PUBLIER

verbe

[T-L : publiier ; GD : publier1 ; DECT : publiier ; FEW (IX, 505a) : publicare ; TLF (XIV, 14a) : publier]

I. -Emploi transitif. Publier qqc.

A. -Rendre qqc. public, notoire, connu de tous.

1.Rendre qqc. public, porter qqc. à la connaissance de tout le monde, annoncer publiquement qqc..

[L'existence, la réalité, l'identité... de qqc.]

Il dist devant leurs IJ. consaus : 'Seigneurs, toute raison s'acorde Que ceste pais et ceste acorde Soit publiée par la terre Dou soudan sans alongne querre ; Et je la feray publier En mon païs, sans detrier, Moult volentiers, par quoy les nostres Puissent aler avec les vostres, Et les vostres paisiblement Veingnent dessa seürement...' (Mach., P. Alex., p.1369, 175)

Or est raison que je vous die Qu'eu temps de la messagerie Qui fu faite des amiraus Et du cadix qui est si faus Qu'il n'a de nulle raison cure, Au Caire avint une aventure Que je ne vueil pas oublier, Eins la vueil dire et publier. (Mach., P. Alex., p.1369, 182)

Item, cogneut que, quant les treves furent criées et publiées oudit pays de Limosin, il, en obeissant aus criz et ordonnances sur ce faites, se parti et vuida de toutes les forteresses qu'il tenoit et occupoit oudit pays, et les mist en l'obeissance du roy de France (Reg. crim. Chât., II, 1389-1392, 198)

Par ma foy, monseigneur, on ne lui pourroit [à la forteresse] donner nom [Lusignan] qui mieulx lui afferist, selon l'estat de lui. Et a ce furent tuit d'accort. Et fu le nom si publié par pou d'espace que il fu sceu par tous pays. (Arras, c.1392-1393, 47)

...depuis la défense par nous et nos officiers faicte, deuement signiffiée et publiée ès pays d'Auvergne et de Bourbonnois et ailleurs (Ch. VI, D., t.1, 1398, 139)

Mais quant elle et ses femmes dedens la chambre entrerent, veirent une tresmerveilleuse clarté monter en sus et sentirent une odeur sy grant, que toutes les fleurs, les espices et les plus fines odeurs du monde y fussent, ne pourroient mieulx sentir. Laquelle chose par l'ostel publiee, chascun y acourust ; dont furent tous esmerveilliez. (La Sale, Salade, c.1442-1444, 167)

Lesquelles armes ainsin publiees, Madame, sans plus y penser, fist a soy Saintré venir et tout coyement au plus brief qu'elle peust lui dist : 'Mon ami, or est la journee venue que Dieu et Fortune vous ont promis pour vous honnorer et mectre sus, par la venue de ce chevalier poulain dont ses armes sont publiees...' (La Sale, J.S., 1456, 146)

...la mort tresdesirée de ce cordoannier fut sceue et publiée (C.n.n., c.1456-1467, 415)

Et, après ce que ledit de Bourgongne ot bien sceu la gaigne que lesdiz Liegois avoient fait de Huye, et qu'ilz y avoient tué plusieurs Bourguignons, il assembla tout son ost, en soy deliberant d'aler en armes sur les champs, en intencion de tout destruire et mettre à feu et à sang lesdiz Liegois. Et ainsi le fist crier et publier par tous ses pays ; et ceulx qui faisoient lesdictes publicacions, en icelles publiant, tenoient en une main une espée toute nue et en l'autre une torche alumée, qui signifioit guerre de feu et de sang. (Roye, Chron. scand., I, 1460-1483, 184)

Le VIIe jour du moys d'avril, l'an mil CCCCLXXV, fut publiée à Paris l'aliance d'entre l'empereur et le roy, et de l'ordonnance du roy fut envoyée publier devant le logis de monseigneur du Mayne, duc de Calabre, et l'ambaxade de Bretaigne qui estoit en ladicte ville, et après par les carrefours d'icelle ville. (Roye, Chron. scand., I, 1460-1483, 328)

...il congnut, au moïen d'icelle [la science des estoilles] , que l'esclipse faicte le jour de la Passion de Nostre Saulveur et Redempteur Jhesu Crist à l'eure de midi n'estoit pas naturelle, ne le tremblement de terre, ne les autres choses merveilleuses qui advindrent, disant et publiant celui jour haultement ou qu'il failloit que le Dieu de nature souffrist, ou que toute la machine du monde se disolvist. (Simon De Phares, Astrol., c.1494-1498, f° 79 r°)

Bergeronnettes, bonnes musicïennes Et pastoureaux monstrerent leurs effectz. Brief, nul estoit qui ne fist lors des siennes Pour publier la vertu de ses faitz. (La Vigne, V.N., p.1495, 166)

Publier un cri/ une clameur

L'EMPERIÉRE. (...) Or tost, escuier, sanz detri Alez me publier ce cri Partout (Mir. Rob. Dyable, c.1375, 64)

Malgré Fortune et son tour Mon amoureuse clamour Publieray Et par tout me pleinderay De fine Amour Qui sueffre en moy tel tristour Et tel esmay Que jamais joie n'aray (Mach., Les lays, 1377, 434)

[Un document]

...la cedule, dont la teneur est cy après enregistrée, fut leue en la Court et publiée tous oyans et voyans. (Baye, I, 1400-1410, 34)

Ce jour, ont esté leues, publiées et registrées ceans les lettres royaulz sur la reunion de la conté de Pontieu à la couronne de France. (Fauq., II, 1421-1430, 138)

Ce jour, furent par le premier huissier publiées à la fenestre de la sale du Palais les ordonnances de la fin de cest Parlement et du commencement du Parlement prochain à venir. (Fauq., II, 1421-1430, 325)

Et, le mercredi ensuivant, XXXe et penultime jour d'octobre, oudit an, furent leues et publiées les lettres de la paix ou treve faicte entre le roy et lesdiz princes en la court de Parlement, où ilec elle fut enregistrée. (Roye, Chron. scand., I, 1460-1483, 134)

[Une invention] Faire connaître qqc. publiquement.

Cestui fist ung instrument en maniere d'une equatoire qu'il appella Solitarium et le publia l'an 1464. (Simon De Phares, Astrol., c.1494-1498, f° 158 r°)

Publier qqc. à qqn. Porter qqc. à la connaissance publique de qqn.

...racontons ce que nous avons ouy dire et raconter a noz anciens, et que cestuy jour nous oyons dire qu'on a veu ou pays de Poictou et ailleurs, pour coulourer nostre histoire a estre vraye, comme nous le tenons, et qui nous est publiée par les vrayes croniques. (Arras, c.1392-1393, 3)

Publier que. Rendre public et notoire que, déclarer publiquement que.

Lors vinrent tuit en grant arroy, Tous ensamble, devant le roy, Si li conterent l'ordenance Qu'orent fait en sa reverence, En li priant qu'il y meïst Son decret et qu'il le feïst Publier parmi son empire. Li roys liement, sans plus dire, Le conferma et approuva, Mais moult tost message trouva Pour aler en Perse et en Mede Publier que sans nul remede Qu'en lac o les lions sauvages (...) Sera cils qui trespassera L'edit dou roy ou brisera. (Mach., C. ami, 1357, 37)

Ce jour, a esté dit et puplié de pluseurs que le duc de Bourgoigne (...) disoit et maintenoit qu'il avoit fait occire le duc d'Orleans, son cousin germain (Baye, I, 1400-1410, 208)

...aucuns publioient à Paris, comme avoit ledit Berry entendu, qu'il haioit les habitans de Paris et leur voloit mal (Baye, II, 1411-1417, 19)

Item, que pour ce soit defendu audit cardinal qu'il ne dye plus, ne ne publie que le Roy et ses juges, et par especial la Court, ne puissent cognoistre des causes possessoires des benefices, car il en puet et doit cognoistre. (Baye, II, 1411-1417, 56)

Et nous ont dit qu'elles ont veu Clerement et apperceu D'angles aulcune vision, Ne sçavons se c'est vray ou non, Publians qu'il est suscité (Marcadé, Myst. Pass. Arras R., a.1440, 265)

...et, pour resconfforter sa gent [Scipion l'Africain] , publia que le roy l'avoit mandé haster (La Sale, Salade, c.1442-1444, 53)

2.Révéler qqc..

...il voult publier l'evangille a toutes gens (Jean Golein, Rational B.D., c.1370-1372, 376)

...laquelle dicte pensee et desir mis a effect, si que ja est entrepris, sera ventillee, espandue et publiee en tous païs (Chr. Piz., Trois vertus W.H., c.1405, 225)

Cuidiez vous que un vray amant doive ainsin publier le nom de sa dame qu'il aime tant ? (La Sale, J.S., 1456, 15)

...toutesfois pluseurs des gens pourroient penser beaucop de choses, et n'en fault que une pour en deviner et publier tout. (La Sale, J.S., 1456, 64)

Et après leur partement fu dit et publié que la treve d'entre lesdiz deux roys estoit continué pour bien long temps. (Roye, Chron. scand., II, 1460-1483, 106)

Publier qqc. de qqn. Répandre (des bruits) au sujet de qqn.

Et ont esté lesditz Angloiz cause de eulx abrégier ses jours [de la reine Isabeau], parce que ledit roy d'Angleterre ne la chevissoit autrement. A esté aussi fort dollente et prins en desplaisance de ce que injustement les Angloiz avoient publié de son filz : car ilz disoient que Charles, dauphin de Vienne, n'estoit pas légitime, et par ce moyen inhabille à succéder à la couronne de France. (Chart. J., Chron. Ch. VII, V., t.1, c.1437-1464, 209)

B. -Rendre officiel, faire connaître (ou rappeler) qqc. officiellement, proclamer qqc..

PREMIER CURÉ. (...) A t'en aviser plus n'oblie : N'atens pas tant que je publie Sentence n'entredit sur toy (Mir. parr., 1356, 12)

De mon pooir te vueil compter, S'un petit me vues escouter. Tuit li ouvrier qui sont eu monde, Tant comme il tient a la rëonde, Et les ouvrieres ensement Sont tuit en mon commandement, Et les set sciences aussi Qui sont nuit et jour en sousci Et ne cessent d'estudier Pour ma dignité publier En audience et en publique. Il y est gramaire, logique, Geometrie, arismetique, Et puis musique et retorique Et la soutive astronomie. (Mach., F. am., c.1361, 217)

Le samedy ensuyvant, Xe jour du dit mois de decembre, fu publiée à Paris monnoie nouvelle, qui avoit esté faite par l'ordenance du dit monseigneur le duc de Normandie (Chron. Jean II Ch. V, D., t.1, c.1375, 92)

...quant le prince va en armes, il doit avant faire les monstres de ses gens a cheval et a piet et leur dire ou faire dire et publier les bons drois qu'il a, affin que chascun en ait plus joye et en soit plus asseuré. (La Sale, Salade, c.1442-1444, 242)

Faisons rompre les anciennes loix, Et susciter et faire nouveaulx drois, A publier en assises et pletz, Si punirons le peché des mauvais. (Cene dieux, c.1492, 120)

EMPEREUR. C'est tresbien dit ; ung poursuivant, Ou pour le mieulx une trompecte, Laquelle s'en yra devant, A chemin tantost on la mecte ; Et soubdain qu'elle s'entremecte D'aller partout diligemment, Quelque chose qu'on luy promecte, Publier mon commandement. (La Vigne, S.M., 1496, 158)

Proclamer (à tort).

...par tout il publient mal de nostre prophette. (Jean Le Long, Voy. Odoric A.M., 1351, 18)

[Une loi] Promulguer.

Et pour ce, ceuls qui mectent et font ou publient les loys, ilz ont estimacion que il convient appeller et provoquer les gens a vertu en ceste maniere (Oresme, E.A., c.1370, 533)

Publier que. Faire savoir officiellement que, proclamer que.

Et aussi soit publié que quiconques denoncera ceulx qui telz finances transporteront par lettres, bullettes, obligacions ou autrement, en quelque maniere, aura le quart de la somme transportée par lui denoncée. (Baye, II, 1411-1417, 158)

Lesquelz supplians (...) n'oserent parler (...) par devers justice (...), ja soit ce que par avant eust esté crié et publié que, se aucuns avoient congnoissance de aucuns brigans ne que ilz eussent esté en aucunes places, que ilz les denonçassent a justice sur paine de pugnission. (Chancell. Henri VI, L., t.1, 1423, 10)

Et se de ce sont reffusant, Tu publiras a haulte vois Que sans delay incontinant, Vides hors de l'oust des Englois Tous mes subjectz et mes convois Qui sont de mon obeissance, Sans plus guerroyer les François, Ne faire aucune violence. (Myst. siège Orléans H., c.1480-1500, 363)

[Avec valeur injonctive] Publier que + subj. Promulguer que.

Et avec ce soit defendu et publié que nul marchant, ne changeur, ne autre ne preste argent, ne ne delivre ou face delivrer finance pour les causes dessusdictes (Baye, II, 1411-1417, 158)

Aproche te de moy, la crye : Va pour la cité publier Que chescum viegnie acompaignier La procession de matin. (Myst. st Bern. Menth. L., c.1450, 117)

C. -Rendre qqc. public, accessible à tous, au-delà de la sphère privée.

Le bon proudons de grans tresors De sa proprieté avoit (...) Mais bien tout publier devoit Et si fist aprés son depart A cela pretens je avoir part. (Chast., Temps perdu D., a.1450, 37)

II. -Emploi pronominal. Se publier

A. -[D'une pers.] Se publier + attribut. Se proclamer, se déclarer.

Mais quand il [Adrien] fut en la prison Et il eust leur intencion Oye, ilz se fist arrester Comme crestien, et fermer. Il se publia crestien Comme eulx, et, tout en ce maintien Voult qu'il fut prins et arester De tout point, et a detester Vous dieux et leur haulte puissance (Myst. st Adr. P., c.1450-1485, 112)

B. -[D'une connaissance, d'un contenu prop.] Se répandre.

Ce conseil, propoz et ordonnance incontinent se publia par le monde en diverses manieres : en ciel entre les angelz, en terre entre les prophetes, et en enfer entre les justes qui leur redempcion attendoyent. (Gers., Concept., 1401, 390)

C. -[D'une chose] Se montrer.

Cassidoires dist ou livre des loanges saint Pol que la condicion de mauvaitié est telle que d'elle mesmes ou elle n'a nulz contredisans si dechiet elle et se publie a l'apparant de tous (La Sale, J.S., 1456, 45)