SCANDALISER

verbe

[T-L : escandelisier, scandaliser ; GD : escandalisier ; GDC : escandalisier, scandaliser ; AND : escandalizer ; FEW (XI, 282a) : scandalum ; TLF (XV, 149b) : scandaliser]

Emploi transitif.

A. -[Dans un cont. relig. ; p. allus. à Matth. 16, 23] Faire tomber qqn dans le péché.

JÉSUS À SAINT PIERRE. ...'Arriere va ! Tu es Sathanas tenebreus Qui escandaliser me veus.' (Guill. Digull., Pèler. J.-C. S., 1358, 205)

B. -Plonger qqn dans le trouble, le désarroi, troubler, choquer qqn.

Par Capharnaum quant passoit Une foiz la où en paioit Travers, pas ne vout estre exent, Quë en rien ne fussent la gent Escandalisiés [Matth. 17, 24-27] (Guill. Digull., Pèler. J.-C. S., 1358, 212)

Vez ci le tempz que me lairés [dit Jésus à ses disciples] Et dispers en mainz lieus seres, Mez si seul pas ne demourrai Que n'aie mon pere avec moi. Et escandalisiés seres, Quar quant le pasteur est sevrés Des ouailles, disperses sont Tost, et en dispersion vont (Guill. Digull., Pèler. J.-C. S., 1358, 260)

Se vesture non aournee scandalise, aucun soit dont scandalisié de saint Jehan lequel, vestu de poil de cameau, se caindoit de une cainture de peau (Daudin, De la erudition H., c.1360-1380, 434)

...par espicial les juges et justiciers, advocaz et procureurs, gens des comptes, tresoriers et receveurs, (...) se trouvent de prime face scandalizez, voire pour ce qu'ilz n'ont pas aprins es temps passez d'estre reprins de leur enracinee avaricieuse marchandise et de leur apparant et faulce arquemie (Mézières, Songe vieil pèl. C., t.2, c.1386-1389, 133)

Et vous, prestes qui avoiz fourvoyé la droite voye, et escandalizé le peuple par lez mauvaiz exemples de voz vices, et rompu le convenant de sainte purté que vous m'avez fait, je juge que pour la transgression de vostre saint estat vous serés abaissiez et foullez au dessoubz dez aultres, et chacun vous courra sus, et mesprisera comme reprouche du monde. (Chart., L. Esp., c.1429-1430, 54)

Et de cecy fut scandalizé Aygolant et perturbé en son entendement et mis hors de son propos (Bagnyon, Hist. Charlem. K., c.1465-1470, 191)

PILATE. J'ay peur que pas n'y veulhe aler, Car il est tout escandalisé Pour ce qu'a la mort a esté De Jhesus, et fort luy desplait. (Pass. Auv., 1477, 273)

...pour faire bruit contre le roy et le infester et faire clameur, l'empescher en sa devotion et le troubler et scandaliser en ladicte eglise (...) ledit religieux (...) vint au roy, le print par la chappe (Lettres Louis XI, V., t.9, 1481-1482, 93)

Se dis je affin que ne soyés Subvertis ou scandalizés, Car, pour mon nom magnifester, Arés largement a porter Douleurs et tribulacions, Peines et persecucions (Myst. Pass. Troyes B., a.1482, 1018)

En particulier. Choquer qqn par une mauvaise conduite, susciter l'indignation de qqn.

...et par les discordes que j'ay meues et les mensongieres paroles que j'ay dictes estre vrayes et affermees, et fait jurer et affermer, j'en ay pluseurs personnes moult scandalisees et courroucees par ma desordonnance (Ménagier Paris B.F., c.1392-1394, 25)

Remarque : FRIBOIS, Abr. chron. Fr. D.L., 1459, 130/14, 131/21.

Divulguer (ce qui suscite l'indignation).

Quant la chose est apperceue, Escandalisée et sceue, N'y a partie qui n'en dueille Et qui mal à l'autre ne vueille. (Le Fèvre, Vieille C., a.1376, 30)

Remarque : Livre Regnart S.-H., c.1460, 49.

C. -Abaisser, déshonorer, diffamer qqn ou qqc..

Et se un moyne qui est fait Pape soit heretique ou comette tel crime pour lequel toute Sainte Eglyse soit scandalizee, et pour ce il soit deposé par sentence, ou se il renunce de son bon gré a l'office de Pape, il seroit derechief de l'obedience dez prelas de son ordre. (Songe verg. S., t.2, 1378, 132)

...Se ton oeil te scandalize, si l'oste de toy (Chr. Piz., Faits meurs Ch. V, S., I, 1404, 37)

[Les ambassadeurs du duc de Bourgogne auprès du roi de France] Luy racompterent aussy [au duc de Bourgogne] la tresconfuse et doloreuse sentence du duc d'Alenchon et la maniere de son condempner, dont l'effect leur sambloit estre une batture d'un cayeau du chien devant le lyon grant, et l'avoient bien notee, jasoit ce que moult jugerent a malvaises ses oeuvres et bien dignes de pugnition ; mes eussent bien volu que le roy, pour l'honneur du sang, ne l'eust pas scandalisé si fort (Chastell., Chron. IV, D., c.1461-1472, 152)

...elle envelopa ledit petit enfant de deux vieilles poches sans luy donner nul pancement et tout de nuyt l'aporta au chapitrain de l'église Saint-Martin de ce lieu de Vitré, et ainsy le laissa pour ce qu'elle n'avoit de quoy le nourrir, et de paours d'estre scandalisée (Cartul. Laval B., t.3, 1480, 287)

Remarque : Doc. 1459 (lesquelx freres distrent à Pierre Audebert : Beau sire, vous Escandalisez et donnez blasme à nostre seur) ds DU CANGE VII, 333b, s.v. scandalizare.

Outrager, violer (qqc.).

Depuis que le diluge fu Et que les cinq citez fondirent[,] Pour leur pechié, par ardent fu, Que Loth et sa femme en yssirent, Ne puis que les prophetes dirent Les maulx dont ly mons seroit plains Pres de la fin, ly noms Dieu vains Et sa loy escandalisée, Ne fu li termes si prouchains D'estre monarchie muée. (Desch., Oeuvres Q., t.5, c.1370-1407, 224)

Ruiner, détruire qqn ou qqc..

Depuis que le diluge fu Et que les cinq citez fondirent Par leur pechié, par ardent fu, Que Loth et sa femme en yssirent, Ne puis que les prophetes dirent Les maulx dont ly mons seroit plains Près de la fin, li noms Dieu vains Et sa loy escandalisée, Ne fu li termes si prochains D'estre monarchie muée. (Desch., Art dictier R., 1392, 277)

...et il soit ainsi que sur ce le dit Bertran ait jà esté tourné ou pilory à Paris et ait fait amende honnorable au dit Guillereau, et tiegne prison pour les amendes proffitables d'icellui et des nostres, et en ce ait grandement esté scandalisé et dommaigié en corps et en biens (Doc. Poitou G., t.7, 1404, 29)

...il ne souffist pas à partie adverse la mort de monseigneur d'Orléans, mais avecques ce s'est efforcé de scandaliser et détruire sa renommée en proposant libelle diffamatoire, et en soustenant les traistres homicides. (Doc. 1408. In : MONSTRELET, Chron. D.-A., t.1, c.1425-1440, 272)

Et non contens de ce, en faisoient leurs farses et mocqueries à part et scandallisoient l'estat et honneur dudit suppliant et de sa dicte femme et d'aucuns de leurs parens et amys, qui le savoient bien et qui longuement le porterent en eulx, sans en advertir ledit suppliant (Doc. Poitou G., t.8, 1431-1447, 304)

Remarque : Cf. GD X, 638c, ex. de J. de Vignay.

D. -Par extension. Divulguer, faire connaître qqc..

Si vous pri, chiers amis, anchois qu'il soit noient veüs ne escandelisiés, que vous le voelliés lire de cief en cor, et parfaitement viseter et examiner, et ce qui necessaire n'i est oster, et ce qui y besongne mettre et adjouster (Froiss., Pris. am. F., 1372-1373, 149)

Remarque : Doc. 1406 (...tellement l'avoit Escandalisié, que la chose estoit comme toute commune) ds DU CANGE VII, 333b, s.v. scandalizare.

Vérifier (des poids, des mesures) et en divulguer le résultat.

Item, auront puissance les dits eschevins de (...) visitter les tonneliers et vendeurs de paisseaux en la dite ville, et les boulangers et aussy tous marchands et autres vendeurs à poix et à mesure, et de escandelizer icelles mesures et poix, tant de bled, vins, d'huille, draps, toilles, que aultres, et celles qu'ils trouveront estre fausses, ils seront tenus de les rompre (Chartes communes Bourg. G., t.1, 1456, 326)