisent li plus especial dou conseil des deux rois dessus nommés ensamble, et fu là jettée, escripte et puis grossée, par l'avis de l'un et de l'autre, une commission dont la teneur s'ensieut ensi. (Froiss., Chron. L., VI, c.1375-1400, 47)

Recita en oultre comment esdictes lettres les aucuns d'entour monsegneur le Dauphin, capcieusement ou autrement, pour continuer lesdictes divisions, avoient fait escrire abstinence de deux ans, au desceu des ambassadeurs du Roy envoyez par devers mondit segneur le Dauphin, afin d'avoir abstinence de guerre par temps convenable. (Fauq., I, 1417-1420, 292)

Escrire à qqn que + indication d'une obligation. Faire à qqn un devoir de (ici dans une loi).

Ceste femme cy que tu voix A esté en adultere prise, Or nous voult escripre Moÿse, En la loy qui fait a garder, Que telz gens devons lapider. (Myst. Pass. Troyes B., a.1482, 424)

Escrire que

Ordonner par écrit de.

Einsi fist li rois Daire escrire Par son roiaume et son empire, Qu'au Dieu Daniel oubeïsse Chascuns et li face servise Et qu'on renoie ydolatrie Que je tien a grant cornardie: Qu'un entailleur fait une ymage De corps, de membres, de visage (Mach., C. ami, 1357, 46)

Enregistrer qqc. par écrit et par là en faire un objet de foi.

...en l'estroit secré du consire Divin fu fermé et escript Que Dieu seroit et homme et Crist (Mir. mère pape, c.1355, 375)

Escrire un prix à qqn. Décider de décerner le prix à qqn.

Par ma foy, sire, il [le prix] est escris A .I. chevalier tres vaillant (Froiss., Méliad. L., t.2, 1373-1388, 259)

b)[Domaine des prescritions mises par écrit]

Loi escrite

Et en la maniere que il est un juste ou droit non escript et l'autre est selon loy escripte et legal, semblablement de l'amistié qui est selon oportunité de proffit (Oresme, E.A., c.1370, 446)

Bien dit donques qu'il escrira ou fera escrire la loy contenue en Deutronome en un volume, c'est a dire en son cuer, par telle maniere que la loy escripte soit la premiere et la loy qui est en l'entendement moral et ou cuer soit la seconde. (Foul., Policrat., IV, 1372, 62)

Vraiz juges est et veritables, Qui rendra par la loy escripte A chascun selon sa merite, Aux bons bien, et aux mauvès perte. (Desch., M.M., c.1385-1403, 160)

...loy escripte ne doit estre contraire à celle de Nature, si comme estoit la loy faitte des Juifs, qui disoit que les hommes povoient vendre leurs femmes (Chr. Piz., Faits meurs Ch. V, S., II, 1404, 24)

Clerc m'avez fait Sans nul forfait Et puis reffait Humble acollite Tant qu'en effect, En dit et fait, De cueur parfait, Je me delicte En loy escripte Qui, sans redicte, Je croy, pour estre en Dieu reffait, Sans nullement estre ypocrite, En ce poinct comme on l'a tanscripte Et que vous la m'avez produyte Affin que ne soye deffaict. (La Vigne, S.M., 1496, 275)

De raison escrite

Presuppose oultre que de raison escripte un libelle diffamatoire ne doit point estre dissimulé, mais doit estre dessiré et rompu, et le puet et doit ainsi faire un chascun. (Fauq., I, 1417-1420, 31)

Ce jour, maistres Miles d'Angeul, doyen de Chartres, et Pierre de Canteleu, maistres des Comptes du Roy, vindrent en ladicte Chambre de Parlement pour avoir l'advis et deliberacion de la Court sur le refus que faisoit l'evesque de Paris de baillier denombrement de son temporel, disant que de raison escripte n'y estoit tenu, pour ce que le temporel dudit eveschié estoit admorti, et n'avoit esté baillé aucun denombrement par ses predecesseurs, et n'en monstroient point les gens des Comptes, qui avoient delaié et delaioient delivrer audit evesque sondit temporel soubz umbre dudit denombrement non baillié. (Fauq., II, 1421-1430, 78)

Nous avons de raison escripte que pour la redempcion des personnes les choses ecclesiastiques se peuent vendre et aliener, par plus forte raison les choses prophaines. (Juv. Urs., Loquar, 1440, 424)

...et vos predecesseurs l'ont fait aussi anciennement, et ne se trouverra point que la jurisdiction ecclesiastique eust esté en riens empeschee aux prelats qui leur compette, tant de raison escripte que d'usage et que de une maniere de privilege ou de permission par vos predecesseurs. (Juv. Urs., Verba, 1452, 352)

c)Prescrire, recommander qqc..

Au point du jour, que l'esprevier s'esbat, Meu de plaisir et par noble coustume, Bruyt la mauviz et de joye s'esbat, Reçoyt son per et se joinct a sa plume, Offrir vous vueil, ad ce desir m'alume, Joyeusement ce qu'aux amans bon semble : Sachiez qu'Amour l'escript en sa volume, Et c'est la fin pourquoy sommes ensemble [Robert d'Estouteville et Ambroise de Loré] . (Villon, Test. M., 1461-1462, 111)

Sy alé voir en Taillevant Ou chappitre de fricassure, Tout au long, derriere et devant, Lequel n'en parle jus ne sure [des langues cuisans, flanbans et rouges] ; Mais Macquaire, je vous asseure, A tout le poil cuisant ung deable Afin qu'il sentist bon l'arseure, Ce recipe m'escript sans fable (Villon, Test. M., 1461-1462, 113)

D. -[Le résultat de l'action d'écrire est un texte ou un ouvrage à caractère didactique, historique ou littéraire]

1.Escrire un ouvrage. Composer, rédiger (un ouvrage).

J'ay de leurs bontez mille exemples, Voire par Dieu plaines mes temples, Pour faire et escripre un grant livre. (Desch., M.M., c.1385-1403, 296)

Ce livret voult ditter et faire escripre, Pour passer temps sans courage vilain, Un simple clerc que l'en appelle Alain Qui parle ainsi d'amours par ouïr dire. (Chart., D. Fort., 1412-1413, 195)

J'en sauroye, sur ma foy, De ma main ung livre escripre, Ou amans pourroient lire, Des yeulx larmoyans sans rire, Je m'en croy (CH. D'ORLÉANS, Chans. C., c.1415-1440, 250)

Cestui Bambrany vesquit longtemps et escripvit plusieurs livres qui font reluire sa memoire en plusieurs lieux. (Simon De Phares, Astrol., c.1494-1498, f° 32 r°)

Escrire tel type d'écrit. Composer (tel type d'écrit).

La lettre, et la balade ossi, Tout en un volume escripsi, Puis le ploiai et saielai Et au messagier le baillai, Qui se parti, Diex le convoie ! (Froiss., Pris. am. F., 1372-1373, 64)

Si vous pri que nous escrison Ce rondelet avoech la lettre (Froiss., Méliad. L., t.1, 1373-1388, 64)

Une baladë en diray Que cy après jë escripray (Régn., F.A., 1432-c.1465, 84)

Si ay proposé à l'aide de Dieu escripre et compiller ung petit traictié narratif, pour donner cueur et voullenté à tous hommes, especiallement à ceulx qui sieuvent les adventures merveilleuses de la guerre, de tousjours bien faire et acroistre leur honneur et hardement de mieulx en mieulx. (Bueil, I, 1461-1466, 15)

Mes tres chieres voisines et compaignes, en ceste vocation, vous voyez et aussi il est tout notoire comment les hommes du temps present ne cessent de escripre et faire libelles diffamatoires et livres contagieux poingnans l'onneur de nostre sexe. (Ev. Quen. I, c.1466-1474, 80)

Escrire + nom de l'oeuvre

Ainxin, regardans cestes paines qu'ilz prennent pour joies, considerans la repugnance qui est entre leur entendement et le mien et de pluseurs aultres, me suy delicté, en les regardant noer en la nasse ou ilz sont si bien embarrez, a escripre icelles ..XV.. joies de mariage a leur consolacion, en perdant ma paine, mon ainte et mon papier au regart des autres qui sont a marier, qui pour ce ne lesseront pas a soy metre en la nasse, ne n'est auxi mon entencion (Quinze joies mar. R., c.1390-1410, 5)

Escrire tel contenu résumé. Raconter telle chose, telle histoire.

Si vueil oultre l'istoire escripre (Chr. Piz., M.F., III, 1400-1403, 186)

...et dient les Grecz que fut celui ci qui escripvit l'ystoire de Troye,que puis translata Cornelius Nepveu de Saluste. (Simon De Phares, Astrol., c.1494-1498, f° 30 v°)

Cestui destourna Roboam de avoir bataille ne guerre à Jeroboam et escripvit leurs gestes pour veoir que mieulx resisteroit aux influences celestes. (Simon De Phares, Astrol., c.1494-1498, f° 36 r°)

2.Escrire qqc.

Rapporter (des événements historiques).

Chils sieges tint longement devant Calais, et si i avinrent des grandes aventures et des belles proeces de l'un costé et de l'autre, par terre et par mer, lesquelles je ne puis pas toutes, non la moitié, escripre ne recorder. (Froiss., Chron. D., p.1400, 794)

Décrire qqc., rendre compte de qqc..

Chils sieges tint longement devant Calais, et si i avinrent des grandes aventures et des belles proeces de l'un costé et de l'autre, par terre et par mer, lesquelles je ne puis pas toutes, non la moitié, escripre ne recorder. (Froiss., Chron. D., p.1400, 794)

Les plours, les regrais et les plains, Dont tous et toutes furent plains, N'est nulz qui le sceüst escripre ! (Chr. Piz., M.F., III, 1400-1403, 128)

...les dolens mariz en furent si joyeux qu'on ne vous saroit dire n'escripre la dixiesme partie de leur lyesse. (C.n.n., c.1456-1467, 406)

La ou Charles vit ses barons qu'il aymoit tant, especialement son nepveu Roland et Olivier qu'il amoit tant, et qui tant estoyent valleureux, il n'est pas a dire ne a escripre la joye qui fut entre eulx, et la consolacion de Charles inestimable. (Bagnyon, Hist. Charlem. K., c.1465-1470, 168)

...mais la chose va bien aultrement, car si je me vouloye mettre à escripre les passions que j'ay veü porter aux grans, tant hommes comme femmes, puys trente ans seullement, j'en feroys ung livre. (Comm., III, 1495-1498, 258)

Sa doulceur est tant ineffable Qu'il n'est nul qui la sceust escripre (La Vigne, S.M., 1496, 150)

Exprimer qqc. (de difficile à exprimer).

Touteffoiz nulz, fors Dieu, ne fust oncques qui au certain escripre peust le vray vaincre des battailles (La Sale, Salade, c.1442-1444, 241)

Escrire que. Exprimer (l'opinion) que.

Cestui Arthemidoro, comme recite Pline en son second livre, escripvit que la terre avoit de tour, c'est assavoir de Inde jusques aux bornes de Hercules où : 'Gadibus sacratas, octoginta quinque millia LXVIII millia passuum'. (Simon De Phares, Astrol., c.1494-1498, f° 53 r°)

[D'une chose] Faire à escrire. Être digne d'être rapporté par écrit.

L'an quarante six se passa sans adventure ou cause qui face à escripre, jusques au mois de avril, que le jour estoit assigné en la ville d'Arras, comme dit est, pour faire et accomplir les armes emprinses par le seigneur de Ternant et Galiot de Baltasin (La Marche, Mém., II, c.1470, 67)

[D'une citation] Escrit dans + nom d'écrivain. Qui figure dans.

Et le roy fist responce ausdits embassadeurs : 'Savez vous bien que mon frere le roy d'Angleterre ait en sa puissance le duc de Clairence ?' Auquel fut respondu par lesdits embassadeurs : 'Sire, oy.' Et le roy dist telles parolles qui sont escriptez en Lucan : 'Tolle moras, sepe nocuit differre parataz' : qui vallent autant à dire en françois que les choses prestes à faire, s'elles sont differées, pevent nuyre. (Le Clerc, Interp. Roye, c.1502, 382)

3.Escrire de qqn/qqc. Traiter de (tel sujet), parler de qqn.

Et autrefois ay je escript en latin de ceste matiere et se aucun veult reprouver ce que je diray quant a ma principal entencion, si le face en appert, et par raison, nom pas en detraction et escripse encontre. (Oresme, Divin. C., c.1366, 50)

Ainsi est il raconté et escript du roy Priant es vers heroÿques que de ce fist Homerus le poëte. (Oresme, E.A., c.1370, 130)

Si trop j'emprens et follement m'advance, Veu que je n'ay esperit ne sçavance Pour escripre de si claire personne, Pardonnez moy ma folle oultrecuidance, Ce fait amour dont j'ay la souvenance. (Robertet, Oeuvres Z., c.1450-1500, 164)

...au trente cincquiesme an de mon aaige me delectay, en lieu de passe temps et d'eschever oysiveté, à escripre et faire memoire de plusieurs choses advenues au royaulme de France et aultres royaulmes (Roye, Chron. scand., I, 1460-1483, 1)

Et pour certaines causes, je n'ay point en ce present volume parlé d'aucuns articles mis en la table pour ce que j'entens en escripre plus amplement ou IIIe volume de mes memoires (La Marche, Mém., I, c.1470, 6)

Mais doresenavant je ne parleray plus de nostre princesse en la nommant mademoiselle, mais, quant j'escripray d'elle, je la nommeray madame l'archiducesse d'Austrice, comme c'est raison. (La Marche, Mém., I, c.1470, 158)

De cestui Talles parle saint Augustin ou VIIIe chappitre en son livre de la Cité de Dieu, et dit qu'il fut en erudict en la calcullation des mouvemens, qu'il trouva quelque faulte en ce qui avoit esté escript du mouvement du Soleil et de la Lune. (Simon De Phares, Astrol., c.1494-1498, f° 39 v°)

Cestui avecque Capuanus, en escripvant des sicles paschaulx, redarguerent l'erreur de Victor. (Simon De Phares, Astrol., c.1494-1498, f° 95 v°)

4.Emploi absolu.

Et en moy n'est entendement ne sens D'escripre fors ainsy comme je sens. (Chart., L. Esp., c.1429-1430, 2)

Finablement, en escripvant, Ce soir, seulet, estant en bonne, Dictant ces laiz et descripvant, J'ouys la cloche de Serbonne (Villon, Lais R.H., c.1456-1457, 28)

5.Emploi pronominal à sens passif.

Cestui Manfredis a esté pour sa science moult bien stipendié des meilleurs villes des Ytalles et des princes et par XXXV ans a coutume user de juger de toutes les parties de astrologie et de faire prenosticacions chacun an, et de la souffisance de lui et d'autres se escripra assez, comme j'entends en bref en autres choses. (Simon De Phares, Astrol., c.1494-1498, f° 165 r°)

6.Locution.

[Pour souligner la véracité d'une affirmation] Comme il est escrit à tel endroit/comme escrit telle pers.

Et quant l'un et l'autre veult pour soy la seigneurie, adonques est contencion, si comme il est escript ou livre appellé Formissa ouquel est dit que quant chascun veult avoir tout le bien pour soy lors n'y puet il avoir concorde. (Oresme, E.A., c.1370, 471)

Et comme escript l'apostre aux Romains, le roy n'est pas la cremeur des bienffaisans, mez des mauvaiz, et la loy n'est pas mise aux justes, maiz aux pecheurs, et ne fait pas a layssier a dire que a la requeste importune du peuple leur fut baillé le premier roy. (Chart., L. Esp., c.1429-1430, 44)

Comme il est escript en l'evvangile Saint Mathieu : 'Alez, vous mauldiz, au feu eternel sans fin.' (Somme abr., c.1477-1481, 131)

Il n'est point à escrire si. Il est évident, il va de soi que.

La royne, madame Alienor, et les autres princesses et dames qui avec elles estoient, aussi le roy qui en son hourt a destre estoit, et tous les seigneurs de sa compaignie, n'est point a escripre se tous furent esmerveilliez. (La Sale, J.S., 1456, 131)

7.Participe présent en emploi substantival. Celui qui rédige, écrivain.

Le humilité de l'escripvant est requise en quatre choses, asscavoir qu'il ne s'eslieve de ses escriptures, qu'il ne pressume de leur donner auctorité, que patianment et amiablement seuffre estre corrigié des autres, et qu'il n'ait pas envie sur les escriptures des autres. (Daudin, De la erudition H., c.1360-1380, 134)

...firent ce pourquoy ilz estoient assemblez, qui mieulx vault estre pensé des lysans qu'estre noté de l'escripvant. (C.n.n., c.1456-1467, 186)

E. -[Le résultat de l'action d'écrire est un texte sacré]

En particulier. [À propos de l'écrit par excellence, l'Écriture] Ce qui est escrit. Ce qui est annoncé, énoncé dans la Bible.

Tout ce qu'estoit de moy escript Tout est consommé, car l'esmende Du premier peché est payee ! [Réf. à Jean 19, 28-30] (Pass. Auv., 1477, 223)

Il est escrit que

Et d'autre part est escript : 'Ceulz qui tenoient la loy n'ont point cogneu sapience'. (Foul., Policrat., IV, 1372, 68)

Et ainsi est il escript de la terre que Dieu la fist inmobile : Etenim firmavit orbem terre, qui non commovebitur. (Oresme, C.M., c.1377, 526)

Il est escript que de nuit communaument regne la poissance de tenebres, c'estassavoir le dyable, pechie et traison (Mézières, Sustance H., 1396, 68)

...aussi est il escript que en noz propres faitz nous est oppinion decepvable et sentence incertaine. (Chart., L. Esp., c.1429-1430, 39)

...aussi est il escript que en noz propres faitz nous est oppinion decepvable et sentence incertaine. (Chart., L. Esp., c.1429-1430, 39)

Pour ce est il escript que obeissance du cueur est plus agreable a Dieu que sacrifices de bestes. (Chart., L. Esp., c.1429-1430, 173)

Estre escrit comme la loi du Temple. Être assuré d'une diffusion large et durable parce que rédigé par écrit comme....

Pour ce que ceuls qui depuis furent N'en escriprent pas ce qu'ilz durent, Est l'ouir dire trespassé, Et par ce sont leur fait cassé, Qui fussent voulentiers ois Et de pluseurs gens conjouis, Et proufitables pour exemple, S'ilz eussent com la loy du temple Esté escript. (Desch., M.M., c.1385-1403, 262)