POURCHASSER

verbe

[T-L : porchacier ; GD : porchacier ; DECT : porchacier ; FEW (II-1, 324) : *captiare ; TLF (XIII, 946a) : pourchasser]

Emploi transitif.

A. -Pourchasser qqc.

1.Mettre ses efforts à qqc..

a)Rechercher qqc. (de concr. ou d'abstr.), chercher à obtenir ou à réaliser qqc..

[Une chose concr.]

Quant aucuns pourchace et procure Viande de quoy il n'a cure, Et elle li est bien baillie Et trés honnestement taillie, Il ne la fait que devourer, Car il ne la scet savourer. (Mach., D. Aler., a.1349, 337)

Or avant : Alon men ce cuer [d'un pourcel] pourchacier, Puis pensons de nous adressier D'aler le presenter Maliste (Mir. Berthe, c.1373, 183)

[Une chose plus abstr.]

Si en ploura parfondement Et souspira moult durement Le tres gentil et noble roy, Et en fu en moult grant effroy, Quant tout ce estoit empeschié, Qu'à grant peinne avoit pourchacié [la croisade] . Mais ne laissa pas son emprise ; Pour fortune qui riens ne prise, Qui par son faus tour a deffait Tout ce qu'il avoit quis et fait, Ne pour la mort dou roy de France, Ne dou cardinal. (Mach., P. Alex., p.1369, 23)

Vive tels roys et ja ne muire ! Qui ne vuet, ne quiert, ne pourchasse Autre deduit ne autre chasse Fors damagier ses annemis, Et s'est courtois à ses amis. (Mach., P. Alex., p.1369, 217)

Item, le medicin n'a pas son entencion de pourchacier ou querir bien ne santé separee ne une ydee (Oresme, E.A., c.1370, 116)

Et la deffaute ou negligence de desirer et pourchacier honneurs deüz et deüement, c'est vice, lequel en grans honneurs Aristote apelle pussilanimité et en communs honneurs aphylotimie. (Oresme, E.A.C., c.1370, 166)

Et aussi le saige, quant il voit qu'il n'a pas puissance de resister a la force de son adversaire, il pourchasce longs traictiez pour dissimuler tant qu'il se voye en puissance qu'il puist nuire a son ennemy, et lors en pou d'eure treuve voye dont le traictié soit nul. (Arras, c.1392-1393, 87)

Alixandres, a moult grant conrois, Ala vers Nicholas, pour paix Pourchacier (Chr. Piz., M.F., IV, 1400-1403, 32)

...par ainsi qu'il ne aura ne pourchassera pensions ne gaiges d'autres que du Roy (Fauq., II, 1421-1430, 38)

...le demourant seroit pour pourchassier son droit (Paris domin. angl. L., 1428, 294)

Pour ce, Jhesus, qui est lumiere Du monde, aporta la maniere De pourchacier son sauvement, La quelle y monstra clerement Par sainte vie et par signacles, Par escripture et par miracles, En suscitant lez trespassez, Et en fesant vertus assez ; Car il le pouoit et savoit. (Mart. st Pierre st Paul R., c.1430-1440, 124)

J'ay partout prechiés et criez ; Mais le monde riens ne s'emende A pourchassié son sauvemant. (Myst. st Bern. Menth. L., c.1450, 159)

...pluseurs gens de bien desiroient et pourchassoient sa grace par pluseurs et toutes fassons en amours acoustumées (C.n.n., c.1456-1467, 31)

...[ils] dirent que fortune et honneur a ceste heure leur court sus, et qu'ilz ne sont pas dignes d'avoir jamais bonne adventure, si ceste, qu'ilz n'ont pas pourchassée, par lascheté leur eschappoit. (C.n.n., c.1456-1467, 202)

Je suis tout le jour a la chace Et aultre chose ne pourchace Que deduit et esbatement. (Sots mal., c.1480, 77)

LE CHRESTIEN. (...) A l'oeil nous voyons Que bref n'on n'a rien Que ne pourchasse les façons D'avoir d'autruy avec le sien ['si l'on ne cherche pas les moyens d'ajouter le bien d'autrui à celui qu'on possède' (Éd., 162)] . (Mir. st Nic. juif, c.1480-1500, 74)

En mon cueur et mon pencement Ay tousjours une volunté De pourchacer mon saulvement En la foy de crestïenté. (La Vigne, S.M., 1496, 149)

Et quant ledit clerc eut apporté lesdicts mandemens, ledit Reilhac les monstra audit Voyaul, en luy disant que c'estoient les mandemens pour avoir la confiscation de sondit maistre, que Sallezart et Anthoine du Lau pourchassoient, mais que le roy ne les avoit pas voullu signer. (Le Clerc, Interp. Roye, c.1502, 149)

[Une entreprise] Mettre ses efforts à, mener à bien.

A ceste coronation, Qui fu apres l'Ascention Dix et sept jours tous acomplis, Ot cils roys des joustes le pris. Et aussi les ala il querre À Bruges et en Engleterre, Et à Paris et en Gascongne, Tout en pourchassant sa besongne. Car en Flandres fu longuement, Où il despendi largement, À ci grant labeur et grant peinne, À roy de terre si lonteinne, À ci grant frais, à ci grant mise Qu'il passa la mer et Tamise, Et sercha mainte region, Pour avoir son entention. (Mach., P. Alex., p.1369, 26)

Or chevauche li roys de Chipre, Qui n'est pas vestus de drap d'Ipre, Mais d'un drap d'or fait à Damas. Il n'est remes piteus ne mas De sa besongne pourchacier, Eins ne fait qu'aler et tracier Les signeurs partout, et querir, Pour leur aïde requerir. (Mach., P. Alex., p.1369, 43)

Quelque maniere ou menace qu'elle face, il ne veult laisser son emprinse, mais de plus en plus la pourchasse (C.n.n., c.1456-1467, 74)

...comme la besoigne se pourroit pourchasser et parachever (Hist. Berthe Pépin T., c.1400-1500, 138)

... [le fourrier] cest hostel luy avoit delivré, affin de mieulx pourchasser et conduire sa queste, et venir aux fins et intencions ou il entendoit (C.n.n., c.1456-1467, 502)

L'ADVOCAT. Pour avoir ung bon advocat Qui pourchasse bien nostre cas, Prenons apoinctement d'estat Des merites sainct Nicolas. LE GREFFIER. Pour bien pourchasser nostre cause, Encontre le dyable et ses las, Estudions bien ceste cause Des merites sainct Nicolas. (Mir. st Nic. juif, c.1480-1500, 158)

Pour bien pourchasser nostre affaire, Desormais, bien subtillement, Nous fault pour nostre vueil parfaire Procurer maulx incessanment. (Myst. Pass. Troyes B., a.1482, 87)

Rechercher, se mettre en quête de (un mari, une épouse).

Pour ce, la chaça Et autre femme pourchaça (Chr. Piz., M.F., II, 1400-1403, 262)

Chercher à lever (une troupe).

Il [le roi] fist aprester sa navie Et se parti, bien m'en remembre, Droit XXVIIJ. jours en Septembre. Et si tost qu'en Chypre sera, La plus grant armée fera Qu'il porra pourchacier ne faire, Pour faire aus Sarrazins contraire, Et au soudan principaument, Qu'il het de cuer si mortelment, Qu'il rencommencera la guerre À son païs et à sa terre (Mach., P. Alex., p.1369, 245)

Pourchasser à/de + inf. S'efforcer de.

A estre absolz quiers et pourchaces D'un grief esconmeniement (Mir. parr., 1356, 53)

[Les Grecs] S'en vont fuyant et celles [les Amazones] chacent, Qui a les occire pourchacent (Chr. Piz., M.F., III, 1400-1403, 147)

...il a juré et promiz, jure et promet, en tant que mestier est, qu'il ne pourchacera ne fera pourchacer par autre devers le Roy ou autrement, d'avoir lettres qui diminuent l'assignation que a faicte le Roy (Baye, I, 1400-1410, 176)

...les Anglois, anciens ennemis de ce Royaume, chascun jour s'efforcent et mettent toute leur entente plus que jamais à invader les pays, seignouries et subgietz du Roy ; et (...) puis aucun temps en ça, par exquisicions de grans et subtilz moiens, ont pourchassé d'y avoir entrée (Doc. 1456. In : ESCOUCHY, Chron. B., t.2, a.1465, 340)

SATHAN. (...) tous deux les emporteray [le juif et le chrétien] En Enfer sans point de respit, Et pourchasseray, en despit De Nicolas, mon ennemy, D'en faire quelque bon amy Dedans la grant salle infernalle. (Mir. st Nic. juif, c.1480-1500, 123)

Pourchasser + prop. inf. Chercher à obtenir que.

...et il respondi qu'il en pourchaceroit justice estre faicte (Baye, I, 1400-1410, 106)

Pourchasser que. S'efforcer d'obtenir que, faire en sorte que.

...et il pechent griefment, si comme aucun, convetant les biens d'un riches homs que il harra, pourchacera que un autre l'acuse de crime dont il mourra, et le premier demandera les biens, et le prince les donra a celui traistre qui est digne de mort. Aucunesfoiz senz tel pourchas grieve l'en autre pour haine par mençonges (Foul., Policrat. B., I, 1372, 82)

Et pour ce dist Tullès que le prince doit estre songneux et dillegement pourchassier que son païs soit bien garny de tous vivres (La Sale, Salade, c.1442-1444, 16)

Pourchasser envers qqn que. Chercher à obtenir de qqn que.

...les diz freres et suers ne le vuellent recevoir ne trouver lui son vivre, se il ne pourchace envers nous que nous vuillons et octroyons, de nostre grace, que yceuls freres et suers puissent la dite rente tenir et posseoir perpetuelment (Doc. Poitou G., t.2, 1342, 229)

Pourchasser par devers qqn que

Encor a il entention De faire par devotion Une chapelle belle et gente, Où chanoinnes ara et rente, Où la columpne mettera ; Et avec ce il pourchassera Tant par devers nostre Saint Pere, Que, s'il est ainsi qu'il appere, Qu'aucuns ait permise la voie Au Saint Sepulchre, il li ottroie Qu'il face son pelerinage (Mach., P. Alex., p.1369, 175)

Emploi absolu. Faire des efforts, agir, poursuivre.

...il ont tant pourchassié que il ont sousmis tout le monde en leur subjection (Foul., Policrat. B., V, 1372, 336)

Elle feri donques Holofernes (...), et ainsi pourchaça et fist le peuple en la main d'une femme. (Foul., Policrat. B., VIII, 1372, 109)

...ses ennemis (...) De partout son regne chaça [Charles V] , Et, moult s'accrut, tant pourchaça. (Chr. Piz., M.F., IV, 1400-1403, 77)

Neantmoins, car il avoit la chose fort au cueur, ne laissa pas sa poursuite, ainçois de plus en plus et tresaigrement pourchassa tant que la damoiselle (...) luy dist qu'elle advertiroit son mary (C.n.n., c.1456-1467, 48)

Seigneurs, entendés tous a moy : Nous avons bien esploitier a ceste foy, Tant avons fait et porchasier Que Jhesus avon prist et lier. (Pass. Autun Biard F., 1470-1471, 83)

On ne se doit point esbair De Baugenci, qu'i l'ont lessé, Et n'y ont en riens deffailli, Mes ainçois ont bien prochassé, Et a leur proffit ont pensé (Myst. siège Orléans H., c.1480-1500, 644)

Emploi pronominal. Se pourchasser. Se mettre en quête de qqc., s'activer.

Mais sans doubtance, Quant il l'aimme de toute sa puissance, Et sans cause le met en oubliance, Il doit dancier einsi comme elle dance, Nom pas qu'il face Chose de quoy il puist perdre ma grace ; Car s'il la laist, et ailleurs se pourchace, Je ne tien pas qu'envers moy se mefface. Et si m'acort Dou tout en tout de Raison a l'acort, (Car elle fait bon et loial raport) Que cils a droit, et ceste dame a tort. (Mach., J. R. Beh., c.1340, 126)

De ce t'avis Sans plus, par maniere d'avis, Qu'il n'apartient en nulle guise Qu'uns princes en sa ville assise Soit, car il se doit pourchacier, Tant aler, venir et tracier, Qu'il puist lever ses annemis Par force d'armes et d'amis. (Mach., C. ami, 1357, 119)

Car ung ribault doibt partout tendre, C'est a dire soy pourchasser, Et la femme se doibt desfendre (Martin Le Franc, Champion dames D., t.2, 1440-1442, 148)

Elle se pourchassoit a tous lez et ne demandoit que hutin. Il y avoit peu d'hommes en toute la contrée ou elle repairoit pour estaindre une petite estincelle de son grand feu (C.n.n., c.1456-1467, 518)

Yci ne veux plus demorer Mais me veux aller pourchacier Et tout ce que porray conquerre Apporteray cy a grant herre (Oudin, St Genis M.S., c.1490, 98)

Se pourchasser la mort. Chercher à se donner la mort.

...aucuns (...) se sont pourchacié la mort pour ce que il avoient plus chier perdre la vie corporelle que perdre leur chasteté. (Foul., Policrat. B., V, 1372, 443)

b)Obtenir qqc..

Je ly feray premdre a la main Le fruit deffemdu et mangier, Et son mary tant losangier Par faix, par dix et par parolle, Qu'Adam sera de nostre escolle ; Et quant j'aray ce pourchassié, De paradix seront chassié. (Pass. Semur D.M., c.1420 [1488], 15)

c)Chercher à provoquer, à susciter qqc. (surtout de négatif).

Si vif en trop mortel chace, Qu'Amours me dechace, Pour ce que je chace L'amour de ma dame chiere Qui ma mort quiert et pourchace, Quant elle m'enchace Et quant avoir grace Ne puis de sa simple chiere. (Mach., Les lays, 1377, 323)

...touz ceulz qui, par affection ou prouffit particulier, pourchassent tel dommage contre la chose publique (...) sont indignes de demourer et d'estre beneficiez en ce royaume (Fauq., I, 1417-1420, 267)

PILATE. (...) Et saichés que me poisse fort De ce que les Juifz l'on mys a mort, Et saichés de voir sen mantir Qu'onque sa mort ne porchassir, Mais le delivrer il me plaisoit. (Pass. Autun Biard F., 1470-1471, 125)

Pourchasser qqc. contre qqn. Tramer qqc. contre qqn.

S. NICOLAS. Dieu eternel, trois en ung vueil Une voulenté par essence Qui en divine prescience Congnois les cueurs et les couraiges, Tu vois de Sathan les oultrages Qu'il a pourchassés contre moy Pour cuider destruire la loy. Le povre juif a eu fiance En moy et parfaicte creance, Et Sathan, pour me faire injure, A rendu le crestien parjure. (Mir. st Nic. juif, c.1480-1500, 135)

Pourchasser qqc. mal. Chercher à rendre qqc. mauvais.

SATHAN [aux diables] . (...) Ma raison totalle E(s)t plus principalle, C'est de les grever [le juif et le chrétien] , Car leur face palle Pourchasseray malle. Pour les agraver, Fainctes eslever (Mir. st Nic. juif, c.1480-1500, 123)

2.En particulier. [Une somme d'argent] Chercher à obtenir une somme due par un débiteur.

À Jehan Jossequin, huissier d'armes de mondit seigneur, la somme de quarante frans que mondit seigneur, par ses lettres donnees le derrain jour d'aoust mil quatre cens et douze pour ce adreçans à Jehan Despulectres, lors son tresorier et gouverneur general de toutes ses finances, lui est ordonné et tauxé pour avoir esté de Bourges à Lion et à Mascon pourchacier 2.000 escus qui deuz estoient à mondit seigneur (Comptes Etat bourg. M.F., t.2, 1419, 533)

Pourchasser sa vie/son vivre. Mendier.

Si la mis hors de l'abbaie, Dont li a convenu sa vie Pourchacier set ans, (...) Pour li et pour l'enfant ensemble (Mir. Theod., 1357, 127)

...sondit feu mary estoit très-povres homs, qui gaignoit pou et ouvroit enuiz, et ne lui faisoit aucun bien, et (...) elle qui parle pourchassoit sa vie pour Dieu par ladite ville de Malherbes (Reg. crim. Chât., II, 1389-1392, 61)

...laquelle [femme] pourchassoyt sa vie par les maisons (Tardif, Facéties Pogge D.H.-P., c.1490, 232)

Remarque : Jourd. Blaye alex. M., a.1455, gloss.

Pourchasser son mieux. Subvenir à ses besoins.

Sire, par ta benignité, Regarde ma neccessité, Car mon miex pourchacier ne say ; Quelle merveille ? apris ne l'ay. Or voy qu'aprendre le me fault, Ou j'aray en touz cas deffault. (Mir. emper. Romme, 1369, 291)

(Se) pourchasser. Mendier.

LE PREMIER POVRE. (...) Encore est de moy pourveoir Et pourchacier assez bonne heure (Mir. Pierre Changeur, c.1378, 230)

PREMIER POVRE. (...) Un po ci nous esbaterons Et puis pourchacier nous yrons Aval la ville. (Mir. Pierre Changeur, c.1378, 231)

Et dit que, l'andemain au matin, il ala querir sa vie et soy pourchassier vers les Cordelieres de Saint-Marcel, hors Paris (Reg. crim. Chât., I, 1389-1392, 422)

3.Pourchasser qqc. à qqn

a)S'efforcer de procurer qqc. à qqn.

Jehan de Saintré, qui voit et cognoist les grans biens et les honneurs que Madame lui fait et pourchasse, ainsin josne qu'il est, a genoulz tres humblement la remercia (La Sale, J.S., 1456, 73)

Pourchasser qqn. S'occuper de qqn (ici le roi Charles dont on cherche à obtenir la libération).

Mais pour un qu'est liès de ta prise [du roi en captivité] , Des dolens en y a deus mille. On le scet bien parmi la ville, Car chascuns qui de toy parole En dit bonne et bele parole Et te pleint ; nes li enfançon Chantent de toy bonne chanson ; Et que tous ceaus qui te pourchacent Ne demandent, quierent ne chacent Que par nulle guise on te face Bonté, courtoisie ne grace, Fors justice tant seulement. C'est grant honneur, certeinnement, Et si pert bien que tu te sens De corps et de cuer innocens. Ce te doit moult reconforter Et aidier tes maus a porter. (Mach., C. ami, 1357, 65)

[Un mari, une épouse]

Haa, dit Geneuvre, la fille aisnee du roy, à paine estes si grant creu que en soiez à pourcachier. - Madame, dit il, je suis si sot et si lourt que nulle ne me daigneroit aymer. (Ponthus Sidoine C., c.1400, 91)

...je me traveilleray pour elle, comme je doy. Vous ne voulez pas que je luy pourchasse ung mary. Mais s'il en vient ung qui soit homme de bien, je feray comme ung bon pere doit faire. (C.n.n., c.1456-1467, 295)

b)Pourchasser qqc. (à qqn). Chercher à causer qqc. à qqn, occasionner qqc. à qqn.

Ainsi sans cause pourchacié Ly ay ce meschief et bracié Qu'elle a eu. (Mir. marq. Gaudine, 1350, 168)

...Pour coy a le roïne pourcachent tel anuy (Hugues Capet Lab., c.1358, 174)

En l'eure de la m'en volai Et devers Pallas m'en alai Pour gargouillier et reveler De mot a mot, sans rien celer, Par cui le coffre estoit ouvert Et tout le secre[t] descouvert. J'en cuidai avoir tel salaire Qu'elle m'en deüst grant bien faire. Ne sai qui ce me pourchassa, Mais tout en l'eure m'enchassa Et me banni sans rappeller, Ne puis n'osai vers elle aler. (Mach., Voir, 1364, 696)

...qui vuet recevoir Le saint sacrement et avoir, Lui et son cuer doit ordonner, Et sa maniere, à pardonner Toutes rancunes, tous meffais, Qu'on li a pourchacié et fais. Li saint le faisoient jadis, Pour ce ont il gloire en paradis. (Mach., P. Alex., p.1369, 241)

Or vous ay dit et devisé Coment le roy fu avisé De sa mort, qu'on li pourchassoit Et comment souvent y pensoit. (Mach., P. Alex., p.1369, 254)

Las ! je cuidoie d'elle avoir Joie a mon retour d'oultre mer ; Mais grant courroux et dueil amer M'a, ce m'est avis, pourchacié. (Mir. emper. Romme, 1369, 275)

Verité est que un tyrant conseille aucunes fois se il pourchacera a ses subjecs pais ou guerre. (Oresme, E.A.C., c.1370, 191)

...et leur compta (...) comment Jossellins et ses filz avoient esté pendus, et qu'ilz avoient en pensé d'en faire, ou de lui vengier de Remondin qui lui avoit pourchacié cest ennuy, et a eulx fait si grant blasme et si grant hontage, ou de le laissier en ce party. (Arras, c.1392-1393, 68)

Ou ses gens se rebelleront, Ou par trahison le lairont, Ou pourchaceront quelque ennuy (Chr. Piz., M.F., II, 1400-1403, 88)

Il nous fault pourchasse [l. pourchasser] laidure A ce faulx truant enchanteur. (Pass. Semur D.M., c.1420 [1488], 161)

Item, a celle [mon ancienne maîtresse] que j'ay dit Qui si durement m'a chassé Que je suis de joye interdit Et de tout plaisir dechassé, Je lesse mon cueur enchassé, Palle, piteux, mort et transy. Elle m'a ce mal pourchassé, Mais Dieu luy en face mercy ! (Villon, Lais R.H., c.1456-1457, 15)

...entendez la deception mauvaise et horrible traïson que ces faulx ypocrites pourchasserent a ceulx et celles qui tant de biens de jour en jour leur faisoient. (C.n.n., c.1456-1467, 216)

Je ne sçay qu'il y a entre vous deux, mais si je savoye que vous y pourchassissiez rien a mon desavantage, Nostre Dame ! je vous punyroie bien. (C.n.n., c.1456-1467, 455)

Proverbe.

...fols est qui autrui pourchace Chose qu'il ne vuet qu'on li face. (Mach., J. R. Nav., 1349, 177)

S'efforcer de trouver qqc. au détriment de qqn.

Ha ! dit le curé, je suis perdu, mon fait est descouvert ; quelque ung nous a pourchassé ce passage. [Le mari a choisi le lieu de passage du curé, amant de sa femme, pour le piéger] (C.n.n., c.1456-1467, 354)

Pourchasser + inf. à qqn. Imputer à qqn de.

Et peut bien estre que, ou contempt desdites injures, et pour la hayne qu'ilz ont à elle, ilz lui ont pourchacé faire lesdites injures et contre elle proposée ledit fait, jà soit ce que elle en soit pure et innocente (Reg. crim. Chât., I, 1389-1392, 260)

[D'une chose] Procurer, occasionner qqc. à qqn.

Si devez bien estre soigneux De voloir avoir ceste place, Qui vous est le plus dommageux Et qui plus de mal vous prochasse. (Myst. siège Orléans H., c.1480-1500, 473)

c)Se pourchasser qqc. S'attirer qqc..

En l'eure en son lit l'ay laissie [vostre fille] . Moult grant honte s'est pourchassie Et a nous touz. (Mir. Theod., 1357, 105)

B. -Pourchasser qqn

1.Presser qqn, se rapprocher de qqn.

...et faisoit mettre les hommes d'un costé et les femmes de l'aultre et tendre une corde entre deux, pour ce qu'il disoit avoir veu entre eulx aucune fausseté, en faisant lesdictes prédicacions. Pour lesquelles faire il ne prenoit point d'argent, ne ne souffroit qu'on le pourchassast, ainsi qu'on suelt faire autres prescheurs. Mais il estoit assez content qu'on luy donnast aulcuns riches aournemens d'église, et qu'on revestit ses disciples et paiast ses despens. (Monstrelet, Chron. D.-A., t.4, c.1444-1453, 305-306)

2.Presser, provoquer qqn.

...il donna ou fist donner à entendre aux officiers de nostre très-cher et amé cousin le conte de Dunois, seigneur dudit Partenay, que ledit suppliant seullement avoit fait violence et force publicque audit lieu du Puys, congneu et fait congnoistre charnellement ladicte Girarde et fait à elle et à sadicte mère plusieurs violences, excès, delitz et mallefices, et pourchaça et fist pourchacer lesdiz officiers de Partenay tellement qu'ilz firent convenir et adjourner ledit suppliant (Doc. Poitou G., t.12, 1475, 19)

3.DROIT Poursuivre qqn (ou une communauté) en justice.

LE GREFFIER. Baillés arres, puis parpayé Sera a vostre bon loisir. LE JUIF. Tenez, mais ce m'est desplaisir D'avoir presté et [puis] despendre Pour le pourchasser [le chrétien] . (Mir. st Nic. juif, c.1480-1500, 122)

...nous vous prions et neantmoins mandons que vueillez donner confort et aide audict cardinal ou à ceulx qui de par lui pourchasseront ladicte abbaye (Lettres Ch. VIII, P., t.3, 1490, 123)

C. -Poursuivre (une proie).

...qui un esprivier prent, Ou cas qu'il le duit et aprent Au courtois et noble mestier Qui aus gentis cuers a mestier, Li apris et aprivesiez, Il en est plus auctorisiez Que s'il estoit adès chassans, Aus chans sa proie pourchassans. (Mach., D. Aler., a.1349, 273)