INDUIRE

verbe

[T-L : induire ; GDC : induire ; AND : enduire2 ; FEW (IV, 651b) : inducere ; TLF (X, 131b) : induire]

A. -Au propre. Conduire ou introduire qqn/qqc. qq. part.

1.Induire qqn qq. part. Conduire qqn qq. part.

Et, le vendredi ensuivant, XIXe jour dudit moys de juillet oudit an LXV, ung gentilhomme, nommé Laurens de Mory, seigneur dudit lieu de Mory, près de Mitry en France, qui avoit esté constitué prisonnier en la bastide Saint-Anthoine, pour occasion de ce qu'il avoit favorisé lesdiz Bourguignons et les avoit induiz et menez, en divers lieux, en plusieurs maisons assises en divers villages d'autour Paris, appartenans à aucuns bourgois dudit lieu de Paris, pour icelles maisons piller et prendre les biens desdiz bourgois de Paris (Roye, Chron. scand., I, 1460-1483, 70)

Comme il est escript en .XI^e. chappittre d'Ecclesiasticque : 'Ne vueillez pas tout homme induire ne mener en ta maison, c'est a dire en ton ceur, car moult de traÿsons sont au ceur du mauvais et pervers homme.' (Colart Mans., Dial. créat. R., 1482, 249)

Faire venir qqn, mander qqn qq. part.

...prestement fit convenir devant luy tout ce qu'avoit de gens nobles, prestres et clercs (...) ; et eux venus devant luy, commença à les arraisonner mesme et leur dit ainsy : 'Enfans qui estes icy induis, mes serviteurs en divers estats et offices...' (Chastell., Chron. K., t.4, c.1456-1471, 333)

2.[Idée d'introduire]

a)Induire des animaux, des choses. Introduire des animaux, des choses (dans une fable).

Affin qu'il demonstrast la vie et les coustumes des hommes, il induit les oyseaux, les arbres et les bestes parlans. (Macho, Esope R., c.1480, 77)

b)Induire une chose abstr.

Introduire (des citations, dans une argumentation).

...ont fait alegations De drois civilz et droiz canons, De Bible et de philosophie Et de dis de poetherie (...) En induisant pour leur partie Les dis des saiges par maistrie. (La Buigne, Rom. deduis B., 1359-1377, 505)

Faire entrer qqc. dans le coeur de qqn.

Du corps departir me convient, Mais le mien coeur vostre main [de Notre-Dame] tient Et en tout amour le conduit ; Par vous, dame, luy soit induit Ferme foy sans nul desespoir (Molinet, Faictz Dictz D., 1467-1506, 473)

3.Latinisme. Induire qqc. Revêtir qqc..

...ce cas prou duyre Luy pourra, au temps advenir ; Et les armes luy faire induyre, Pour bon chevalier devenir. (La Vigne, S.M., 1496, 162)

B. -Au figuré.

1.Induire qqn

a)[Idée d'incitation]

Mener, conduire qqn.

Moult de gens sont en fin decheüx a qui il samble qu'ilz soient induis du bon esperit (Internele consol. P., 1447, 112)

Séduire qqn, amener qqn où on veut par de belles paroles.

...lequel Jehan Tortier, qui estoit marié, de sa malvaise volenté, solicita, deceut et induit par pluseurs foiz ladicte Marguerite [une fille de 18 ans] tellement quil [l. qu'il] la congneust charnellement et l'engroissa (Titres Bourbon L., t.2, 1400, 106)

...et aussy avoit tellement induit ladicte damoiselle, qui estoit josne, comme dit est, que elle dit que le marché lui plaisoit bien. (Escouchy, Chron. B., t.2, a.1465, 309)

Inciter, entraîner qqn.

Que de Dieu soit elle maudite ! Et tout nostre oust elle desvoye, Par son iniquité induicte. Elle est enchanteuse produicte, Sorciere, et chacun le peut vois ; Que morir puist elle en soubite, Et tous les François qui la croyent ! (Myst. siège Orléans H., c.1480-1500, 446)

Induit de qqc. Poussé par qqc..

...et leurs aidans et confortans, adhérens, alliiez et complices, meuz et induiz de mauvaiz pourpos, inicque et dampnable, avoient entreprins et s'estoient enforchiez de expeller, destituer et destruire Nous de nostre estat et auctorité royal, et de tout leur pooir nous et nostre genre, que Dieu ne vueille, et oultre ce faire ung nouvel roy en France. (Monstrelet, Chron. D.-A., t.6, c.1444-1453, 110)

Mal induit. Enclin à faire le mal.

Et sur ce conseil nous arons D'aviser la façon et guise Pour chasser hors ceste menuyse D'Englichement ['Anglais' ; empr. à l'angl. Englishman, plur. Englishmen] tres mal induicte, Et que paix, union soit mise En la terre de Dieu eslicte. (Myst. siège Orléans H., c.1480-1500, 635)

Locution. Induire qqn à sa cordelle. Attirer qqn à soi, enrôler qqn.

Et si en pourroit venir ung grant inconvenient, car voz ennemis les induiront a leur cordelle, a leur party et a leur querelle, et y seront leurs enffans nourris, lesquielx se la guerre commence vous seront fors adversaires ou les peres vous ont esté loyaulx, et espoir une partie des peres, voyans que les avez habandonnés, vous habandonneront. (Juv. Urs., Loquar, 1440, 394)

Induire qqn contre qqn. Exciter, pousser qqn à se soulever contre qqn.

Et [le roi Appollon] trouva que l'en luy avoit dit verité et que Zethephius induisoit le poeuple contre luy meismement par tyrannie evidente et qu'il avoit en sa maison tousjours cent hommes de malvaise vie, qui faisoient tous les maulx que l'en sçauroit penser a ceulx qui ne se tournoient de leur bende. (LEFÈVRE (R.), Hist. Jason P., c.1460, 185)

Induire qqn à qqc. Entraîner, mener qqn vers qqc., inciter qqn à qqc..

Quiconques donc vouldroient, par aucune manière, attraire et induire les seigneurs de France à cestuy regime tyrannique, certes ils exposeroient le royaume en grant descriement et honte (Oresme, Monnoies W., c.1365, LXXXIV)

...en oultre, que on envoye au bon plaisir du Roy par devers le conte de Vertus pour induire les gens du Conseil de monseigneur le Dauphin à bonne paix et union (Fauq., I, 1417-1420, 249)

Et quant à ses serviteurs, le roy eust bien désiré au temps passé, et encores désireroit, que mondit seigneur se servist de gens de bien et de notables personnes, qui toujours le conseillassent et induissent à toutes choses qui fussent pour son bien et son honneur (Chart. J., Chron. Ch. VII, V., t.3, c.1437-1464, 62)

N'avez vous pas oy et veu Comment le peuple veult seduire Et a sa faulse loy induire, Et comment du temple a chassiet Les marchans et apres preschiet ? (Marcadé, Myst. Pass. Arras R., a.1440, 128)

Eve, mere de tous vivans, Vous parlez par ung bon moyen, Car nous avons eu deux enfans Qu'i nous fault induyre a tout bien. (Myst. Pass. Troyes B., a.1482, 90)

Tu les maines de ville en ville, Mal vestus d'une robbe ville, Et vont truandent de huys en huys Par oiseuse a quoy les induiz. (Myst. Pass. Troyes B., a.1482, 727)

Je te prouve par raysons vives Que ce est chouse tres injuste Une chouse qui est en terre Dividir en nulle magniere Si non qu'on le vueillie destruyre Et a cecy te vuyl induyre Par bon exemple ainsi comme Tu prendras yci ceste pomme (Oudin, St Genis M.S., c.1490, 80)

...et predist à Hieroboam qu'il resneroit sur Israël, tant qu'il seroit bon, mais il fut par traict de temps très mauvais et induisit le peuple à ydollatrie et resembla son pere, de beau commancement et malle fin (Simon De Phares, Astrol., c.1494-1498, f° 34 v°)

Induire un animal à qqc. Pousser, contraindre un animal à qqc..

...tout homme doit fouir oiseuse et soy exerciter en bonnes oeuvres, afin qu'il ne soit pareil aux bestes, qui ne sont utiles qu'à elles seulement se à autres choses ne sont contraintes et induites. (Monstrelet, Chron. D.-A., t.1, c.1425-1440, 1-2)

Induire qqn à/de + inf. Amener, inciter, engager, pousser qqn à.

...pendant lequel temps ilz se acointerent des dessus nommez Jehan de La Noe et Phelipot Ligier, lesquelx les induirent à embler avecques eulx, et firent serement l'un à l'autre de embler ce qu'ilz pourroient (Reg. crim. Chât., I, 1389-1392, 510)

...et lui dist que des choses dessus dites elle lui deist verité, et qui ad ce dire l'avoit induite et conseillée, en lui disant que se elle ne lui disoit, que par force il le lui feroit dire. (Reg. crim. Chât., II, 1389-1392, 125)

Au jour d'ui, la Court a defendu à maistre Pierre de Perach (...) que en nulle maniere il ne conseille, ne ayde, ne conforte messire Raymon de Turenne (...) maiz le induise et enhorte de son povoir à obeir au Roy et à sa Court (Baye, I, 1400-1410, 149)

Si induiront premierement le dit prince à estre bon vers Dieu et garder ses commandemens (Chr. Piz., Paix W., 1412-1413, 75)

...Garsia Arnault qui est jeune enfans et povre pasteur de l'aage de vingt deux ans (...) fut induit et reduit a ce faire par lesdits de Roz et Bardolet qui sont larrons de mauvaise vie (Berger Fr. K.-G., 1455, 174)

...ne pardonnoit elle point voluntiers sans savoir les raisons qui avoient meu et induict son mary a non fourbir son harnois (C.n.n., c.1456-1467, 516)

...il avoit despendu tous ses jours et ans (...) sans jamais avoir eu ung seul moment ou minute de temps ouquel sa nature luy eust donné inclinacion pour penser ou induire a soy marier (C.n.n., c.1456-1467, 554)

[Messire Jehan de Croy, ambassadeur du duc de Bourgogne, au roi de France :] ...il [monsieur de Bourgoingne] est adverty que vous estes induit et pressé par ses haineux de prendre et querir alliances et confederations alencontre de luy (Chastell., Chron. IV, D., c.1461-1472, 182)

...vous avez dit que mondit seigneur de Bourgoigne est adverty que le Roy est induict et pressé par ses heyneux de prendre et querir aliances et confederacions à l'encontre de lui, et en les particularisant, parlez des aliances de Dannemarche, Liège, Berne, du Roy Lancelot, de l'empereur et des princes et electeurs de l'Empire, et autres seigneurs d'Alemaigne (Escouchy, Chron. B., t.2, a.1465, 402)

Le duc de Touraine, daulphin de Vienne, fut induis par Tanegy du Chastel (...) de faire guerre au duc de Bourgoingne (Lefèvre St-rémy, Chron. M., t.1, c.1462-1468, 334)

...vous avez dit que mondit seigneur de Bourgoigne est adverty que le Roy est induict et pressé par ses heyneux de prendre et querir aliances et confederacions à l'encontre de lui, et en les particularisant, parlez des aliances de Dannemarche, Liège, Berne, du Roy Lancelot, de l'empereur et des princes et electeurs de l'Empire, et autres seigneurs d'Alemaigne (Escouchy, Chron. B., t.2, a.1465, 402)

...par laquelle appert des conspirations et machinations par luy faittes pour induire, seduire, inciter et commovoir plusieurs des princes et seigneurs de ce royaume et autres d'eulx eslever, faire traictez et bailler leurs scellés au duc de Bourgoigne et autres ennemis de ce royaume, à l'encontre du roy. (Le Clerc, Interp. Roye, c.1502, 351)

[D'une chose]

...amours emouvoit son courage tellement que chaleur naturelle souvent l'induisoit a briser sa continence. (C.n.n., c.1456-1467, 567)

Pour lesquelles choses, Sire, il semble que l'intencion qui induit le aucteur de ceste malice à vouloir maintenant eslongner et chasser de vostre royaume, et par consequent d'entour vous, ceste tant noble science de astrologie, ou au moins la brider (Simon De Phares, Astrol., c.1494-1498, f° 5 r°)

Emploi absolu.

Et pour ceste cause, si comme disoit Platon, il convient que celuy qui doit venir a vertu soit tantost au commencement et en sa jonesce induit et demené en telle maniere comme a ce appartient. (Oresme, E.A., c.1370, 152)

Induire qqn que + sub. au subj.

Et par ce vouloit Homerus admonester, induire les roys de Grece que il ne ordenassent pas de la chose publique senz le consentement et eleccion du pueple. (Oresme, E.A.C., c.1370, 193)

Emploi pronominal. S'induire de + inf. Se déterminer à.

Doncques, pour a Dieu t'introduyre Et estre crestïen parfait, Il te fault desormais induyre De croire que Dieu a tout fait. (La Vigne, S.M., 1496, 150)

b)[Idée d'instruction]

Instruire qqn.

...induittes sont de faulx lengaiges De ceulx qui en sçayvent l'usaige ; Entendrë à leurs marys font Que la messë ouyes ont Et en bonne devocion (Garin, Compl., 1460, 110)

Et, pour nous induire par exemple, il demande qui qui est l'omme si fol qui quiere une fontaine en lieu tourble et fangeux, ou qui est celluy qui vouldroit boire en eaue tourble, plaine d'ordure et de puanteur. (Fillastre, Traité Conseil H., c.1472-1473, 151)

Donner ses instructions à qqn.

Aprés veistes Judas induire Ses satelites et conduire Pour venir prendre a la rigueur Jhesus, nostre benoist sauveur (Gréban, Pass. J., c.1450, 268)

[En mauvaise part] Endoctriner qqn.

...pour ce qu'il avoit oy nouvelles que les Bohémiens, induis et enseignez par ung clerc de leur pays qui estoit hérétique, s'estoient dréciez et confusément estoient entechez du venin de hérésie, non point seulement contre nostre foy catholique, mais avecques ce contre les roys d'Alemaigne, de Hongrye et de Boesme (Monstrelet, Chron. D.-A., t.4, c.1425-1440, 23)

2.[L'objet est suscité par l'action] Induire qqc.

Susciter qqc..

Gardez que vous soiez honnestement vestue sans induire nouvelles devises et sans trop ou peu de beuban. (Ménagier Paris B.F., c.1392-1394, 9)

..et a tout ce que vous trouverez avoir esté et estre fait contre le bien et entretiennement de ladicte université, pourvoir, en faisant et indisant sur ce, de par nous, statuz et ordonnances (Reg. Poitiers F., t.2, 1452, 350)

En particulier.

Provoquer (un phénomène physiologique).

Medicine restreinctive de sang est celle qui constreinct le membre et retient le sang qui court et fait ce, ou pource que elle est froyde, en reprimant l'acuité du sang, ou pource qu'elle joinct et assemble les oriffices des voynes, ou pource qu'elle glutine ou estoupe les porrosités des membres, ou pource qu'elle brusle et induist escarre au membre. (Panis, Guidon, 1478, tr.VII, doct.1, chap.6)

...ses vaysseaux spermatiques par talle extension de la verge induite par la frication dessusdite il evoment mieulx le sperme (Prevost, Cir. Guill. Salicet, 1492, IV, 4)

Provoquer (une guerre).

Encores raconte cellui Vallere de la clemence et debonnaireté de Pompee envers le roy d'Armenie, lequel avoit induit et esmeut grandes guerres a l'encontre du peuple rommain (Colart Mans., Dial. créat. R., 1482, 183)

Induire qqc. sur qqn. Susciter qqc. contre qqn.

Et ainsi il [le diable sous forme de serpent] decut Eve, notre premiere mere, par quoy il induist une mort trescruele sur tout l'humain lignage. (Miélot, Spec. hum. salv. L.P., 1448, 122)

Induire qqc. à + inf. Destiner qqc. à.

...et advient souvent que ilz cuident bien faire, et toutesvoye injustice ce fait, et sont les innocens condempnez a mourir, lesquelz n'auront pas conmis les cas qu'ilz confesseront par force de jehayne ou de parolles doulces, et induites a les confesser. (Juv. Urs., Aud. illos, 1432, 35)