MERIR
verbeA. -Récompenser.
1.Merir qqn. Récompenser qqn.
Amours, je say sans doubtance Qu'a cent doubles as meri Ceaus qui t'ont servi. (, R. Fort., c.1341, 73 )
Car sans vous ne puis avenir A la joie que tant desir ; Mais je vous vueil tant oubeïr Que pour ma dame vueil morir En pacience, Se c'est vos grez ; et se merir, Sans l'onneur ma dame amenrir, Me volez, vueilliez m'enrichir D'assez li vëoir et oïr. S'arai pais, merci, mon desir Et souffissance. (, R. Fort., c.1341, 123 )
Car plus me poés merir Que je ne puis desservir (, Joli buiss. F., 1373, 108 )
A l'autre rayson de Adam, il ne s'ensieut mie que, ja soit ce que tous soient descendus de Adam, que lez uns ne soient plus vertuelx que lez aultres et, par consequant, que ilz ne doient estre plus meris et honorés. (Songe verg. S., t.1, 1378, 297 )
...saint Pierre et saint Pol eurent prerogative devant touz lez Apostres, mez nous ne sçavons lequel d'eulx fust le plus digne ; mez devons penser que, ainssi que ilz ont esté de paraille et samblable martyre, que ilz soient, aussi, paraillement meris et guerredonés. (Songe verg. S., t.2, 1378, 138 )
...ainsi que chascun se doit exposer de estre mery selon ses biens ou maulx fais. (, Sale D., 1451, 173 )
Merir qqn de qqc.
...De ma dolour confortés doucement, De mon labour meris tres hautement, De grant tristour en toute joie mis (, Motés, 1377, 510 )
2.Merir qqc. Récompenser qqc..
...Et par lui touz meffaiz vengiez Et les biens faiz seront meri (Mir. st Sev., 1362, 209 )
Amis, soiez asseürez Que le mal que vous endurés Pour moi hautement merirai Et doucement vous garirai. (, Voir, 1364, 212 )
Et pour ce amer vueil, sans penser laidure, Ma chiere dame et ma douce anemie, Qu'esperence doucement m'asseüre Que m'amour yert à cent doubles merie. (, L. dames, 1377, 215 )
Mes maulz sera meris prochainnement, Se li espoirs qui maint en moy ne ment. (, L. dames, 1377, 225 )
Ch'est bien drois, Que leurs bienfais soient méris, Et chascun d'eux mout conjoïs En tous lieux et en tous endrois. (Joutes St-Ingl. P., c.1390, 67 )
3.Merir qqc. à qqn. Récompenser qqn de qqc., revaloir qqc. à qqn.
Et si feray vo dous commandement Jusqu'au morir, Ne ja n'avray cuer, penser ne desir De vostre honneur en nul cas amenrir, Qu'à moy poez, douce dame, merir En un moment Plus que ne puis en mil ans desservir. (, Compl., 1340-1377, 256 )
Car bonnement Et doucement, Procheinnement, S'Espoirs ne ment, M'iert ma peinne trés hautement A cent doubles merie. (, R. Fort., c.1341, 24 )
Nompourquant prenons l'aventure, Qui moult est perilleuse et dure, Et prions Dieu qu'il nous conforte, Et qu'à port de joie nous porte, Car se là nous couvient morir, Il le nous sara bien merir. (, P. Alex., p.1369, 65 )
Ne vous chaut ; il sera encore Un temps que bien li ['le lui'] meriray, Qu'une chevaliére en feray. (Mir. Berthe, c.1373, 169 )
'...Je vous amenrai temprement si grant secours que vous en arés joie, et vous seront bien meri li bien fait que fait arés.' (, Chron. L., II, c.1375-1400, 128 )
Et se servi longuement Vous ay, dame, et loyaument, Senz nul ottry, Se j'ay par vo gré servi, Certeinnement, Mon service hautement M'avez mery Et mon desir acomply Tres doucement. (, Les lays, 1377, 458 )
Je vous depri Qu'à monsigneur de Loupi Faciés depri Qu'il li souveingne de mi. S'arés de fait A .Vc. doubles meri Tout ce que j'ay pour vous fait. (, L. dames, 1377, 220 )
...se ilz [les deux frères] ne feussent, les Sarrazins les eussent tous destruiz ou tournez a leur loy, qui vaulsist piz que mort corporelle, car ceulx qui a ce se feussent consentu de bon cuer eussent eu dampnacion perpetuelle. Et pour tant c'est raison que je le vous merisse a mon povoir, car je n'ay pas voulenté que de faire en mon devoir, combien que je ne le pourroye assouvir a la value de la haulte honneur que vous m'avez faicte ; mais je vous supply humblement que vous veulliez prendre en gré ma petite puissance. (, c.1392-1393, 118 )
Par foy, sire chevalier, dist Gieffroy, c'est petite chose de mon fait envers la puissance de mes deux seigneurs et freres, mais je vous mercie de ce que si liberaument m'avez accordé de venir avec moy, et je le vous meriray bien, se Dieu plaist. (, c.1392-1393, 212 )
LA SECONDE POVRE PUCELLE. (...) Que rien n'estoit que tant [Griseldis] amast Que simplesce et humilité ; Pour quoy Dieu, qui est Verité Haultement l'a guerredonnee, Et l'a dessuz nous couronnee, Vueillant lui son bienfait [sa vertu] merir... (Gris., 1395, 40 )
Emploi impersonnel. Il vous/il lui sera meri. Il sera/vous serez récompensé.
Il li doit bien estre meri : C'est noble fait. (Mir. emper. Romme, 1369, 308 )
Mais pour l'amour de vous et du roy, faire confort et donner cuer et esperance d'estre delivrez du peril ou il est, je me mettray en l'adventure. Dieux m'en doint repairier a sauvetté. Par foy, beau nepveu, dist le chevalier, c'est vaillaument dit, et ainsi doit on servir son seigneur, et, se Dieu plaist, il vous sera bien mery. (, c.1392-1393, 93 )
4.En particulier. [Dans des formules de souhait, le suj. désignant Dieu]
Sire, Dieu le vous puist merir. (Mir. femme roy Port., c.1342, 164 )
Vous m'avez fait, Dieus le vous mire, tant de biens et d'onneurs, de graces et de douceurs, que onques dame ne fist tant a son servant et ami, com vaillans que il fust, que vous m'en avés fait. (, Voir, 1364, 184 )
'...Or amés fort et loialment, Car je vous promet bonnement Que mon cuer avés si ravi Que le bien amer vous renvi Ne jamais en jour de ma vie Je n'arai d'autre amer envie.' Je dis : 'Belle, Dieus le vous mire ! - Trop plus vous aim que ne sai dire, Et jamais ne vous fausserai, Mais vrais et loiaus vous serai.' (, Voir, 1364, 364 )
...Bons Espoirs, qui m'a dés lors Visité com doulz mire Et conforté mes desconfors Doucement : Dieus li mire ! (, Voir, 1364, 398 )
Fortune ensi, - dont Diex li mire -, Me demainne, sicom je croi. (, Joli buiss. F., 1373, 71 )
'...Et Diex vous voelle merir le courtoisie que vous me faites, et à monsigneur le conte Derbi ossi !' (, Chron. L., III, c.1375-1400, 40 )
Einsois ay sans contredire Tout ce que mes cuers desire Sans labeur ; Ce fait Amours, Diex li mire, Qui m'a fait de tous eslire Le milleur. (, Les lays, 1377, 349 )
A joie me tire Espoirs, Diex li mire ; Et si me fait rire, Quant sui en tristour, Car il me vient dire, Quant mes cuers souspire : 'Lay triste matire, Ton dueil et ton plour...' (, Les lays, 1377, 418 )
Beaulx seigneurs, dist Remondin, prengne qui vouldra bataille pour soy, car je auray ceste a ma part, et n'en doubte point que je n'en viengne a bon chief, avec l'aide de Dieu et le bon droit que je y ay, et la bonne justice que le roy me fait en sa court. Et je pry a Dieu qu'il lui vueille merir en son paradis. (, c.1392-1393, 60 )
Seigneurs barons, je ne vous fauldray mie a cest besoing, car, se mon frere ne se vouloit a ce accorder, si vous feray je tout le confort que je pourray faire. Sire roy, distrent les Hermins, Jhesucrist le vous veuille merir, qui vous ottroit bonne vie et longue. (, c.1392-1393, 142 )
Damp prieur, dist Gieffroy, grans mercis. Et sachiez que j'aime moult ceste place, et n'empirera pas de moy ne des miens, se Dieu plaist. Sire, dist le prieur, Dieu le vous mire. (, c.1392-1393, 277 )
Se lor dist li rois tout hault : 'Entre vous qui chi estes, de la courtoisie que je vous fac, remerciiés vostre bon amic Godefroi de Harcourt, car par li estes vous deporté de non estre ars.' Tout et toutes s'engenoullierent adont devant le roi et dissent de une vois : 'Tres chiers sires, Dieus le vous puist merir, et a li ossi.' (, Chron. D., p.1400, 696 )
...quel plaisant destinée M'a joyeux eur amenée, Ceste année, Et Amours, Dieu le lui mire, Quant de m'amour ay fait sire (, Cent ball. amant dame C., c.1409-1410, 61 )
Mes seignieur, tous Dieu le vous mire ! (Myst. st Bern. Menth. L., c.1450, 80 )
Je prie a Dieu qui le vous myre. (Myst. st Laur. S.W., 1499, 150 )
5.infinitif substantivé. Récompense.
Et se Pité consentir Vuet que me daingniez oïr En ma clamour, Je ne quier de mon labour Autre merir, Qu'il ne me porroit venir Joie gringnour. (, R. Fort., c.1341, 127 )
Mais tant langui par deffaut de merir Ay ['j'aitant langui par'] que mes cuers n'a mais autre vigour, Fors le voloir d'amer et d'obeïr Et de penser toudis à vostre honnour ; N'il ne s'entent à faire autre labour, En esperant que de moy vous souveingne, S'Amours le vuet et vos gentilz cuers deingne. (, L. dames, 1377, 85 )
Sans merir
Si ne sçay, s'Amours m'essaie, Qui tant me grieve et esmaie, Ou s'il li plaist que je traie Toudis mal qui me detraie. Mais einsois que me retraie D'amer, vueil morir Pour ma dame, sans merir, Qui par sa grant biauté vraie Et par sa maniere gaie Mon dolent cuer fent et plaie De meinte amoureuse plaie, Quant il ne li plaist que j'aie Mon loyal desir, C'est s'amour que tant desir. (, Les lays, 1377, 319 )
B. -Mériter.
1.Merir qqc. Mériter qqc..
Et pour ce que le conseil humain sans laide de Dieu est enferme et na point defficace specialement en choses qui sont dessus nous comme merir la vie pardurable, il se fault drecier et assourdre au tiers degre, cest oroison et demander laide et la grace de Dieu (, p.1451, 178 )
2.Emploi absolu. Acquérir des mérites, avoir du mérite.
...[la substraction de grâce en ce monde vaut] adfin aussy qu'en cheminant par foy elle [la personne] puist plus merir. (Traité S. Sacr. B., c.1450-1500, 156 )
[Et vecy le commancement de mon testament] Ou nom de Dieu, Pere eternel, Et du Filz que vierge parit, Dieu au Pere coeternel Ensemble et le Saint Esperit, Qui sauva ce qu'Adam perit Et du pery parre les cyeulx... Qui bien ce croit peu ne merit, Gens mors estre faiz petiz dieux. (, Test. R.H., 1461-1462, 74 )
Recevez moy, vostre humble crestïenne, Que comprinse soye entre voz esleuz, Ce non obstant qu'oncques riens ne valuz. Les biens de vous, ma dame, ma maistresse, Sont trop plus grans que ne suis pecheresse, Sans lesquelz biens ame ne peult merir N'avoir les cieulx (, Test. R.H., 1461-1462, 79 )
Et, sur tant que je vous commande, Charité je vous recommande Et se d'icelle vous armez, Vraiz filz de Dieu estes claméz ; Par charité pouez merir, Sans elle ouvrer n'est que perir. (Myst. Pass. Troyes B., a.1482, 662 )