HONNIR

verbe

[T-L : honir ; GDC : honir ; DEAF, H 552) : honir ; AND : hunir1 ; DECT : honir ; FEW (XVI, 183b) : *haunjan ; TLF (IX, 903b) : honnir]

A. -[La valeur négative tient à l'obj.] Désigner qqn ou qqc. comme méprisable, condamnable, blâmable, blâmer qqn ou qqc..

1.Honnir qqn

Si que s'einsi me departoie, à tous jours mais honnis seroie ; Et si me seroit reprouvé Toudis, com recreant prouvé, Se ne faisoie mon pooir D'avoir la ville et mon devoir. (Mach., P. Alex., p.1369, 83)

Certes La chose ne puet demourer Einsi pour moy deshonnourer, Qu'à tous jours mais honnis seroie Et blasmez, s'einsi la laissoie. Car ce m'ocist et tant me grieve, Qu'a po n'a que li cuers ne me crieve, Que li autre font leur honnour, Et je demeure à deshonnour. (Mach., P. Alex., p.1369, 233)

Honni soit + subst.

Honniz soit il qui vous croira De cest affaire. (Mir. abbeesse, 1340, 78)

Or vous volés mettre au chemin ! Honnis soiz je, se o vous chemin ! (Mach., Voir, 1364, 612)

Or est trop tart, n'i voy nul recovrier ; Honni soit il et trestout son lignage Qui femme croit se ce n'est sur bon gage. (Mach., App., 1377, 641)

Avant, seigneurs bacheliers, veez la Gieffroy qui se combat tous seulz a la gent Mahommet. Qui ore ne lui aidera, honny soit il de Dieu ! Et ceulx lui respondent : Mal ont Sarrasins acointié sa venue. Lors brochent les chevaulx tous ensemble et viennent a la bataille. (Arras, c.1392-1393, 232)

Honny soit-il qui de lui tendra compte ! (Bueil, I, 1461-1466, 56)

Participe passé. Blâmable.

Puis qu'Amours ad ce nous a mis Que nos deus cuers ensamble joindre Vuet sans partir et sans desjoindre, Et que faire vuet un de deus, Pour Dieu, ne faisons paire d'euls ['ne faisons de nos coeurs une paire (d'objets distincts)'] . Car il sont perdu et honni, Se si pareil et si onni Ne sont qu'en bien et mal commun Soient, et en tous cas comme un, Sans pensée avoir de maistrie, De haussage ou de signourie. (Mach., R. Fort., c.1341, 148)

2.Honnir qqc. Condamner, rejeter qqc..

Pas ne vouldroie mectre debat De faire les serimonies Qui sont a nostre loy onnies (Myst. Pass. Troyes B., a.1482, 392)

B. -[La valeur négative tient à l'action du suj.] Souiller, corrompre qqn ou qqc..

1.[Domaine concr.]

a)Souiller, éclabousser, maculer.

Li sans qui de li yst a le kieutte honnie (Flor. Rome W., c.1330-1400, 247)

Car la dicte Tullie, faite desvee par lez furiez ou forceneriez d'Enfer venjans la mort de son premier mari et de sa seur avant par lé occis, fist passer son char a travers et par dessus le corps son pere, si que en son char en saillant du sanc de lui, elle, honie et tachee ou enchoutie d'iceli meisme sanc, porta a son hostel partie de la occision et du sanc d'icelui. (Bers., I, 1, c.1354-1359, 48.8, 82)

Celle couleur [violet] est mauvaise es corps des gens et des bestes, car elle est signe de trop grant froidure qui estaint la chaleur naturelle et commence a mortifier nature ; ou elle signifie trop grant habondance de sanc melencolieux qui honnist la couleur de la pel (Corbechon, Couleurs S., 1372, 380)

Cil [l'un des visages de Fortune] derriere lait et honni, Noir, tenebreux, orrible, obscur, A veoir de mauvais augur (Chr. Piz., M.F., I, 1400-1403, 75)

Trenchant le pain, sang en issoit, Qui gens et tables honnissoit (Chr. Piz., M.F., IV, 1400-1403, 5)

Ha, mon enfant, Quel restaurant - me font voz joes affeblies ! Elles sont toutes reffroidies, Fort onnyes, Car remplies - on les a d'onteuse liqueur. (Pass. Auv., 1477, 255)

b)Corrompre, gâter.

Je me plein de celui qui en celier converse : Il me honnist mon vin de l'iaue qu'il y verse. Mout fu l'uevre de Dieu à la sienne diverse ; Car il fist d'yaue vin, et il fait la renverse. C'est uns truans convers qui aimme une converse, Orde, vieille et puante, orgueilleuse et perverse. (Mach., Compl., 1340-1377, 266)

2.[Domaine moral]

a)Déshonorer, humilier, salir qqn.

Se pour ce que j'ay povre espoir De ma douce dame vëoir Et qu'Amours m'a en nonchaloir, Qu'il me fera ? M'ocira il ? Il ne porra, Car ma loiauté m'aidera. Qu'ai je dit ? Einsois me sera Contraire, espoir. Car puisqu'Amours me grevera Et Fortune qui honni m'a, Ma grant loiauté m'ocira, Si com j'espoir. (Mach., R. Fort., c.1341, 52)

Les mals de monde sont les pecchez qe entre nous fesons en ceo monde et honysons le monde de nostre malveisté, car tiele come nous sumes, tiele est le monde. (Henri Lanc., Seyntz medicines A., 1354, 222)

C'est la fille au roy Qu'avez honnie, faulx hermites (Mir. st J. Paulu, c.1372, 134)

[D'une chose]

Oilz, comme elle [Didon] se chevit : Quant failli li ot dou couvent Qu'eü li avoit en couvent, Einsi com pluseurs amans font Qui l'amant loial contrefont, La desesperée, la fole, Qu'amours honnist, qu'amours afole, L'espée d'Eneas trouva Et en son corps si l'esprouva Qu'onques ne se pot espargnier Qu'en soy ne la feïst baingnier. (Mach., J. R. Nav., 1349, 209)

Mauvais pechié (...) faulx malice, Sacrilege (...) simonie, Dont toute la terre est honnie (Chr. Piz., M.F., II, 1400-1403, 6)

De biens mondains estes munye Quant au corps, et vostre povre ame N'a merite, mais est honnie De peché, qui vous est grant blasme. (Myst. Pass. Troyes B., a.1482, 396)

b)Emploi pronominal réfléchi. Se déshonorer soi-même, se couvrir de honte.

...les piez a de terre glise Gliant et mole. Et quant sus pierre ne sus mole N'est fondée, fors seur frivole, Cils se honnist bien et affole Qui tant la prise Qu'il retient riens de son escole ; Qu'adès ses escoliers rigole Et partout leur meschief flajole Et les desprise. (Mach., R. Fort., c.1341, 40)

Et se tu vues outre passer, Je te feray tout repasser. Aïde toy ; je t'aideray. Honnis toy ; je te honniray. Fais dès or mais ce qui te plait. Je ne t'en quier plus faire plait. (Mach., D. Aler., a.1349, 390)

Après, amis, se tu vues vivre Sainnement, mesure ton vivre, Car s'a mesure ne vivoies, Vraiement, tu te honniroies. S'on t'aporte bonne viande Et ton appetit te commande Que tu en preingnes largement, Ne fai pas son commandement, Car cils se honnist et deffait Qui trop menjue et riens ne fait. (Mach., C. ami, 1357, 60)

Et se tu ta richesse sers, C'est trop honteuse servitute. Et saches, biaus amis, que tu te Honnis et mes a deshonneur. Fi de richesse sans honneur ! Mais honneur est bien sans richesse, Et certes, c'est plus grant noblesse D'avoir honneur et povres estre, Que sans honneur estre grant mestre (Mach., C. ami, 1357, 103)

Pren conseil a ceuls qui feront Tout ce qu'il te conseilleront, Car la chevense avec la vie Y va ; pour ce ne doubte mie, Qu'il ne te mesconsilleroient Pour rien, car il s'en honniroient. (Mach., C. ami, 1357, 110)

Et chascuns clerement voit Qu'amis n'est pas qui son ami deçoit ; Dont se honnist amans qui tant s'assert Qu'Amours le fuit et le nom d'amy pert. (Mach., L. dames, 1377, 196)

c)Participe passé en emploi adjectival. Déshonoré (de son propre fait ou du fait d'autrui).

Amis, tu gardes trop ton ire. Tu as esté trop mal meüs Et dou gerfaut fus deceüs, Et ne fu mie par ton fait, Eins a esté par son meffait, Dont il est souilliez et honnis Et de souilleüre punis. Or pren ci un bel reconfort Par un point samblable aussi fort, Que cils son tans ne gaste mie Qui par autrui fait se chastie. (Mach., D. Aler., a.1349, 388)

Vas sans arrest a mon ami Et si li di que mal pour mi, Se mon anel ne me renvoie. Et ne demeure pas seur voie, Car mon signeur le vuet avoir, Sans nul essoinne recevoir. Di li bien qu'il n'en faille mie ; Car s'il en faut, je sui honnie Et en peril de perdre honneur Et la grace de mon signeur. (Mach., J. R. Nav., 1349, 236)

Par foy, sire, onques si grant honte ne vous advint comme cil glouton vous ont fait, si estes honniz et deshonnorez s'en telle maniere vous eschappent (Bérinus, I, c.1350-1370, 374)

Tout ce pues vëoir clerement Par vray et juste experiment, Car maint en sont mat et perdu, Honni, destruit et esperdu D'estat, d'onneur et de chevense, Et maint de ceste pestilence Sont mort, dont leur hoir tel seront Que jamais ne reverdiront, Dont c'est grans dues et grans damages. (Mach., C. ami, 1357, 101)

Item, aucunes choses sont desquelles, se un homme est desnué et que il ne les a pas, sa felicité en est aussi comme honnie ou avillee, ainsi comme il seroit de noblesce de bonne ligniee et de biauté. (Oresme, E.A., c.1370, 128)

Emploi substantival.

Après ce, vint une merdaille Fausse, traïtre et renoïe : Ce fu Judée la honnie, La mauvaise, la desloyal, Qui bien het et aimme tout mal (Mach., J. R. Nav., 1349, 144)

3.Par extension.

a)Mettre qqn à mal, accabler, détruire qqn (physiquement ou moralement).

Car li meins bel et li meins riche, Li povre d'amis et li nice, Cil qui ont volenté legiere Et cil qui ont po de maniere, Dou tout en tout honni seroient, Se de moy oublié estoient (Mach., D. verg., a.1340, 27)

Especiaument dou lion Qui estoit en subjection Tele qu'onques mais beste mue Ne fu si subjette veüe, Des bestes qui si fort le heent Que toutes a li honnir beent, Et de la nacelle legiere Qui tant fu belle, bonne et chiere Qu'on ne la pooit esprisier, Tant la sceüst on bien prisier. (Mach., D. Lyon, 1342, 184)

Lors demandé encor pourquoy Devant les gens et a requoy Li lions si grant dueil faisoit, Et commant si tost s'apaisoit, Et que les bestes li demendent Qui toutes a li honnir tendent. Et la dame me respondi, Dont liés fu, quant je l'entendi, Que de ce me voloit respondre Et ma demende bien despondre. (Mach., D. Lyon, 1342, 224)

Biauté t'a pris et deceü Et concupiscence esmeü Et ton cuer ont si retourné Qu'a tous maus faire t'ont tourné, Quant a tort Susanne jugas. Mais saches que plus droit juge as. Einsi avez vous fait des filles D'Israhel, par voies soutilles, Que par cremeur et par manasses Les honnissiés. Helas ! les lasses Se metoient a vos cordelles Par cremeur, non par l'acort d'elles. (Mach., C. ami, 1357, 14)

Par amours amoit Galathee, Qui le haoit plus que riens nee Pour sa façon ville et horrible Qui estoit hideuse et terrible, Et pour son doulz amis Accis Que li mauvais avoit occis En traÿson et par boidie, Par fureur et par jalousie, Car une roche li rua Si qu'il le destruit et tua. Aussi eüst il Galatee, S'il peüst, honnie et tuee ; Mais Galatee s'en feuy En un crot, dont bien li cheÿ. (Mach., Voir, 1364, 622)

En ce monde n'a gent si fausse, Si traïtre, ne qui tant fausse Comme la gent de ce païs. Si doubt que ne soie traïs, Car vraiement si fort me heent Qu'à moy destruire et honnir beent. (Mach., P. Alex., p.1369, 264)

Congié preïrent tous ensamble Et s'en alerent, ce me samble, En l'ostel dou prince ; et briefment, Là feïrent un parlement Pour le roy honnir et destruire En disant : 'Il convient qu'il muire.' Et vesci ce qu'il ordenerent Et comment sa mort deviserent. (Mach., P. Alex., p.1369, 266)

Douce dame, soiés toute seüre Que mes cuers vuet tout ce que vous volés. Comment qu'il soit de douleur et d'ardure Pleins et espris, chargiés et embrasés, D'un seul regart bien honnir le poués ; Mais ja pour mal ne pour peinne souffrir Ne le verrés nulle fois repentir. (Mach., L. dames, 1377, 54)

Mais moult tost fu cel ost honnie Et desconfite et traicte a chief (Chr. Piz., M.F., II, 1400-1403, 204)

Estre honni. Être mis à mal.

Et s'il avient que vous ne m'amez mie, Ou que veuilliez estre a un autre amie, Ou que soiez a mon cuer anemie, Je sui honnis. En vous en est et a vostre devis. (Mach., F. am., c.1361, 155)

Se vostre dame au maintieng coi A de vous vir affection, Onques ne fu s'intention Que vous vous mettés en peris Ou pluiseurs ont esté peris. Li ennemis de toutes pars Sont parmi le pays espars, Qui font grans et petis onnis. Cui il tiennent, il est honnis. (Mach., Voir, 1364, 612)

Et cils qui dit chose qui plaise Est honnourez et bien venus, Sages, bons et loyaus tenus ; Et cils qui dit ce qui desplait Bastist pour lui si mauvais plait, Ja soit ce que verité die, Qu'en grant peril est de sa vie. Par cestui le poez savoir, Qui fu honnis pour dire voir. (Mach., P. Alex., p.1369, 253)

LA FILLE [qui se plaint de n'avoir pas d'ami] Soulas est de moy fort bany, Mon corps qui est frais et plany, Et quant vieillesse orde et chagrigne Aura tout prins en sa saisine, N'en tiendra l'en compte nenny. Mieulx me vault faire tout honni ['considérer que je suis accablée'] Et prendre en moy desesperance... (P. moyne, a.1500, 45)

Violer (une femme).

Et comme son mari li demandast se toutes leur choses estoient sauves et bien a point. 'Nenil, dist elle, pas ! Quel chose, dist elle, peust estre a feme quant elle a perdu sa chasteté ? Ha, Collatin, dist elle, en ton lict son les entretez d'un homme estrangé. Mon corps a esté violé et honi, mes courages en est innocens, la mort en serra tesmoing !...' (Bers., I, 1, c.1354-1359, 58.7, 97)

[D'une chose]

Maintes fois laist aler la foudre Qui tout destruit et met en poudre, Ou la mort, ou le vent qui vente, Qui tout honnist et tout cravente, Ou Fortune qui rit et pleure Et tume les siens en po d'eure (Mach., C. ami, 1357, 68)

Et nompourquant je l'aim si sagement C'on ne porroit plus sagement amer, Ce m'est avis ; car se son corps le gent à mon voloir pooie remirer Et vis à vis mes dolours demoustrer Ou dire à li par autrui mon voloir, Ce me porroit honnir et decevoir, Et mettre ad ce qu'avent mes jours morroie Ou que veoir jamais ne l'oseroie. (Mach., L. dames, 1377, 34)

Douce, plaisant, simple et sage, Que j'aym assez mieus que moy, J'ay mis en vo dous servage Cuer et corps ; mais, par ma foy, Ce me honnist et partue Que n'ay fors que la veüe De vous qu'ay seur toutes chier. (Mach., L. dames, 1377, 190)

L'Amant. Puis que de grace un tout seul mot De voustre rigoreux cuer n'ist, J'appelle devant Dieu qui m'ot De la durté qui me honnist (Chart., B. Dame, 1424, 358)

Tromper (qqn / son coeur).

Amis, vous savez (...) Qu'Envie si ne puet morir Et que partout vuet signourir, Si qu'en tout le monde n'a regne Qu'elle n'i soit, qu'elle n'i regne, Et qu'elle n'i face la dame ; Si que maint cuer d'omme et de fame En sont honni et deceü Et de leur honneur descreü ; Car Envie si n'est pas seule, Eins vomist souvent par sa gueule Contrueves, baras, jengleries, Meffais, traïsons, tricheries (Mach., D. Lyon, 1342, 224)

b)Saccager qqc..

Bien croy que le grant desir Que tu as de revenir A fait bersaut De ton cuer et qu'il l'assaut Par grant aïr, Et qu'il trait pour li honnir, Dont il tressaut, Garros de froit et de chaut Par souvenir. (Mach., Les lays, 1377, 360)

La grant terre d'Ardanne ont fustee et honnie Et de pluseurs hemmiaux ont la proye ravie Et amenee au bois en une menandie (Renaut Mont. B.N. V., c.1350-1400, 212)

Participe passé en emploi adjectival. En mauvais état.

Mauvestuz est et descirez Et honniz et mal atirez (Mir. parr., 1356, 48)