PROCEDER

verbe

[T-L : proceder ; GD : proceder ; GDC : proceder ; FEW (IX, 409b) : procedere ; TLF (XIII, 1236b) : procéder]

A. -[Dans l'espace]

1.Emploi intransitif.

a)Au propre. Avancer, continuer d'avancer.

Et pour ce entendre, il convient supposer que la terre n'est pas habitable tout environ ou tout en circuite en alant ou en procedant d'orient en occident ou au contraire (Oresme, C.M., c.1377, 330)

Dyaletique (...) Vient aucune foiz aux escoles ; Mais Rethorique si procede Jusqu'au marchié et partout plaide (Chr. Piz., M.F., II, 1400-1403, 130)

Se il n'eust oncques procédé Il ne fust point en cest estat ! (Janot sac G.-Z. R., c.1450-1500, 71)

Remarque : GRÉBAN, Pass. J., c.1450, 19772.

b)Par extension. [D'une chose] S'étendre (dans l'espace).

Or ymaginon donques en la terre sous le cecle equinocial du ciel une porcion de cecle qui procede de l'un bout a l'autre de terre habitable. (Oresme, C.M., c.1377, 330)

c)Au figuré. Avancer, progresser.

Lors cuer qui ainsi l'appelle peut seurement en la voie de penitence proceder (Mir. st Ign., 1366, 73)

Par quoy l'argument ne procede en quelque maniere. (Jean De Montreuil, Sophisme Angl. G.O.O., c.1417, 320)

2.Emploi transitif. au figuré. Proceder qqn. Faire avancer qqn, promouvoir qqn.

Ou tiers [ordre] sunt les manieres de proceder ou instituer tels gens. (Oresme, Pol. Arist. M., c.1372-1374, 199)

B. -[Dans le temps]

1.Emploi intransitif. Continuer, poursuivre.

...quand le dit Jehan se vit ainsi frapé par eulx deux, qui estoient contre lui et s'efforçoient de tousjours procéder, il, en soy deffendant, frapa un seul cop de son coutel le dit Robert (Ch. VI, D., t.2, 1383, 5)

...depuis ladite maison a esté vuide, vague et inhabitée, et a esté mise en criées par ledit receveur à la requeste de ladite ville, qui finirent à la Trinité 1440, mais pour la grant quantité des opposans, et que la ville n'a nuls tiltres, ledit receveur n'ose proceder plus avant (Comptes Paris V.L.D., t.1, 1447-1449, 612)

Proceder (encore) outre. Continuer encore.

Car cité selon sa nature est une multitude et se elle estoit faicte plus une qu'elle ne doit et encor plus, l'en vendroit a ce que ce seroit maison et non pas cité. Et en procedant encor oultre, ce seroit un seul homme et non pas maison. (Oresme, Pol. Arist. M., c.1372-1374, 77)

...ce fait, proceda oultre jusques ad ce qu'il fust pervenu a son agnus Dei [Un prêtre célèbre la messe] (C.n.n., c.1456-1467, 447)

...au moïen de laquelle predicion et advisement, le pappe ordonna que l'on fist procession par toute chrestienté et oroisons, et à ce moïen fut leur entreprise empeschée et ne procederent oultre. (Simon De Phares, Astrol., c.1494-1498, f° 120 v°)

Proceder (plus) avant

Et encore je procede plus avant (Foul., Policrat. B., III, 1372, 235)

De la Pucelle, en somme toute, On ne luy doit riens refuser. Et que son plaisir on escoute Que bel vois luy fait propposer, Des places qui sont a avoir Au lonc la riviere de Loire ; Bon seroit premier les avoir Que y nous sont trop en frontiere, Et en nestoyer le repere Ains que proceder plus avant ; Et ne vous doubtez de victoire, Que elle vous est preminant. (Myst. siège Orléans H., c.1480-1500, 515)

Par quel maniere les faiz tu, Ains que nous procedons avant ? (Myst. Pass. Troyes B., a.1482, 741)

Proceder plus

Cecy [Ave salus, tiby decus] estudient [mes trois orphelins, mes trois vieux usuriers] , et, ho ! Plus proceder je leur deffens. Quant d'entendre la grant credo, Trop forte elle est pour telz enffans. (Villon, Test. R.H., 1461-1462, 105)

Et ainsi en procedant. Et ainsi de suite.

Il est manifeste que se la cité est faicte plus une, et apres ce plus une, et ainsi en procedant en union ou unité, l'en feroit tant que ce ne seroit plus cité. (Oresme, Pol. Arist. M., c.1372-1374, 76)

En particulier. [Dans un texte, un discours]

Mais du seigneur de Saintré, duquel l'istoire parle par exprés, me convient plus avant proceder. (La Sale, J.S., 1456, 218)

Proceder en (une histoire). Continuer avec une histoire, revenir à elle.

Mais nostre histoire n'est pas emprise pour lui, et pour tant nous en tairons nous et procederons en nostre hystoire et vraye matiere. L'ystoire nous dit que, quant Presine party de Elinas atout ses trois filles, qu'elle s'en ala atout elles en Avalon, nommé l'Ille Perdue (Arras, c.1392-1393, 10)

Proceder avant (à parler de qqn)

Et a tant se taist l'ystoire a parler du conte de Forez (...) et procede avant a parler du conte Aymery de Poictiers et de Remondin. (Arras, c.1392-1393, 16)

Mais de ce ne vous vueil faire long procès, ains vueil proceder avant du conte Aymery et de nostre vraye matiere. (Arras, c.1392-1393, 16)

2.Proceder outre à + inf. Continuer à.

Et procedons oultre a parler de delectacion. (Oresme, E.A., c.1370, 497)

C. -[Domaine notionnel]

1.Emploi intransitif.

a)Avancer, poursuivre (dans telle ou telle action), mener une action, agir.

Procéde le prestre et s'adresce A oultre pardire sa messe, Sanz moy attendre. (Mir. femme, 1368, 227)

Dit m'a (...) que le prestre en sa preface Procéde et sa messe parface Hardiement. (Mir. femme, 1368, 227)

Et si ne peut proceder au contraire en responnant, pour ce que il ne scet souldre le sophisme. (Oresme, E.A., c.1370, 368)

...si come chascun corps a .II. moitiéz et chascune moitié a .II. moitiéz, et ainsi en procedant sans fin, combien que par tele division l'en viengne a si petites parties qu'elles sont insensibles. (Oresme, C.M., c.1377, 46)

Ainssi ont le lieu possedé Lonctemps, tant y ont procedé (Chr. Piz., M.F., II, 1400-1403, 23)

Et, pour procéder tire à tire, Povons en brief sentir et dire Que métridat certainement Y peut ouvrer pareillement. (La Haye, P. peste, 1426, 135)

Je vois a luy, car moult me tarde [l. targe] Que sur ce il mette remede, Car, s'aultrement il n'y procede, J'en avray grant melencolie. (Myst. st Adr. P., c.1450-1485, 134)

Voire dya, dist sa compaigne, y voulez vous proceder d'euvre de fait ? Et par la naissance Dieu, vous n'en arez fors ce qui sera de raison (C.n.n., c.1456-1467, 524)

O tu qui gouvernes le monde par raison perpetuele, qui es semeur des terres et du ciel, c'est a dire qui ez facteur des choses terriennes et celestiennes, qui commandes le temps aler en procedant depuis son commencement jusques a sa fin, tu estable demourant donnes mouvement a toutes choses, car tu les meus et fais estre meues. (Somme abr., c.1477-1481, 143)

Cestui a escript particulierement sur icelles nativités et commence son livre : 'Dixit Albubater' et procede par les XII maisons, lequel livre ay veu au Colliege du roy Charles le Quint en la librairie de astrologie à Paris (Simon De Phares, Astrol., c.1494-1498, f° 82 r°)

SECOND MAISTRE. La reprinse vous sera vendu chiere, Maistre gallant ; or dictes voz raisons. SAINCT MARTIN. Pour proceder en mes conclusions Et vous respondre a tout ce qu'avez dit, Veillez sçavoir que je vous ay desdit Pour ce que trop follement vous errez ; Et qu'il soit vray, par mes ditz le verrez. (La Vigne, S.M., 1496, 335)

...nous, ayans pitié et compassion du pouvre peuple de nostreditte ville et desirans eschever tant que possible est tous inconveniens, avons voulu differer de plus avant y proceder jusques à ce que aurons fait parler à vous aucuns noz conseilliers et serviteurs ou cas qu'ils pourront aller seurement en nostreditte ville et que par vous ne par autres en icelle nostre ville dommage ne desplaisir ne leur sera fait. (Le Clerc, Interp. Roye, c.1502, 266)

Proceder de telle ou telle manière

...le medecin est ministre de nature il doit proceder petit a petit car c'est le plus certain. (Saint-gille, A.Y., 1362-1365, 64)

Et à la fin, et soubz entente De procéder par droite sente Et monstrer le fait évident, Establirent à Président Le beau Soleil, leur noble maistre à décider et à cognoistre (La Haye, P. peste, 1426, 33)

Et comment pourrons procéder Affin que puissons destourber Et retenir tous ces humains Qui a present sont en noz mains. (Marcadé, Myst. Pass. Arras R., a.1440, 164)

Se aucune part en cest escript et libelle j'ay erré ou failli, il me soit pardonné, car ce a esté par ignorance. Se aussi j'ay procedé droitement selon la verité, soit loee la grace de Jhesu Crist, a l'honneur de qui et de sa tres benoite mere j'ay fait et composé le present euvre et traittié. (Somme abr., c.1477-1481, 99)

Nous ne procedons que par ditz Et menasses de longue main (Myst. Pass. Troyes B., a.1482, 564)

Une question vueil avoir, Puis qu'en demandent procedez, Et, se bien vous me respondez A celle que je vous feray, A la vostre je respondray Sans differer, soyés en seurs. (Myst. Pass. Troyes B., a.1482, 598)

Vous avés comme il failloit faire Procedé juridicquement ['conformément aux exigences du droit'] . (Cene dieux, c.1492, 125)

...dont on y soustint une execrable paine, merveilleux traveil et penetrant ennuy, attendu la façon de proceder, le lieu estrange et la chaleur grande et terrible que lors il faisoit. (La Vigne, V.N., p.1495, 278)

...il m'a confessé que, dès le vivant de feu Mons. l'escuier Rosequin, il luy resquist en parler à mondit seigneur le duc, qui luy fist responce que, après les sommations et treves acoustumées tenir en tel cas, il estoit content qu'il y fust procedé par toutes voyes deues et raisonnables. (Le Clerc, Interp. Roye, c.1502, 276)

Proceder au mieux pour qqn

...or pensons en quelle guise De ces paines yssir pourra Ne conment on procedera Au miex pour li. (Mir. prev., 1352, 255)

Proceder en guerre. Entrer en guerre.

ADRIANUS. (...) Savoir vueil conment les debvrons Assaillir, ne par quelle forme ? L'EMPEREUR. Par la voye la plus enorme C'on puest en guerre proceder, Sans deffier, ne sans mander Nostre venue au roy de Parthe (Myst. st Adr. P., c.1450-1485, 59)

[À propos d'une démarche intellectuelle] Opérer.

Mais je m'en passe briefment sans declairer la maniere, car j'ay proposé a proceder yci plus par raison humainne pour ce qu'il samble que telx gens redoubtent plus adversité temporelle qu'ilz ne font la poinne pardurable. (Oresme, Divin. C., c.1366, 100)

...la tierce est que tot .I. mouvement circulaire soit contraire a tout un autre circulaire. Et selonc ce, Aristote procede en .III. manieres. (Oresme, C.M., c.1377, 88)

Proceder contre (un ennemi, un adversaire...). Adopter une stratégie, prendre des mesures contre.

Toutesfoiz, j'ay une grant doubte Pour ce que pas bien je ne sçay Comme proceder je debvray Contre celluy pays de Parthe, Sur lequel avez guerre ouverte (Myst. st Adr. P., c.1450-1485, 59)

Mais bon seroit, se vous estez D'avis, de luy faire encour dire Qu'il [Adrien] se voulcist de ce desdire Qu'il a empris et conmencer, Pour ce que vous l'amés sy chier Et qu'il est vostre mareschault ; Et aultrement, a son deffault, Contre luy pourrez proceder, Et puet estre, sans exeder Plus avant, qu'il s'avisera. (Myst. st Adr. P., c.1450-1485, 99)

Proceder pour qqn. Engager le combat pour quelqu'un.

DAVID. (...) Cein toy de ton glaive, beaul sire, Sur ta cuise trespuissamment Pour nous faire deffandement (...) Pour nous regne, pour nous procede ; Par ta verité les justice Nous manra ta dextre proppice. (Pass. Semur D.M., c.1420 [1488], 45)

b)DROIT Agir en justice.

[De l'autorité judiciaire]

La Court ou le president pour elle recite que en la Court est acoustumé par le stile de proceder aucune foiz par voie ordinaire, aucune foiz par voie extraordinaire, ut in criminibus, es quelx aussy selon l'exigence du cas l'en procede par voie ordinaire (Baye, I, 1400-1410, 110)

...l'en n'a ceans accoustumé en fait de justice, fors proceder es causes où il a demandeur et defendeur (Baye, I, 1400-1410, 112)

...la Court, qui a acoustumé de meurement et benignement proceder en ses deliberations (Fauq., III, 1431-1435, 21)

Proceder en la cause. Faire l'instruction d'un procès.

...lez evesques et leurs officiaux en sont reffussans, et contraingnent lez partiez, sur poine de excomu[ni]ement, de proceder devant eulx en la cause, ou tres grant prejudice du Roy et de la juridiction seculiere. (Songe verg. S., t.2, 1378, 147)

...et se ilz demandent estre ranvoïés devant le seigneur seculier, l'en lez contraint, sur poine de excomuniement, de proceder en la cause et sur grant poine pecuniere, ja soit ce que la cause soit pure reele. (Songe verg. S., t.2, 1378, 148)

Proceder outre. Aller plus avant, aller plus loin dans une procédure judiciaire.

Si requiert que l'evesque defende, alias, que la Court face defense à l'evesque qu'il n'attempte et ne procède oultre ou prejudice de ce procès. (Fauq., III, 1431-1435, 145)

(Il) est procédé outre

Mais, ce jour, ne fu aucunement procedé oultre en ladicte besoingne, pour ce que ceulz qui avoient esté appellez attendirent et demourerent trop tard à venir (Fauq., I, 1417-1420, 67)

[Des plaideurs ou de leurs procureurs]

...se deux parties sont en jugement et ils ne veullent proceder l'un vers l'autre, le juge les doit mettre, sans demander, en deffault comme en leur presence l'un vers l'autre, pour non proceder. (Instruct. ensaign. B.G., c.1386-1390, 33)

...lequel se excusoit pour les périlz qui pourroient advenir des sergens et aydes qu'il lui convendra avoir en procédant contre aucuns qui se dient estre de l'Université de Paris. (Ch. VI, D., t.1, 1395, 127)

...ou cas que les parties procederoient en ce present Parlement (Baye, I, 1400-1410, 39)

...s'il estoit permis audit Pinçon de proceder en Court de Romme par devant les auditeurs sur le petitoire (Fauq., I, 1417-1420, 339)

...ilz [les eschevins de Gand] ne procedassent en ladicte cause ailleurs que par devant eulz (Fauq., II, 1421-1430, 298)

Proceder contre/à l'encontre de qqn. Instruire contre qqn, le poursuivre.

Mez c'est bien vray que, quant l'en procede d'office contre aucun qui soit diffamé d'aucun pechié, le juge, en tel cas, ja soit ce que tel soit trouvé pur et innocent, n'a pas acoustumé de poïer aucuns despens, mez se partie veult avoir copie du procés, il le doit avoir en sez despens. (Songe verg. S., t.2, 1378, 157)

Mez il avient aucune foys que, pour eschiver le peril dez ames ou dez corps, ou pour aucune cause raysonable, le juge puet doner une seule amonicion peremptoire, laquelle est equipollee a troys monicions ; et en tel cas, contre ceulx qui sont contumaux, le juge puet proceder et lez excomunier, et justement. (Songe verg. S., t.2, 1378, 159)

...se, dedens ledit temps, il ne appert deuement d'icelle [lettre de tonsure] , ledit mons. le prevost procedera à l'encontre de lui ainsi qu'il appartendra à faire de raison. (Reg. crim. Chât., I, 1389-1392, 50)

Pour quoy fu par ledit lieutenant demandé aus dessus nommez leurs oppinions, et comment l'en avoit à proceder contre ledit prisonnier. (Reg. crim. Chât., I, 1389-1392, 222)

Jaques de Bailleul, serviteur soy disans du duc de Bourgoigne, est venu dire à la Court de par ledit duc que l'en ne procede point contre Olivier de Stannevelle ne ses compaignons, jusques à ce que l'en ait autre nouvelle. (Baye, II, 1411-1417, 92)

...contre telz transgresseurs, appellans ou contradicteurs, pertinax d'icelles ordonnances royaulz, on devoit proceder et les punir comme crimineulz de lese magesté. (Fauq., I, 1417-1420, 60)

Et, pour ceste cause et pour autres, la Court sursey lors de proceder contre ledit Loys, qui demoura ou dangier de la Court, ainsi que dit est. (Fauq., I, 1417-1420, 315)

(Il) est procedé contre qqn

...et quant à la provision des prisonniers seroit procedé de fait contre le duc en metant et tenant ses terres tenues soubz le Roy en la main du Roy (Baye, I, 1400-1410, 321)

Proceder contre qqn par voie de question

...ledit mons. le prevost demanda ausdis conseilliers s'il y avoit cause assez parquoy l'en deust contre lui proceder par voie de question, afin de savoir par sa bouche la verité comme prins avoit icelle cendrée. (Reg. crim. Chât., II, 1389-1392, 396)

Proceder sur qqc. Débattre dans une cour de justice sur (une affaire, une question de droit...).

...il sera dit que ledit Martin venra aux jours d'Amiens du Parlement prouchain proceder sur la demande dudit Phelippe (Baye, II, 1411-1417, 270)

...et neantmoins se Roussel vouloit proceder sur le principal pour ledit de Brenne, il se deporteroit de son second default (Fauq., III, 1431-1435, 114)

...et a ceste cause fu admené en nosdictes prisons de Rouen, esqueles il a tousjours esté depuis ledit temps et encores est et n'a esté aucunement procedé sur son cas (Chancell. Henri VI, L., t.2, 1434, 303)

(Il) est procedé sur qqc.

Et après ce vint monseigneur le Chancellier ceans, et les arrests pronuncez, fu procedé sur la vacation de l'office de maistre Renaut d'Amiens en la Chambre des Enquestes. (Baye, I, 1400-1410, 50)

infinitif substantivé. Exécution d'un acte juridique, poursuite d'un procès.

Je l'assoulz de vostre demande Et vous deffendz le proceder. (Path. D., c.1456-1469, 178)

2.Emploi transitif. Proceder qqc. Poursuivre, accomplir qqc..

Toutesfoiz j'é veu la Pucelle ; Mieulx luy fust filler sa quenoille Que proceder ceste querelle (Myst. siège Orléans H., c.1480-1500, 549)

LE PERE. Ma grant douleur toute douleur excede, Quant si tresmal je te voy babiller ; Sces tu pas bien que ce que je procede, C'est pour te faire et passer chevalier ? (La Vigne, S.M., 1496, 169)

3.Proceder à

a)Proceder à qqc. En venir à qqc., se mettre à qqc., entreprendre qqc., accomplir qqc..

Mais il veult dire que celui qui est bien habitué en vertu, il a bien tost delivré et resgardé et conclus que est a faire et procede briefment a l'execucion senz grant dilacion. (Oresme, E.A.C., c.1370, 216)

Semblablement, aucuns suppriment et contretiennent leur concupiscence longuement et puis, quant il ne peuent plus endurer la force de la temptacion, il prorumpent et procedent soudainement au pechié et senz discrecion. (Oresme, E.A.C., c.1370, 390)

Ces choses donques ainsi laissiees, procedons aux autres. (Foul., Policrat. B., V, 1372, 267)

...se le dit messire Remon y eust procédé par autres manière. (Ch. VI, D., t.1, 1388, 95)

...que doresenavant (...) eulx ne aucuns d'eulx ne procèdent à aucunes grosses ne desplaisans paroles les uns contre les autres. (Ch. VI, D., t.1, 1402, 234)

LE BOURREAU. Et pour proceder a mon faict, Saysine prens de vostre corps. (Myst. jeune fille L., c.1413-1445 [c.1530], 54)

Sire, Dieu vous tiengne en santé, Nous venons cy pour procéder Au fait dont hier vous veult parler Car nous avons des grans affaires Pour no loy qui sont nécessaires. (Marcadé, Myst. Pass. Arras R., a.1440, 156)

...pour avoir advis qu'est à faire et comment on procèdera sur et avec ledit Hervé qui requéroit que son compte fust clox et affiné (Aff. Jacques Coeur M., 1453-1457, 137)

...[il] la baisa deux ou trois foiz tres doulcement ; elle l'endura voluntiers, qui bailla courage au chevalier de proceder au surplus, dont il ne fut pas refusé. (C.n.n., c.1456-1467, 269)

...si nous povons appaiser monseigneur vostre pere et madame vostre mere, nous procederons a la consummacion de noz promesses. (C.n.n., c.1456-1467, 547)

Avant, Sire, que proceder à la matiere de ce present traictié, qui sera de elucider et esclarsir la diferance de la vraye science de astrologie et des ars supersticieux et divinatoires (Simon De Phares, Astrol., c.1494-1498, f° 2 r°)

Et, pour ce que savons que, au procès et jugement d'icelluy, a eu plusieurs impressions, recellemens et autres choses indeues, comme vous scavez et entendez assés, nous, pour decharger nostre conscience, voulons et vous mandons que vous procedés incontinant à l'enterinement de nosdittes lettres sans y faire aucune difficulté. (Le Clerc, Interp. Roye, c.1502, 206)

Proceder à la mort (de qqn)

Et tant d'autres pitiez, mercis, et misericorde nous a il [Jésus-Christ] commandez et en sa propre personne commandees et monstrees que par ce le seigneur de Saintré se detint de a la mort proceder. (La Sale, J.S., 1456, 297)

Si sommes venuz pour traicter Sur ce fait, pour trouver remede ; Et est force que l'on procede A sa mort : nous n'en pouons plus. (Myst. Pass. Troyes B., a.1482, 529)

Proceder à + inf. En venir à, agir de façon à + inf..

Aprés il procede a monstrer comme les habiz dessus diz different de actrempance et desactrempance. (Oresme, E.A.C., c.1370, 387)

...par lesquelles [lettres] estoit mandé à la Court que sur ledit appoinctement ne procedassent point à juger et que le Roy advoquoit la cause devant ly (Baye, I, 1400-1410, 30)

...et, pour avoir advis et deliberacion, ycelles lettres et ordonnances veues, comment seroit expedient de proceder à maintenir ycelle Eglise de France en sesdictes anciennes franchises et libertés (Fauq., I, 1417-1420, 47)

Et, depuis ces choses, fut procedé par toute diligence à faire le procès dudit connestable par mesdiz seigneurs le chancelier, presidens et conseillers clers et laiz de la court de Parlement, lesdiz de Saint-Pierre, Hesselin et autres à ce faire ordonnez et appellez. (Roye, Chron. scand., I, 1460-1483, 354)

b)DROIT Proceder à (un acte juridique). Accomplir (un acte juridique).

...fu dit et commandé par ledit mons. le chancellier et autres dessus diz conseillers du roy, audit mons. le prevost, qu'il procedast à l'absolucion ou condempnacion desdiz Honoré du Puys et Jehannin de Soubz le Mur, dit Rousseau, par la fourme et maniere qu'il verroit que à fere seroit de raison. (Reg. crim. Chât., I, 1389-1392, 86)

... [qu'il] procede à l'absolucion ou condempnacion, eslargissement ou delivrance d'icelle prisonniere, comme il verra que bon sera (Reg. crim. Chât., II, 1389-1392, 299)

...contre lesdis malfaiteurs, ou malfaiteur, ou recepteurs, sera procedé à ban, et seront bannis de nosdis pais (Trés. Reth. S.L., t.2, 1391, 371)

...et a defendu la Court audit abbé qu'il ne procede à sentence diffinitive jusques à ce que la Court ait determiné du delict privilegié (Baye, II, 1411-1417, 276)

Et, ce fait, on proceda aux plaidoiries et expeditions des autres causes. (Fauq., I, 1417-1420, 223)

...et pourront les trois ou les deux d'iceulz commissaires proceder et vaquer au jugement et decision d'icellui procès (Fauq., III, 1431-1435, 162)

...durant icellui procès, ou quel avoit esté procedé par plusieurs journées devant nostre dit seneschal ou son dit lieutenant, icellui Phelippon se fist mettre en nostre sauvegarde contre le dit suppliant. (Doc. Poitou G., t.8, 1441, 122)

...le seigneur de Villarnoul, estant à present en nostre chastel du Louvre, sera amené en la consiergerie de nostre palais pour par vous estre procedé en toute diligence à l'expedicion de son procés (Lettres Ch. VIII, P., t.1, 1485, 75)

Proceder aux tourments

...ou il est vehemente presumpcion contre le deffendeur et, adonques, selon l'ordre de Droit et selon rayson, l'en doit proceder aux tormens (Songe verg. S., t.1, 1378, 351)

4.Proceder de

a)[D'une chose] Proceder de qqc. Émaner de qqc., tirer son origine de qqc., venir de, provenir de qqc..

Or est il ainsi que la fin de toute operacion est selon la nature de l'abit de quoy tele operacion procede et est causee, et l'abit ou vertu de fortitude est bon a celui qui est fort. (Oresme, E.A., c.1370, 208)

...du cuer procede la vie (Le Fèvre, Respit Mort H., 1376-1380, 50)

Il [Isaïe] vous dist peuple sans raison Orant Dieu de faulse oroison, Qui fors des levres ne procede, Le cuer l'oroison ne concede, Le cuer est loing en aultre estas Pensans a vos fais intestas. (Marcadé, Myst. Pass. Arras R., a.1440, 114)

Cligés a entendu ce doux mot qui de la langue dolente de Fenice est procedé. (Cligès C.T., 1455, 124)

...n'y eut celuy de la table qui ne s'en donnast grand merveille dont ces soudaines larmes procedoient (C.n.n., c.1456-1467, 137)

...elle luy estoit trop dure, et fait assez a penser qu'il procedoit de fierté, dont elle estoit plus que bon ne luy fust, comme on disoit, remplye. (C.n.n., c.1456-1467, 474)

...premier le conseil voult savoir dont avoit procedé le fondement de la question entre les deux femmes. (C.n.n., c.1456-1467, 524)

Car la clarté du soleil, combien qu'elle vient et procede du soleil, toutevoies se le soleil estoit eternel sans commencement et fin, se seroit sa clarté coeternele, c'est a dire qu'elle seroit eternele du soleil dont elle procede. (Somme abr., c.1477-1481, 128)

Item le mari est seigneur des actions mobiliaires et possessoires posé qu'elles procedassent du costé de la femme (Cout. Chât. O.-M., c.1480-1500, 432)

Or dont, de vostre intencion, Fille, quelle est vostre pensee Et vostre ymaginacion ? Ne dont procede vostre allee, Que vous estes si arrivee Et venue de si loing pays (...) ? (Myst. siège Orléans H., c.1480-1500, 383)

Dont procede ceste aventure ? (Myst. Pass. Troyes B., a.1482, 368)

Pere puissant dont la puissance excede, Ou tout bien tent, et dont tout bien procede, Roy eternel sans jamais prendre fin, Grace et salu a mes amys concede Et les pourvoix de si tres bon remede Que leur vouloir ne se torne a declin. (Myst. Pass. Troyes B., a.1482, 666)

Les rummeurs des dieux et les haines Vers les creatures humaines, Procedant des faultes villaines Par eulx faictes et parpetrees, Contre les bontez souveraines D'iceulx dieux comme en leurs demaines Puis je ne scay quantes sepmaines Par escriptures trescertaines Ont esté prouvees et monstrees. (Cene dieux, c.1492, 133)

...et tost après fut oy que en Egipte furent brullez IIIIc mil volumes de livres et ne peut l'en jamais sçaver de quel lieu proceda le feu. (Simon De Phares, Astrol., c.1494-1498, f° 67 v°)

Cestui fut moult experimenté en la partie judicative, et fut celui qui trouva dont procedoit l'empoisonnement d'aucuns grans seigneurs du sang royal (Simon De Phares, Astrol., c.1494-1498, f° 100 r°)

SECOND. (...) Mais du peché le mal porter failloit A tous vivans qui de luy [Adam] descendroient, Lesquelz jamais es haulx cieulx n'ascendroient, Jusques ad ce que dure passion Quelc'un, yssant par generacion De la lignee dont le mal procedoit, N'eust soufferte (La Vigne, S.M., 1496, 337)

En particulier. [Domaine relig.]

...tout bien procede de Dieu (Jean Golein, Rational B.D., c.1370-1372, 390)

Emploi absolu. Provenir, apparaître comme conséquence.

Remarque : Erec C.T., c.1450-1500, gloss. (procedantapréz la mortelle et cruelle guerre).

b)GÉOMÉTRIE Partir, commencer depuis.

De deux lignes egales ou inegales encloses dedans ung cercle, procedens d'ung point de la circonference et terminees l'une des extremitez du dyametre, l'aultre en l'aultre, toujours l'angle dont ces deux lignes procedent est droit. (Nic. Chuquet, Géométrie H., 1484, 297)

c)THÉOLOGIE [De la Trinité, en partic. du Saint-Esprit] Émaner.

Ja verront le filz du Pere proceder de sa vierge mere, C'est mon espoux et mon Dieu vray. (Pass. Semur D.M., c.1420 [1488], 68)

Parle JHESUCRIST. La grace du Saint Esperit, Qui procede du pere et du filz, Tantost en vous je envoyra, Qui tous vous pechiés lavera (Pass. Autun Biard F., 1470-1471, 144)

Car non seulement a convenableté de dedens avec le Pere en pareilleté d'essence comme le Saint Esperit, mais aussi a convenience exteriore par dehors avec le Pere, pour ce que ainsi que le Filz procede du Pere, pareillement du Filz procede le Saint Esperit. Mais du Saint Esperit nulz ne procede. (Somme abr., c.1477-1481, 114)

Et pour ce que le Filz produist et est produit, pour tant il envoie et est envoié. Car comme il est ainsi que le Pere ne procede d'aultrui, pas ne puet estre envoié. Et pour ce que le Filz produist et est produit, pour tant il envoie et est envoié. (Somme abr., c.1477-1481, 119)

Et ceste emanation par maniere de joincture du Pere et du Filz est dicte dilection et amour, qui est dicte le Saint Esperit procedant du Pere et du Filz. (Somme abr., c.1477-1481, 123)

5.Emploi absolu. [D'une chose] Proceder par/pour. S'expliquer, être dû.

...lequel dist jadis qu'il ne reste que a ses enffans qu'ilz ne soyent d'une pareille noblesse, et ne procede ce sy non par faute de courage (Percef. III, R., t.1, c.1450 [c.1340], 62)

...et dirent que ce procedoit pour la grande prouesse qui habondoit en celle tant noble compaignie (Percef. III, R., t.1, c.1450 [c.1340], 66)

Proceder à qqn. Réussir à qqn (à celui de qui la chose émane).

Et toy tu gouverneras tresfort ce que tu veulx, se tu ne te depars de toy mesmes. Se tu te ordonnez premier et tous tes faiz disposez a vertu, toutes choses te procederont justement. (Mamerot, Romuleon D., 1466, 358)

Remarque : HUG. VI, 197.

PROCÉDER