CONVOITER

verbe

[T-L : covoitier ; GDC : covoitier ; AND : coveiter ; DECT : covoitier ; FEW (II-2, 1552a) : cupiditas ; TLF (VI, 133a) : convoiter]

A. -Convoiter qqc. Désirer ardemment qqc..

Ung chevalier l'ouÿ qui honnour convoita (Renaut Mont. B.N. V., c.1350-1400, 219)

Ne couvoite pas l'eritage De ton voisin, et par haussage Ne l'aquier pas, car ce seroit Pechiez, qui einsi le feroit. (Mach., C. ami, 1357, 139)

Et pour ce que il est ainsi, celui qui quiert et parsuit les superhabondances des delectacions, ou qui poursuit les delectacions moderees selon superhabondance et les convoite trop et quiert teles delectacions en les eslisant et pour elles meïsmes et non pas pour autre chose ou pour ce que autre chose en ensuie, tel est desactrempé. (Oresme, E.A., c.1370, 388)

...il trouva là quatre povres hommes qui veilloient et engelloient de froid. Si luy distrent : 'Preng à chascun de nous ung blancq ; si nous laissiez aler chauffer et dormir. Il sera par temps XI. heures.' Le valeton convoita l'argent, il le prist, et cilz se departirent de leur gait et retournerent en leurs maisons. (Froiss., Chron. M., XIV, c.1375-1400, 208)

Je scé en la rue du Plastre Un biau visage femenin Que trop convoite un turlupin. (Mir. Pierre Changeur, c.1378, 249)

Haa, Remond, la journee que je te vy premiers fu pour moy moult douleureuse. Las ! Mal vy oncques ton gent corps, ta facon, ne ta belle figure, mal convoitay ta beauté, quant tu m'as si faussement trahie. (Arras, c.1392-1393, 256)

On les reputoit riches pour ce qu'ilz ne convoytoyent riens. Et a bon droit ! car plus est riche celuy qui moins convoite. Qu'esse richesse fors souffisance ? Et qu'est souffisance fors neant convoitier ? Tu es riche ? Ne convoite riens, et tu diras : 'Il me souffist'. S'il te souffist, tu es riche car riens ne te fault. (Gers., P. Paul, a.1394, 509)

Ainsi le fol peuple, qui ne desire que mutation, quiert souvent et convoite ce qui plus lui est contraire. (Chart., Q. inv., 1422, 26)

Las ! non pas le devoir et le sacrifice seullement ont ilz en mesprix, maiz se hontoient de vestir l'abit et garder l'estat de leur profession, et tiennent a honte l'ordre dont ilz convoitent et prisent tant l'emolument. (Chart., L. Esp., c.1429-1430, 55)

...et tenant par la partie de l'ame dicte irascible plus a ce qui est fini et a fin que a ce qui est infini et sans fin, et desirant et convoitant ou appetissant comme meilleur le transitore et finit que ce qui est perdurable et sans fin. (Somme abr., c.1477-1481, 177)

Cestui Liber Pater convoita la seigneurie de Perse du temps Seleucus, filz de Perseus, roy de Micennes (Simon De Phares, Astrol., c.1494-1498, f° 19 v°)

Quant au regart de convoister richesse, Present cesse Pour baptiser devostement me faire. (La Vigne, S.M., 1496, 213)

[un cheval]

Dedans le cueur le prent forment a conveitier (Flor. Octav. L., t.1, c.1356, 143)

[De Dieu] Donner la préférence à.

Concupiscet rex decorem tuum, Marie, Dieu convoitera ta biauté. Convoitera ? mais a convoitié, si qu'il a volu en li descendre et y prendre humanité. (Mir. st Guill., c.1347, 5)

Convoiter que

Se femme convoitte que son mary prende en hayne qui que soit qu'elle n'ayme pas, assez se treuve occoisons, maiz qu'elle se y voeulle emploier. (Ev. Quen. II, c.1466-1474, 136)

Convoiter (à/de) + inf.

Il vinrent à Carni en Dormois, un moult biel fort (...) si le convoitièrent durement à assallir (Froiss., Chron. L., V, c.1375-1400, 213)

...le connestable luy dist que il le quitteroit de sa raençon et luy feroit grant prouffit, se il luy vouloit et à ses gens monstrer passaige (...) L'escuier (...) convoita le don du connestable et à estre delivré de leurs mains ; si dist : 'Oyl, je vous monstreray bon gué...' (Froiss., Chron. M., XIV, c.1375-1400, 89)

Ce sont ceulx qui voz peres et voz predecesseurs ont souvent guerroiez, ars et degastez voz champs et voz villes et qui de tele ligne sont issuz que naturelment convoitent anyentir du tout vostre generacion. (Chart., Q. inv., 1422, 18)

Vous ne devez ja souhaictier ne convoittier d'avoir grosse lance ; car, se vous avez grosse lance et vous actaingnez vostre adversaire sur le bas et il vous touche sur le hault, une moindre lance que la vostre vous renversera (Bueil, II, 1461-1466, 101)

Je vois et congnois que désirez et convoitez de parvenir à l'honneur et exaltation de noblesse et bonne renommée. (Faits Lalaing K., c.1470, 165)

Remarque : Percef. I, R., c.1450 [c.1340], gloss.

Emploi absolu.

Si ne leur est mie mestier De si grandement convoiter, Comme aux povres nouveaulx venus Seroit (Chr. Piz., M.F., II, 1400-1403, 69)

infinitif substantivé. Désir, convoitise.

Remarque : Jourd. Blaye alex. M., a.1455, 16733.

Proverbe.

Il m'est avis Que, selonc mon jugement nice, Riens ne souffist a advarice ; De quoy on voit tout en apert Que qui tout couvoite tout pert, Car on en pert l'ame et le corps, Joie, honneur. (Mach., R. Fort., c.1341, 102)

Qui plus couvoite qu'il ne doit, Sa couvoitise le deçoit. (Mach., R. Fort., c.1341, 139)

Si est raison que qui tout convoite tout perde. (Gers., Noël, p.1404, 302)

B. -Convoiter qqn. Désirer amoureusement qqn.

Quant le chastellain l'ot a rire commença, Il fut bien convoiteux, la belle convoita. (Hern. Beaul. D.B., c.1350-1400, 60)

Maintes dames le couvoiterent [Picus] Et son amour li demanderent ; Nimphes de bois et de rivieres L'en feïrent maintes prieres. Mais onques n'en volt nulle amer (Mach., Voir, 1364, 616)

Gardez vous de convoictier la femme de nul de qui vous veulliez estre amez. (Arras, c.1392-1393, 85)

Tu ne desireras ou convoiteras la femme de ton prouchain. (La Sale, J.S., 1456, 37)

...elle se mectroit au perron, parée le plus gentement qu'elle pourroit, affin que au passer, quand il jecteroit son regard sur sa beaulté, il la convoitast et requist de ce dont on ne luy feroit refus. [Une jeune femme s'est éprise d'un clerc] (C.n.n., c.1456-1467, 570)

Telles furent les parolles de la noble dame esprise d'amour. Elle convoitoit Jason, et Jason la convoitoit ossy. (LEFÈVRE (R.), Hist. Jason P., c.1460, 140)