ENTACHER

verbe

[T-L : entachier, entechier ; GD : entechier ; GDC : entachier ; DECT : entechier ; FEW (XVII, 295b, 296a) : taikns ; TLF (VII, 1194b) : entacher]

Emploi transitif.

A. -Au propre.

1.Entacher qqc. Couvrir qqc. de taches.

Aultres orent aultre pensée Et dirent ce fu advenu Dès que Adam fu deceü, Que la Lune fu entachie Et sa clarté amenuisie. (Renart contref. R.L., t.2, 1328-1342, 130)

2.Entacher qqn/qqc. Infecter qqn ou qqc..

a)[Dans un contexte métaph.]

...et aussi [la sainte Chevalerie] se garde diligaument des femmes des mescreans et des scismatiques, comme de venin toute la Chevalerie entachant, en administrant discipline de chevalerie et justice publique, sans acception de personnes, gardant aussi a la lettre la sainte regle de Dieu inspiree (Mézières, Sustance H., 1396, 93)

...pour ce qu'il avoit oy nouvelles que les Bohémiens, induis et enseignez par ung clerc de leur pays qui estoit hérétique, s'estoient dréciez et confusément estoient entechez du venin de hérésie, non point seulement contre nostre foy catholique, mais avecques ce contre les roys d'Alemaigne, de Hongrye et de Boesme (Monstrelet, Chron. D.-A., t.4, c.1425-1440, 23)

b)[D'une pers./ d'une partie du corps] Estre entaché de qqc. Être atteint, affecté, touché, infecté par (une maladie, un phénomène physiologique).

Et par teles merancolies Me vinrent les grans maladies, Les doleurs et les grans meschiés De quoy j'ay esté entechiés. (Mach., Voir, 1364, 106)

Pour Dieu mercy, ne m'aprouchiez : De pueur sui touz entechiez Envenimée. (Mir. emper. Romme, 1369, 297)

Item, quelconque a en son corps vice notable ou en quantité ou en couleur ou en figure ou deffaut de eage ou d'aucun membre ou qui est imparfect ou impotent ou qui est entechié d'aucune laide maladie, si comme celui qui est epilentique ou mesel ou lunatique (Oresme, Pol. Arist. M., c.1372-1374, 306)

Mais dites moy pour quel pechié Je sui de mal si entechié (Mir. Rob. Dyable, c.1375, 27)

Ceulx qui estoient entechiez de la morille, quoyqu'ilz terminassent et quesissent nouvel air et nouvelles medicines, ne peurent fuir ne eschapper qu'ilz ne morurent. (Froiss., Chron. M., XIV, c.1375-1400, 111)

...maistres Jehan de Troyes et Gilet Desoubzlefour, cirurgiens jurez, ont trouvé que ledit prisonnier estoit très foible et entachié d'une espiece de melencolie (Baye, I, 1400-1410, 294)

Adoncques s'en retourna ledit noble roy Loys vers les parties de France entechié d'icelle pestillence dont il mourut a Montpensier. (Droiz Cour. Fr. H., 1460, 176)

...si tost que [le seigneur d'Aussy] arriva a Bruselles, s'allita tout quoy et se trouva en grant peril de mort aveuquez pluseurs aultres qui tous furent entechiéz de maladie prise oudit pays de Zeellande. (Chastell., Chron. IV, D., c.1461-1472, 140)

[D'un animal/d'une partie du corps]

Li signe de la maladie de la langue sont tel : la langue est escorchié [l. escorchie] et entechié [l. entechie] de glentimeus fleume et nercissent les voinez dessus la langue. (Chir. chevaux P., c.1325-1350, 384)

[D'une chose] Être infecté de qqc. (ici de poison).

Et fu l'escarmouche moult fiere et moult perilleuse, et se tenoit le roy de Chippre a moult grant paine a cheval, car sachiez qu'il estoit bleciez de coup mortel, et ne feust que pour le venin dont le dart estoit entechié, et en pou de temps y paru, car il print mort de cellui coup. (Arras, c.1392-1393, 106)

B. -Au figuré.

1.[Avec une valeur nég.]

a)Entacher qqn/qqc. de qqc. Salir, souiller qqn/qqc. de (la tache du péché, du mal, d'un vice...).

Toutes [choses] Adam soubz lui mectoit, Et chascune honneur lui portoit ; Toutes estoient de pourfit, Avant que le pechié feïst ; Trestout estoit bon communal, Riens ne lui pouoit faire mal. Et aussi tost comme il pecha, Chascune de mal entecha, Ne fut riens qui demoura sains (Renart contref. R.L., t.1, 1328-1342, 73)

Car, dame, tu es m'esperance Et en toy seule est ma fiance Que j'aie pardon du pechié Don Sathan m'a si entechié Et mon ame si enlaidie. (Mir. Theod., 1357, 102)

Estre entaché de qqc.

Être sali, souillé de (la tache du péché, du mal, d'un vice...).

Chiere dame, et vous savez bien Que qui rent le mal pour le bien, Que c'est uns horribles pechiez Pour ceaus qui en sont entechiez. (Mach., D. Lyon, 1342, 193)

...pur ceo ne me doie jeo, ne me voille, excuser de temps de mayntesnant, mes bien conoistre qe jeo suit mult vileynement ore entecché de ceo meismes pecché (Henri Lanc., Seyntz medicines A., 1354, 16)

Et pour ce que plus entechiés Sui de vices et de pechiés Qu'il n'a dedens la mer d'areinne, Ma grant iniquité me mainne, Qui monteplie sans sejour, Ad ce que de nuit et de jour Sui loiez et enchaainnez... (Mach., C. ami, 1357, 54)

Tribulations, Mortalitez, occisions, Compaingnes regnent, et pechiez ; Dont li mondes est entechiés, Si que bon ne me samble mie Que le passage vous ottrie Quant à present, car ce seroit Très grans peris que li feroit. (Mach., P. Alex., p.1369, 220)

Or pleust a Dieu que le Saint Esperit huchast et hurtast a la porte des cuers de toutes les personnes qui sont enthechees de telz vices, afin que s'en abstenissent et confessassent ! (Gers., Pent., p.1389, 77)

Je supply et enhorte que chascune personne crestienne, tant soit entachee de ors pechiez et abhominables, elle s'en confesse (Gers., Concept., 1401, 428)

Cy me fault garder de la mort D'anfert pour ce que me remort Ma conscïence du peschier Dont je suis forment entaichier. (Pass. Semur D.M., c.1420 [1488], 185)

En punissant, comme droit juge, Les maulx des gens et les péchiez Dont fort estoient entechiez. (La Haye, P. peste, 1426, 61)

Et la feste soit bien gardee Entre personnes crestïennes D'euvres serves et terrïennes, Especïaument de pechié. Et s'aucun en est entechié, Sy s'en purge legierement Pour la garder plus saintement. (Mart. st Pierre st Paul R., c.1430-1440, 160)

...car les seigneurs trop gouvernez et trop subgiz a leurs vicieulx mignos, Dieu vuelt qu'il leur en prengne ainssy, especialment de telz vices entechiez. (La Sale, Salade, c.1442-1444, 194)

Le glouton, de mal entaichié, M'embrassoit... J'en suis bien plus grasse ! Que m'en rest'il ? Honte et pechié. (Villon, Test. M., 1461-1462, 54)

Ces parolles dittes par le Cappitaine, et après qu'il vit que tous estoient desirans d'entendre et escoutter ce qu'il voulloit dire, et par especial le Jouvencel, il commença à parler d'orgueil, en remonstrant comment orgueil est commencement de tirannye et est la rachine des autres pechiés, et qui plus nuyst et fait dommaiges à pluseurs gens et mesmement à gens de guerre, quant ilz en sont entechez. (Bueil, I, 1461-1466, 119)

Être accablé par qqc..

Si qu'il n'est doleurs ne meschiez Dont cuers d'amans soit entechiez, Qui soit de si triste marrien Com celle qui n'espargna rien Que Hero ne meïst a mort Pour son ami qu'elle vit mort, Ne nuls n'en porroit par raison Faire juste comparison, Ne que de fiel encontre baume. (Mach., J. R. Nav., 1349, 250)

b)En particulier. [Idée de culpabilité]

Entaché de qqc. Coupable de qqc..

CAŸPHAS. Jhesu, dy, es tu entchiez De ce que os icy conpter, Que nostre loy veulz seurmonter ? Respon ; il fault que je le sache. (Myst. Pass. N.S. R., c.1350-1370, 152)

Or ai mon coer de ce moult entechié, Dont, se g' i ai aucunement pechié, Certes, ce n'est ne pour mal ne pour visce Qui soit en moi par recreant servisce. Ce n'est que par faulte de hardement Et par amours, dont sui si ardamment Espris de vous mon coer en tout donner (Froiss., Orl., 1368, 104)

Estre entaché de + inf. Être accusé de.

Honte avoir doy bien et vergongne Des grans mesfaiz et des meschiez Que je sui de faire entechiez. (Mir. Rob. Dyable, c.1375, 26)

Estre entaché que. Être accusé de.

...primes, est sceu en plusieurs pars Qu'il [Jésus] a commis plusieurs trespas Contre la loy pour la casser, Comme du sabbat transgresser Et y faire euvre, com je treuve, Que la loy deffend et repreuve. Il puet estre aussi entachiéz Qu'il veult remettre les pechiéz : Par quoy il ne puet contredire Qu'il se veult Dieu ou son filz dire (Gréban, Pass. J., c.1450, 182)

Proverbe. Laide chose est au maistre quand est entaché de la coulpe dont il reprent autrui

Mais dist Cathon : Laide chose est au maistre quant est entechie de la coulpe dont il reprent autrui. (Chr. Piz., Paix W., 1412-1413, 171)

Estre entaché en qqc. Être impliqué dans qqc. de négatif.

Toutefois sont il criminels Et d'autres en y a de tes Qui sont si vilz de leur nature Comme est pour plege ou pour usure Et pour moult d'autres fous marchiés, Ou pluseurs gens sont entechiés Telement qu'en la fin mourroient, Se Pitié et Grace n'estoient Et Misericorde leur suer. (La Buigne, Rom. deduis B., 1359-1377, 141)

Maiz ilz estoyent si entaichés Et endurcis en leurs erreurs Qu'ilz sont tous mortz en leurs pechiés Comme seront leurs successeurs. (MART. D'AUV., Mat. Vierge L.H., c.1477-1483, 105)

2.[Valeur neutre ou précisée par un adv.]

a)[D'une pers.]

Entaché (de qqc.). Pourvu de (telle ou telle qualité).

...si fort estoit entechiés De proeces, de chief en cor, Li chevaliers au soleil d'or, C'on li donne a plainne huée Le pris du tournoy et l'espée. (Froiss., Méliad. L., t.2, 1373-1388, 216)

Moult fu de sens bien entechié Foroneüs et de lengage. (Chr. Piz., M.F., II, 1400-1403, 278)

Bien entaché. Pourvu de qualités.

Et encor dit la debonnaire Que ce seroit trop grans pechiez, S'uns amis si bien entechiez Com cils est morroit par deffaut De la joie qui si tost faut (Mach., D. verg., a.1340, 44)

Messires Johans ly Beaz deseurnomeis ne doit pais estre oblieis en ce compte, car, onkes d'eage d'omme vivant ... son temps, ilh n'out en l'engliese Saint Lambier nul miez entachiet de ly, ne de plus frank ne de plus noble regiment : car je le veys, et hantay tant son hosteit que je en saray bin veriteit recordeir. (Hemricourt, Miroir Hesb. B.B., 1353-1398, 226)

Entre les autres il en y ot un, le tiers, que l'en appella Remondin, qui estoit trop durement beaulx et gracieux, et bien entechiez. (Arras, c.1392-1393, 16)

Si estoit le mieux entechié et le plus gracieux que l'en peust trouver (Ponthus Sidoine C., c.1400, 15)

Mais en amours aiez aviz Qu'au miex parant vous adreciez, Car cuer en haulte dame assis Fait son maistre des autres chiés Plus preux, plus doulx, miex entechiés Et plus friant d'onneur conquerre (Cent ball. R., c.1388-1396, 179)

...c'est pechié A toy de souffrir tel meschié Qu'un faulx amant tiengne empeschié Un loyal cuer bien entechie. (Chr. Piz., Cent ball. amant dame C., c.1409-1410, 135)

...et jusques la vint Puis que dix ans Ot que par mauvaiz mesdisans, A verité contredisans, De lui et des siens maldisans, Fut moult blechié Son honneur, dont ce fut pechié, Car il est si bien entechié Et a tout honneur adrechié Qu'il est loué De tous les bons et advoué De vertus largement doué. (Chart., L. Dames, 1416, 232)

Mal entaché. Pourvu de défauts, de mauvaises manières, mauvais.

Verité dit : 'Et je le veul, Quar onques je n'eu chier Orgueul, S'orray volentiers les meschiés, Car c'est uns homs mal entechiez.' (La Buigne, Rom. deduis B., 1359-1377, 182)

Eschieve les jennes hommes mal enthaciés qui se crepissent les cheveulx, les flaireurs de muglias ou de souris sauvages, comme pestilences et venins contraires a chasteté. (Daudin, De la erudition H., c.1360-1380, 386)

C'est celle [convoitise] qui advance ceaulx Qui n'en sont dignes, c'est li pons Aux mal entechiez, aus felons. (Desch., Oeuvres Q., t.5, c.1370-1407, 280)

David ne vault faire silence ; A Gad respondi : 'J'ay pechié Vers Dieu ; trop sui mal entenchié [var. empesché] .' (Le Fèvre, Respit Mort H., 1376-1380, 25)

b)[D'un animal] Bien/mal entaché. Bien /mal apprivoisé, pourvu de bonnes/de mauvaises qualités.

Entens cy, tu qui veulz savoir Des faucons et les veulz avoir Bons, hautains et bien entechiez ! (La Buigne, Rom. deduis B., 1359-1377, 93)

Oiseaux eurent mal affaitiés, Mal leurés et mal enteichiés. (La Buigne, Rom. deduis B., 1359-1377, 175)

Et en toutes guises alanz sont mal gracieux et mal entechiez et plus fols et estourdis que autre maniere de chienz, et onques je n'en vi trois bien entechiez et bien bons, quar bon alant doit courre si tost comme un levrier, et ce a quoy il ataint, il y doit metre la dent. (Gast. Phébus, Livre chasse T., 1387-1389, 126)

3.Estre entaché de qqn/qqc. Être séduit, attiré par qqn/qqc..

...par sa doctrine et temptacion et par son conseil ilz font iceulx maulx ; c'est l'ennemy de tenèbres qui les attise et les esmeut à faire iceulx pechiez et les y tient bien jusques à la desliance de vraye confession, par laquelle ilz sont delivrez, et de ceste manière de gens est le plus de monde entechiez et surpris. (La Tour Landry, Livre pour l'enseign. de ses filles, éd. A. de Montaiglon, 1371, 83)

Et pour ce je vous dy que ainsi sagement, subtillement, cautement et doulcement doivent les bonnes dames conseiller et retraire leurs marys de folyes et simplesses dont elles les voyent embrasez et entechez (Ménagier Paris B.F., c.1392-1394, 113)

MAXIMIEN. ...Pour tant, s'il tiennent du prophete, Ilz seront tantost redresciés. CONSTANT. Ilz en sont treffort entechiés Et si tiens tant de leur coraige, S'ilz se doubtoient de l'oraige Que nous vollons brasser errant Sus ceulx que Jhesus vont orant, Jamais ne se deslogeroient. (Molinet, Myst. st Quentin C., c.1482, 65)