Fecials estoit [en ces jours M.] Valerius, liquelz a fait et creé pere patrat du peuple romain un que on appeloit Spurium Fusium et, en lui fesant, il tenoit verveynne de laquele il touchoit la teste et les cheveus de lui. - Peres patrat estoit celi qui estoit aussi comme procureur du roy et du peuple pour jurer en leurs armes -. Le pere patrat estoit ordené pour patrer et pour faire les seremens. (Bers., I, 1, c.1354-1359, 24.6, 39)

Et lors li roys demandoit conseil aus peres romains et disoit ces paroles au premier a cui il parloit : 'Des choses, disoit il, des plais, [des] causes, desqueles le pere patrat du peuple romain, Quirites, a demandé et requis du pere patrat des Prisques Latins et es homes Prisques ou Latins, lesqueles dictes choses il n'ont ne rendu ne paié ne fait, et toutesfoys il estoient tenus a les rendre et paier et faire, dites que vous en conseillez !' (Bers., I, 1, c.1354-1359, 32.11, 56)