DESSERVIR

verbe

[T-L : deservir ; GD : deservir1 ; GDC : deservir ; AND : deservir1 ; FEW (III, 52b) : deservire ; FEW (XI, 542a) : servire ; TLF (VII, 22b) : desservir1]

I. -[Intensif de servir]

A. -[D'une pers.]

1.Desservir qqn. Servir qqn avec zèle.

Maiz il est trop bon a savoir Que Deduit d'Oiseaulx, mon seigneur, Est sanz mal en bonté greigneur, Car donne profit et plaisance Et bien honneste sans grevance A tous ceulx qui l'aiment et servent Et qui loyalment le deservent Trop plus grandement que ne fait Deduit de Chiens. (La Buigne, Rom. deduis B., 1359-1377, 422)

Servir qqn (à table).

LE MOUNYER. Or sà, mon petit con doré, Qu'as-tu acoustré à repaistre ? LA MONNYERE. Chommés vous ! vous debvés congnoistre Qu'on avons asés et de bon. Voela du bouilly, du jambon, Pain, vin, perdriaulx et mauvys. LE PREMIER GENTIL HOMME. C'est faict ! nous voela deservys. A tous les deables le saulard ! (Gent. moun. T., c.1500, 368)

2.Desservir qqc.

a)Servir à qqc..

JUDAS. Chier maistre, trop vous traveilliez ; Laissez moy servir le couvent : C'est a moy, je le fais souvent, Sans vous donner si grant ensonne. PIRAGMON. Et moy qui suis saige personne, Y sçaroy je riens deservir ? (Gréban, Pass. J., c.1450, 237)

b)Être chargé du service de qqc..

En la chappelle de saint Pierre Pendent deux lampes (...) Que de basme, sire, je sers, Et maint esté et mains yvers Les ay desservi jusques cy. (Mir. pape, 1346, 357)

...ung evesque, aprés, ces rentez et la vesture donoit a Saint Lourent l'abbie, qui la metoit ung vicaire ; et encor en appelle ons le preistre qui le desierte vicaire, car ly abbeit de Sainct Lorent en est droit vestis jusques al jour d'huy. (JEAN D'OUTREM., Myr. histors G., a.1400, 89)

À Mre Fouques Guillet, prestre, commis par monseigneur l'evesque de Paris à desservir et gouverner la chapelle Monseigneur Saint Loys fondée en l'eglise Saint Jehan en Greve, en l'absence de Mre Lucas Lesueur, prestre chappelain d'icelle chappelle, à present absent en l'obeissance des Anglois (Comptes Paris V.L.D., t.1, 1440-1441, 216)

...le fait de sa coustrerie recommenda a ung jeune gentil clerc pour la deservir jusques a son retour. [Un 'coustre' part pour un long voyage] (C.n.n., c.1456-1467, 283)

S'acquitter (d'une fonction).

Et desservira chacun vendeur l'office en sa personne, sans ce qu'il le puisse faire desservir par autruy (Mét. corp. Paris L., t.1, 1351, 11)

Et a juré maistre Clement de Fauquanbergue dessusdit, qui par avant visitoit les lettres à la Chancellerie, qu'il servira et desservira ceans son office continuelment, car autrement n'eust esté esleu (Baye, I, 1400-1410, 349)

Maistre Jehan de Vouton, qui estoit conseillier lay en la Chambre des Enquestes, a esté receu en la Grant Chambre pour y deservir son office de conseillier. (Fauq., I, 1417-1420, 165)

Desservir un fief. Accomplir les devoirs dus pour la possession d'un fief.

...je en suy entréz en creant de service, (...) et en promet à deservir le fiedz par la maniere que ledit fiedz le doit et requert (Trés. Reth. S.L., t.2, 1384, 306)

...Jehan de Lille, desservant le fief Drieu de Hamelet (Hist. dr. munic. E., t.1, c.1389, 591)

Jugement don segneur Hugue Henneborjat d'une pairt, et de Simonin Chevallat, l'amant, pour Hanri de Vault, et de Arnoult Roguenel et de Jehan Tripotel, d'aultre pairt, pour l'eritaige de Beu, le quel jugement dit que, parmei ce que ledit segneur Ugue est bien souffixant pour ledit fief a desservir, qu'il a bien ledit heritaige a avoir. (Jug. maître-échev. Metz S.M.S., t.1, a.1494 [1353], 316)

Desservir chevalerie

...chevalerie est trop grant chose et doit estre donnée en bataille ou au Sainct Sepulcre pour l'honneur de Nostre-Sauveur Jhesus-Crist, et (...) en assault chevalerie ne se doit pas donner, sinon à ceulx qui en sont extraictz d'ancienneté et que leurs predecesseurs l'ayent desservie et soyent nobles d'antiquité (Bueil, II, 1461-1466, 113)

Desservir bon service. Bien accomplir son service.

BOITEUX. Maleurté m'a si fort suyvye Qu'a elle je suis asservant. AVEUGLE. Pour bon service desservant Trouverai ge poinct ung valet ? (La Vigne, Aveugle boiteux D., 1496, 58)

Emploi absolu.

...Jehan des Aultes, pbrestres chappelains, desservans en l'église perrochiale du dit Charroles (Archives servit. Louis XI T., 1451-1481, 119)

Participe passé en emploi adjectival. Qui remplit une fonction, qui est chargé d'une tâche (administrative).

...et [les paroissiens] ne doivent estre traictéz devant autre juge que devant les maistres des forests ou devant le verdier de la forest de Bretheuil, ne aller aux veuez par semonces d'aucuns des sergens de la viconté de Bretheuil ne d'autre, sinon par les sergens descervians ou de la forest, par ainssi que les lieux où ilz demeurent les enfranchissent, et aussi ceulx qui sont descervians doivent estre exens du fouage et de tous autres subcides quelxconques en leurs lieux où ilz sont demourans seullement (Hector De Chartres, Cout. R., 1398-1408, 293)

Proverbe.

On ne peut desservir deux cures

On ne peut desservir deux cures (CH. D'ORLÉANS, Rond. C., 1443-1460, 484)

Qui a autel desert, d'autel doit vivre. Il est juste que chacun vive de son activité.

[P. réf. à Cor. IX, 13-14] : Il est escript par l'apostre Saint Pol : Qui a autel desert, d'autel doit vivre. (Mézières, Sustance H., 1396, 94)

B. -[D'une chose] Desservir à qqc.

1.Servir à qqc..

...membre noble qui dessert a tous les autres membres (Saint-gille, Comment. A.Y. L., 1362-1365, 259)

...membres nobles qui desservent a la vertu attraitive (Saint-gille, Comment. A.Y. L., 1362-1365, 259)

Les choses temporeles devent deservir au choses espiritueles, conme lez mains dignes au plus dignes. (Songe verg. S., t.1, 1378, 30)

...et si met deux manieres de biens qui deservent a ceste double vie, c'est assavoir lez biens terriens et lez biens espiritueulx ou celestes (Songe verg. S., t.1, 1378, 166)

2.Correspondre à qqc.

Quant le degré ascendant est trouvé par aucune de ces 2 manieres et nous voulons trouver les commencemens des autres maisons, donques nous devons situer le dit degré ascendant en astrelabe sur le orison de la table qui desert a nostre region. (Pèler. Prusse, Élect. L.F., 1361, 94)

II. -[Idée de mérite ou de récompense]

A. -Desservir qqc. Gagner qqc. en servant ; mériter qqc..

1.Mériter (un avantage, une récompense, un salaire...).

...et com pris Ai compris En ceste Amoureuse Prise, Es dous biens qu'Amours m'envoie, D'estre en voie, Pour vostre amour desservir, Fleurs du monde, a vous servir. (Acart, Prise am. H., 1332, 1)

Que vaut loër lez tres sains hommez Qui pas ne furent ce que sommez Einz ont ja gloire deservie, Se ne voulon sieuvre leur vie ? (Vie st Evroul S., c.1350, 39)

Et brïement, tous tendent par raison au plus grant bien que on puisse avoir, et c'est la derreniere et souveraine fin excepté paradis et la grace par quoy on le desert, de quoy la consideracion passe et est oultre ceste science. (Oresme, E.A.C., c.1370, 104)

M'amie, je vous retenray Voulentiers, se, pour desservir Argent, vous pensez a servir. (Mir. fille roy Hongrie, c.1371, 67)

Car plus me poés merir Que je ne puis desservir (Froiss., Joli buiss. F., 1373, 108)

'A quoi faire sont cil, que nous nommons signeur, plus grant maistre de nous ? A quoi l'ont il deservi ?' (Froiss., Chron. R., X, c.1375-1400, 96)

Tous jours [le marquis] l'a trouvee [Griseldis] sanz blame, Et vertüeuse sanz deffaulte. Si [Griseldis] en dessert bien honneur haulte, Et, se Dieu plaist, si avra elle, Car certainement croy que celle Par son bien vendra au dessuz (Gris., 1395, 71)

Prenez vint florins de Florence, Car bien les avez desserviz. (Gris., 1395, 74)

...Proece ne voelt point que nuls povres bacelers de bonne volenté s'escuse de non querir les armes par defaute de mise, car se il le vault, il trouvera qui l'aidera, se il le desert, qui l'avancera et paiera selonch son bien fait. (Froiss., Chron. D., p.1400, 36)

...l'entention toutevoie dudit Colart est que, se il aura plus desservi qu'il n'a eu, que les commissaires à oïr les parties lui facent raison. (Baye, I, 1400-1410, 146)

Je ne quier point de guerredon, Car le desservir m'est trop hault ['Car mériter une récompense, c'est pour moi trop 'haut', trop au-dessus de ce à quoi je peux prétendre'] : Je demande grace en pur don Puis que mort ou mercy me fault. (Chart., B. Dame, 1424, 346)

Quant mercy auront desservy De cueur loyaument asservi, Ne retenez point leurs merites ! (Narcissus, p.1426, 306)

Car celui qui te fist n'a pas voulu ta creation pour te voyr perir, mais pour toy aider et adresser ta fragilité par la vigeur de sa grace, que tu ne peulz deservir fors par travail en oeuvres meritoires, vainquant le monde charnel par l'espirituel puissance. (Chart., L. Esp., c.1429-1430, 25)

...ayez esgart a cest très vaillant homme (...) auquel le vray Juge celestiel donna a la fin a chascun ce qu'il ot desservy ! (La Sale, Sale D., 1451, 112)

Et fut dit et recité au Jouvencel que le cappitaine estoit bien content de lui et qu'il auroit si bonne part au butin qu'il en devroit estre content, et lui donneroit ung cheval pour porter son paige ; car il l'avoit bien desservi. (Bueil, I, 1461-1466, 38)

De quoy leur sert leur deablerie Quant, pour tout guerdon desservant, Vous congnoissez leur broillerie ? (La Vigne, S.M., 1496, 448)

Gagner qqc..

Ne panre loier ne guierdon Ne robe n'autre pension, Se tu ne la vuez deservir. C'est covoitise senz raison. (Dupin, Mélanc. L., c.1324-1340, 108)

Pour les gaiges de nous banneret, .IIII. autres bannerés, XXXIX chevaliers bacheliers et III^c LVI escuiers de nostre hostel et compaignie desservis en ces presentes guerres (Doc. 1372. In : J. Marchand, Bibl. Éc. Chartes 88, 1927, 263)

De Dyogenés me souviengne Et que son fait pour vertus tiengne, Qu'onques pour rentes desservir Ne vault Alixandre servir. (Le Fèvre, Respit Mort H., 1376-1380, 13)

...les gaiges de moy écuier banneret, un chevalier bachelier et neuf vins escuiers de ma compagnie desservis et à desservir aux gaiges du Roy (Cartul. Laval B., t.2, 1411, 400)

[P. méton. du sujet]

MARIE. (...) Ma vertu ne desert, Ne bien que face en secret ou appert, Telle chose qui n'eust oncques pareille (Myst. Incarn. Nat. L., t.2, c.1454-1474, 174)

Proverbe. Dieu paye selon qu'on dessert

Dieu paye selon qu'on dessert. (Du Prier, Songe past. D.-M., c.1477-1508, 112)

2.[Dans un sens négatif] Mériter (une punition, une conséquence pénible...).

Enffe dous, graicieux, tu n'ais mort desservie ! (Lion Bourges K.P.F., c.1350, 474)

...Et recoumanda a cerchier Se larron ou murdrier estoit Qui la mort desservi avroit (Renart contref. R.L., t.1, 1328-1342, 107)

Tant se monteplierent ces parolles et amises que messire Symon Burlé fut grandement aggrevé, et fut ordonné (...) qu'il avoit desservi pugnicion de mort (Froiss., Chron. M., XIV, c.1375-1400, 41)

Ainsi sommes nous deux roys exilliez par vostre prouesce, non pas par vous, mais par ma fole emprise, car Dieux si m'a pugny encore moins que je ne l'avoye desservy. (Arras, c.1392-1393, 172)

Or [Fromont] est destruit par l'art demoniacle, car tous ceulx qui sont forcennez de yre sont ou commandement des princes d'enfer ; et par ce fist Gieffroy le grant et horrible et hideux forfait d'ardoir son frere et les moines qui mort ne avoient point desservie. (Arras, c.1392-1393, 255)

Messeigneurs et mes freres, nous avons tous desservi la mort pardurable, nous qui avons pechié mortelment. (Gers., Déf., 1400, 242)

Or l'a la mort en jenne aage ravie, Et moy, qui l'ay tant loyaument servie, Viz en doleur sans l'avoir desservie Et sans savoir pourquoy ma vie dure. (Chart., Compl., 1424, 326)

...un empereur qui avoit ung filz ou nepveu qui commist ung horrible et dampnable cas pour lequel il avoit deservy mort (Juv. Urs., Verba, 1452, 295)

Et fut ainsi mené que dit est batre par lesdiz carrefours dedens ung ort, vilain et paillart tumbereau dont on venoit de porter la boe en la voierie. Et, en le batant par lesdiz carrefours, comme dit est, le monde crioit à haulte voix au bourreau : 'Batez fort et n'espargnez point ce paillart, car il a bien pis desservy !...' (Roye, Chron. scand., I, 1460-1483, 82)

Et mon dit seigneur respondit que s'il avoit tout l'argent du monde qu'il ne le laisseroit pas aller, puisqu'il avoit deservi mort (Gruel, Chron. Richemont L., c.1459-1466, 49)

L'homme en pechant descend de la dignité de sa nature, et ainsi appert que les presceus peuent demerir et deservir paine perpetuele par leurs demerites et malices. (Somme abr., c.1477-1481, 172)

...et prindrent leur couleur, disant qu'ilz avoyent faict decapiter le jour devant ung homme et, nonobstant qu'il eust bien desservy, si n'en avoyent-ilz nul povoir comme ilz disoyent, pour ce que leur povoir estoit expiré par le trespas dudict duc, qui les avoit creéz audict gouvernement. (Comm., II, 1489-1491, 190)

...car ledit prince luy avoit voullu faire une grande trahison et avoit bien desservy toute pugnition, s'il ne l'eust pris à seüreté, venant devers luy à son mandement. (Comm., III, 1495-1498, 77)

Desquelz faulx rappors ledit conte fut fort estonné et courroucé en son cueur, et pourpensa dès lors soy evader et s'en aller hors du royaulme, pour eviter la fureur du roy, laquelle n'avoit justement deservie. (Le Clerc, Interp. Roye, c.1502, 143)

Ne rien desservir. Ne pas mériter de punition.

...vous avéz trop mespris a nostre linaige quant vous demandast cavage a nulz de nous ; car vous voulsist pendre l'enffant Ogier, qui n'y avoit riens deservit et qui est le mieldre de tous ceulx qui appartinent a vous et a nous ; apréz, voul[i]eis Gaufroit destruire son pays : ce fut tout mal fait. (JEAN D'OUTREM., Myr. histors G., a.1400, 31)

JOSEPH. O haulte puissance eternelle, Vray gubernateur de justice, Tu vois la terrible injustice Dont a present je suis servy Et sans riens avoir desservy, Mais tant seulement pour bien faire. (Gréban, Pass. J., c.1450, 377)

[P. méton. du sujet]

Et pour tant que tous agens ou facteurs ne peuent riens en ce qui est par desseure eulz, pareillement nature ne puet en aucun fait meritore qui passe sa faculté et son pouoir, mais elle puet au fait de pechiet, qui est demeritore et desert paine, comme en aucune chose dedens et dessoubz humaine nature. (Somme abr., c.1477-1481, 171)

Emploi absolu.

...ilz [les ennemis du roi] ne se doyvent pas esbahir se ilz seuffrent, car ilz ont bien deservy. (Juv. Urs., Loquar, 1440, 372)

3.Desservir qqc. à qqn. Mériter qqc. (récompense ou punition) auprès de qqn.

Et garde bien sur quanques vers lui te puez mesfaire que ne nuises a autrui par fausse envie en fait, en dit, n'en quelconques pourchas. Car tu te dampneroies mauvaisement - poson qu'on le t'eust desservi -, car Dieu ne veult pas qu'on se venge (Chr. Piz., Trois vertus W.H., c.1405, 139)

Ha ! mes dames, vostre bonne mercy, mais je ne l'ay pas a Dieu desservy, et ce qui en est me vient de lui par voz bonnes prieres. (La Sale, J.S., 1456, 161)

4.Desservir (à/de/pour) + inf. Mériter de + inf..

Ardez tost ceste vielle, car bien deservis l'a ! (Lion Bourges K.P.F., c.1350, 1030)

Et devons cy savoir que nul ne doit, ne selon Dieu ne selon le monde, vouler estre plus honoré ne en plus haut degré que il n'a deservi, ne si ne doit mie usurper le droit d'autruy (Songe verg. S., t.1, 1378, 309)

...tu y fis pendre, noyer et decapiter plusieurs qui l'avoyent deservy (La Vigne, V.N., p.1495, 298)

Desservir + inf.

Sire roy, Mahon qu'avez com Dieu servi Vous ottroit qu'aiez deservi S'amour avoir ! (Mir. Clov., c.1381, 215)

Par quoy selon ta loy escripte et justice mesmement qui se garde entre les hommes, ilz desservirent non pas seulement morir, mais avec ce perdre tout leur heritage pour eulz et leurs enfans, tant le temporel paradis terrestre comme l'espirituel (Gers., Concept., 1401, 398)

...et faisant et mectant a effect ce que tu as apris par lecon en la maniere que tu as aduise par saincte meditacion, auecques laide de dieu que tu as impetree par oroison, et tout ce tu deseruiras obtenir par meritoire operacion. (Cib., p.1451, 178)

Desservir à + inf.

...lez freres Precheurs et Meneurs qui gardent la tres excellente fourme de l'Euvangille, si deservent a avoir gloire et estre sauvez, laquelle chose n'est mie contre ce que nous avons proposé. (Songe verg. S., t.2, 1378, 231)

...lesdiz Tuillieres, Pacy, Chaon et Goybe, qui furent d'oppinion que, jà soit ce que ledit hermite, par sadite confession, eust bien deservi à estre executé comme traitre et murdrier, que l'en surseist de faire icelle execucion jusques au landemain (Reg. crim. Chât., I, 1389-1392, 322)

... [ils] delibererent et furent d'oppinion qu'il estoit très-fort traitre dudit seigneur et de son royaume, et un très-fort larron, murdrier et bouteur de feux, et que, comme tel, il avoit desservi à estre excecuté solempnelment, pour ce qu'il est nobles homs et de noble ligniée (Reg. crim. Chât., II, 1389-1392, 208)

Si vous pry humblement qu'il vous plaise a moy mettre a finance si raisonnable que je ne soye pas destruiz de ma seignourie, et vous y plaise a regarder en pitié, non pas prendre ma fole emprise en vostre rigueur, combien que je congnoiz que j'ay bien desservi a estre pugny rigoureusement. (Arras, c.1392-1393, 167)

Desservir de + inf.

C'est un service en desservant, Et me semble que un tel servant Est de tout perdre deservant Quant envaÿr Veult l'onneur sa dame et traÿr. (Chart., L. Dames, 1416, 286)

Il a desservy et dessert D'estre pendu (Martin Le Franc, Champion dames I-II, P., 1440-1442, 117)

...ilz sont dignes et ont bien deservy d'estre bien paiez et bien remunerez (Fauq., III, 1431-1435, 40)

Et en pourroit le Pape encourir infamie et deserviroit d'estre privé de tout honneur (Fauq., III, 1431-1435, 45)

...mais encores est raison que vous sçachiez qui le chevalier est qui desservy a d'avoir l'onneur de celle feste (Percef. III, R., t.1, c.1450 [c.1340], 257)

...lequel, pour singulieres graces en luy infuses et pluseurs haulx et grans fais chevalereux, avoit mery et deservy d'estre eslevé en ce haultain trosne (Molinet, Faictz Dictz D., 1467-1506, 46)

Desservir pour + inf.

Saichez a qui vostre don se fera Et se cilz a desservi pour l'avoir (Desch., Oeuvres Q., t.1, c.1370-1407, 209)

5.Desservir que. Mériter que.

NOSTRE DAME. (...) Pour ce, je vous pri qu'ilz desservent Qu'ilz aient leur petticïon (Mir. enf. ress., 1353, 7)

Point ne dessert c'on lui doie donner Des biens d'amours ne petit ne partie. (Grandson, Poés. P., c.1360-1397, 305)

Et se vous donnez par plaisance, gardez que fole largesce ne vous surpreingne, tant que on s'en puist escharvir de vous, car ceulx qui auroient desservy que vous leur feissiez bien, s'en tendroient pour mal contens, et les estrangiers vous en blasmeroient en derrier. (Arras, c.1392-1393, 85)

Qui quiert de chascun mesdire dessert bien qu'on le deschire. (Colart Mans., Dial. créat. R., 1482, 182)

Ne deservez que + subj. N'attendez pas de mériter que.

DEUXIESME SERGENT. Ne desservez pas c'on vous fiére : Alez en sus. (Mir. Clov., c.1381, 250)

6.infinitif substantivé.

...Car a nullui n'est destiné Qu'il soit pendu ne traïné, Ne qu'il meure de mort vilaine, S'il ne met au desservir peine. (Jacques Bruyant, Voie pauvreté richesse P., 1342, 18)

7.Participe passé.

[D'une chose] Telle qu'elle mérite d'être.

...et pour mettre ceste affaire en style desservi et requis... (Chastell., Chron. K., t.1, c.1456-1471, 11)

Gage, salaire ...desservi. Salaire mérité.

Symon Galois de Leure, laman de la galie Gauvain Baudisson, pour le demourant de ses gaiges desservis en la dicte galie depuis le premier jour de septembre jusques du derrenier d'octobre (Clos galées Rouen M.-C., t.2, 1347, 119)

...la somme de cinquante six livres douze soubz quatre deniers tournois en prest sur les gages de nous, deux autres chevaliers et dix neuf escuyers desservis et à desservir en cestes présentes guerres ou païs de Flandres, en la compagnie de monsieur de Chastillon, en la chevauchée que le Roy, nostre dit seigneur, entant faire audit païs. (Cartul. Laval B., t.2, 1383, 305)

...la femme de lui qui parle ot, pour son salere desservi en ensevilissant le corps dudit defunct, et du consentement dudit maistre Guillaume Perdriel, unes paire de chauces à homme. (Reg. crim. Chât., II, 1389-1392, 88)

À Jehan Chosat, conseillier de monseigneur le duc de Bourgoingne, la somme de sept vins dix huit frans qui deue lui estoit pour ses gaiges desserviz par soixante dix neuf jours entiers par lesquelx il afferme, en sa loyaulté et conscience, avoir vacqué pour les besongnes et afferes de mondit seigneur par plusieurs et diverses intervelles (Comptes Etat bourg. M.F., t.2, 1418, 113)

De Jehan Sacquespee, receveur de la composicion des aides en Artois, la somme de mil frans sur ce qu'il peut et pourra devoir à mondit seigneur à cause de sa recepte, en deniers paiez à reverend pere en Dieu monseigneur l'evesque d'Arras sur ce qui lui peut estre deu à cause de ses gaiges desservis pour le voiaige de Constance (Comptes Etat bourg. M.F., t.1, 1419, 8)

Ce jour, le procureur du Roy a consenti que maistre Guillaume Herbelin soit paié et contenté des salaires par lui deservis ou service de feu maistre Guillaume Intrant (Fauq., III, 1431-1435, 155)

Peine desservie. Travail qui mérite récompense ou salaire.

...en buvant lui et sondit frere oudit hostel du Pot d'Estain attendant que un cousturier qui demeure assez près dudit hostel du Pot d'Estain venist boire avec eulz, et qu'il le païast de son salaire et peine deservie en faisant sa robe (Reg. crim. Chât., II, 1389-1392, 496)

8.Participe présent en emploi substantival. Celui qui mérite qqc., qui a du mérite.

...Bien sont heureuz les ensuyvans Qui le nom suyvent des parfais : Le los donnent aux deservans ['le rayonnement des 'parfais' rejaillit sur ceux qui les suivent, mais à la condition qu'ils s'en montrent dignes' (Éd.)] (Garin, Compl., 1460, 74)

B. -Desservir qqn. Récompenser qqn ; payer qqn de retour.

...nul ne tent a lui servir Qu'elle ne vueille desservir. (Mir. march. larr., c.1349, 96)

Pour ce je vous dy qu'il me samble Que tel Seigneur fait bon servir[,] Qui sy bien le scet deservir, Qui a le servir veult entendre[.] Il li scet bien bon loier rendre. (Myst. Pass. N.S. R., c.1350-1370, 98)

Desservir à qqn

Ha ! vierge (...) si bel savez desservir A ceulx qui, par devocion, Ont en vous leur entencion. (Mir. ev. N.D., c.1348, 82)

Aux amans est de bien servir A la fin qu'en grace en deviennent, Et aux dames de desservir A ceulx qui a droit se maintiennent. (Chart., D. Rev., a.1424, 316)

Doublement desert a celluy Qui le sert et qui l'onneure. (Myst. Pass. N.S. R., c.1350-1370, 104)

Emploi absolu.

Aux amans est de bien servir, Et aux dames de desservir ['de récompenser'], S'ilz trouvent en eulx loyaulté. Amours, qui les fait asservir, Jamais ne les veult desservir Du don d'amoureuse pité, Ains veult qu'ilz soient respité, Au point de leur neccessité, Sans monstrer rigoreux reffus (Narcissus, p.1426, 307)

C. -Desservir qqc. (à/vers/envers/par devers...qqn)

1.S'acquitter de qqc. par reconnaissance (envers qqn), revaloir qqc. (à qqn).

Se bien nous vollez faire, nous lou recepverons Et a nostre poioir nous le deservirons (Lion Bourges K.P.F., c.1350, 178)

Tous li avoirs qui est en Bruges Repus en coffres et en huges Ne m'euïst valu une pomme, Se n'euïssent esté chil homme Qui m'ont a mon besoing servi. Jamais ne l'arai desservi. (Froiss., Pris. am. F., 1372-1373, 39)

Or me donneiz, s'il vous plaist, la vowerie de Liege, sy prendray d'eulx vengence. Je le deserviray bien, vous saveiz comment. (JEAN D'OUTREM., Myr. histors G., a.1400, 204)

Et ne m'est point advis que jamais puisse desservir le grant honneur que le tres noble prince vostre pere me fist. (Percef. IV, R., c.1450 [c.1340], 54)

Nous luy donnons beaucop d'ensonne, mais tout desservirons en fin. (Gréban, Pass. J., c.1450, 364)

à qqn

Car bien seroit raison que voustre cortoisie Vous soit en aulcun tempz de parrt moy desrvie. (Lion Bourges K.P.F., c.1350, 119)

...Et s'i nous fait honnour, on lui desservirait. (Lion Bourges K.P.F., c.1350, 166)

...Se donner nous voulés vostre or et vostre argent, Nous deux le vous vourrons desservir loyaulment (Tristan Nant. S., c.1350, 271)

Car il convient deservir ou reservir a celui qui a fait grace ou courtoisie. (Oresme, E.A., c.1370, 293)

'Haa, noble chivalier,' dit il, 'comment me seroit il possible de vous desservir les grans biens que vous m'avés faitz ?' (Rambaux Frise S., c.1450-1475, 62)

...il s'en est tant bien acquitté que jamais ne luy sarions desservir [Le seigneur a rendu un 'éminent service' à la femme de son meunier] (C.n.n., c.1456-1467, 42)

En cedit temps, le roy, estant à Compiengne, escripvit unes lettres missives au grant maistre estant à Amyens, dont la teneur s'ensuit : 'Mons. le grant maistre, j'ay receu voz lettres et vous mercye tant que je puis de ce que avez fait, et ay entencion de le vous desservir et de corps et de biens, et Dieu me doint la grace et Nostre Dame de le povoir desservir...' (Le Clerc, Interp. Roye, c.1502, 265)

vers/envers/par devers qqn

En tous lïeux ou vous sara, Sur toutes vous vourra cherir, Mais qu'i vous plaise a remerir Ce qu'envers vous deservira. (Recueil galant. V.-B., c.1350-1400, 106)

Certes, Lyonnel, ilz sont pou de princes que vous ne puissiez bien aidier et secourir par la conduite de vostre haulte prouesse. Et au regard de moy, je m'en loue moult grandement et le desserviray envers vous quant je pourray. (Percef. IV, R., c.1450 [c.1340], 39)

De par Dieu, beaux seigneurs, fait elle, quy me doinst vers vous deservir cestui gracieux recueil. (Comte Artois S., c.1453-1467, 109)

Et remercia le roy alors son oncle des bienfaits, qui estoient grans, et passoient, ce disoit, la charité de tous les princes chrestiens et de ses propres parens, par quoy il se réputoit plus tenu à luy aussi qu'à tous ceux du monde ; et désiroit bien à vivre le temps qu'il le pourroit desservir envers luy (Chastell., Chron. K., t.5, c.1456-1471, 36)

Qqc. se dessert. Qqc. trouve sa récompense.

HERODE. Seigneurs et princes de la loy Qui pour nostre salut veillez, Nous vous avons tant moult traveilléz, Mais tout bien se desservira (Gréban, Pass. J., c.1450, 90)

Emploi impersonnel.

Pour ce que tu m'as bien servi Vueil je que te soit desservi, Car ce que m'as requis avras (Mir. st J. Cris., c.1344, 277)

...si tant vouliez faire pour moy, il vous seroit tellement par moy desservy que vous en devriez estre contente. (C.n.n., c.1456-1467, 263)

Il est à desservir. Cela mérite récompense, cela est très obligeant.

ACHIN. Vrayment de cela je me charge (...) ; Aucune faulte n'y aura, Songneux en seray, je l'affie. SAMUHEL. De cela je vous remercye, Vrayment il est a deservir. (Myst. Incarn. Nat. L., t.1, c.1454-1474, 259)

Il serait bien à desservir. Cela mériterait d'être payé de retour.

PATHELIN. J'en sçay, par bieu, telz cinq ou six, De qui cent et cinquante frans Viendront en vostre main tous frans. LE PELLETIER. Il seroit bien à desservir ! (Nouv. Path. T., c.1474-1485, 50)

2.Payer qqc. à son tour, pour indemniser.

Moult despendoit et moult donnoit Et trouvoit qui le delivroit De ses frais sy soutieuement Que il n'en pooit proprement Jugier que par adeviner Qui ensy l'en fist delivrer Des honneurs, que il ne savoit ; As menestreux en demandoit Et as hiraux secretement, Et le deservoit largement Selonc l'estat qu'il enquerqua. (Dit prunier B., c.1330-1350, 74)