DUCAT

substantif masculin

[GDC : ducat ; FEW (III, 196b) : dux ; TLF (VII, 532a) : ducat]

A. -MONNAIE Monnaie d'or fin frappée à l'origine par les ducs ou doges de Venise et valant de dix à douze francs, ducat.

...c'est assavoir de fins ducaz d'or de XX et quatre quarraz, de XVI dragmes de fin argent pour le ducat, et de LXIIII ou aucunesfois IIIIxx souldins de fin argent pour le ducat. Par la bonte de laquelle monnoye et la seigneurie susdicte de Venise et le peuple sont riches et honnourez. (Mézières, Songe vieil pèl. C., t.2, c.1386-1389, 371)

...en l'ostel Jehan Aubery, pasticier du pappe, (...) il qui parle trouva unnes aurmailles ouvertes, esqueles il trouva une escuelle d'estain, et en icelle avoit deux ducas d'or, lesquelz il print (Reg. crim. Chât., I, 1389-1392, 404)

Cedit jour, maistre J. des Landes, dit Boucandri, et J. Moreau, procureurs en Parlement (...) ont mis par devers la Court les lettres d'obligation de cinq mil ducats prestés à messire Symon Cramaut, lors patriarche d'Alexandrie (Baye, I, 1400-1410, 307)

Aussi est-il bien permis ausdis orfevres d'acheter ducas, mailles de Florence, jannins et florins de Chambre, et telles monnoies estranges pour dorer (Fauq., II, 1421-1430, 233)

...'Messeigneurs [dist le pape Innocent] , je veulh que vous me randés compte pour veoir comant vous avés gouverné les biens de l'Eglise.' Et les tresoriers apporterent leurs livres et renderent compte. Si troverant que l'Eglise avoit de tresor jusques a troys millions de ducas. (La Cépède, Paris Vienne K., 1432, 245-246)

Et pleust a Dieu qu'il fust en vie, et me eust cousté V^cducas ! (La Sale, Salade, c.1442-1444, 148)

Veé vous cy troys mille ducas : N'esparniés rien, [selon] le cas Que verrés que fayra mestier [Selon P. Aebischer, Neuf études sur le théâtre médiéval, Genève, 1972, pp. 100-101, 'c'est sous le règne du duc Amédée VIII, et plus précisément en 1430, qu'apparaissent les premiers ducats savoyards', d'où l'intérêt de la mention de cette monnaie pour la datation du texte] (Myst. st Bern. Menth. L., c.1450, 64)

...IIII ducatz et XVI parpillotes de Millan, à raison de XXII go IIII p. pour ducat, huit florins quatre gros, cinq pataz pour partie de voicture de bagandines qu'il a fait venir d'Amel Arrigi de Génes en ce pais de Lombardie (Comptes roi René A., t.1, 1453, 380)

La ville de Masseille donna six vingts ducatz, qui furent convertis partie en son pesant de cire à Saint-Loys, et le demourant elle en fist à son plaisir. (Roi René vie L., 1471, 353)

...troys ducaz et demy, pour acheter ung demy-seinct doré, pesant une once et demye d'argent, y compris la doreure et façon (Comptes roi René A., t.1, 1477, 332)

...ung ducat estrange, qui anciennement fut fait en Arle, qui poise VIII grains plus que les autres (Comptes roi René A., t.1, 1479, 350)

...mais disoit à la fin de son propoz que, si le roy se vouloit obliger de ne faire paix ne trèves avecques ledit duc de Bourgongne, que le duc de Millan donneroit au roy cent mil ducatz content. (Comm., II, 1489-1491, 110)

Cestui fut mandé par le pappe Honnoré, malade et n'y voulut aller, synon qu'il eust cent ducaz pour jour, qui lui fut accordé et y alla et fist tellement, au moïen de la science de astrologie et medicine, que le pappe fut en bref temps rendu sain, lequel lui donna, oultre ses journées, dix mil ducaz. (Simon De Phares, Astrol., c.1494-1498, f° 127 r°)

...ordonner coing a monnoies d'or, d'argent et autre metal en plusieurs sortes, comme escus, ducatz a double nom (La Vigne, V.N., p.1495, 258)

...pour ce que, du temps des empereurs, ilz ne payoient que demy ducat pour feu (Comm., III, 1495-1498, 17)

...et tuèrent ung gentilhomme appellé Le Beuf et luy couppèrent la teste qu'ilz pendirent à la bannerolle d'une lance, et la portèrent à leur providadour pour en avoir ung ducat. (Comm., III, 1495-1498, 163)

...pour l'ordre, IIII mil l. t. ; quatre mil ducas, qui vallent VIII mil l. t., qu'il eut du roy sur Briançonnoys, qui estoient payez au jour de la Chandeleur ; et douze cens livres tournois pour sa compaignie. (Le Clerc, Interp. Roye, c.1502, 387)

Ducat venitien

...Edoardo de Bardi, demourant en Aigues Mortez, a en garde de Bernard de Vaulx, la somme de 812 ducaz venissiens et que ledit Bernard doit à Guillaume Gimart trois caraz pour sa porcion du prouffit de la galée Saint-Jacques du voiage derrenièrement fait par ledit Bernard en Secille, et aussi luy doit trois caraz pour son principal. (Aff. Jacques Coeur M., 1453-1457, 226)

De laquelle somme ledit Noir bailla audit Mazino la pluspart content en ducatz vénissiens et en monnoie. Et du surplus l'assigna à le prendre au banc de Pierre Gayecte demourant audit Naples. (Aff. Jacques Coeur M., 1453-1457, 480)

B. -Mesure de longueur (correspondant au diamètre de la monnaie ?).

Derechief, ou chastel du principal convent aura une eglise, si notable et si mervelleuse que onques semblable en fourme ne fu veue, et sera de cinquante coubtes de large, sans coulompnes, et de cent coubtes de lonc, et en hautesse jusques au plus haut des murs il aront XXV coubtes. Et chascun coubte sera de II pies, et chascun pie de XVI ducas ou dois. (Mézières, Sustance H., 1396, 83)

Nos chevaliers donques porteront une robe honneste de drap de simple couleur, large et longe, jusques a demy-jambe, et sera appelee la cote principale de la Chevalerie, sur laquelle il seront cains d'une chainture de soie ou de cuir vermel, large de II doys ou ducas. (Mézières, Sustance H., 1396, 85)

Duquel compas noir procedera la crois vermelle as quatre parties de la baniere et des pavais, etc.. Et sera ladite crois environnee, et ledit compas, d'une bordure d'or large de I ducat ou mains un pau. (Mézières, Sustance H., 1396, 86)