CONTROUVER

verbe

[T-L : controver ; GD : controver ; GDC : controver ; AND : controver ; FEW (XIII-2, 318b) : *tropare ; TLF (VI, 107a) : controuver]

A. -[Sans valeur dépréciative (valeur neutre, voire méliorative)] Imaginer, inventer.

Quar, ja soit ce que le theologien ait en la Sainte Escripture plusieurs paraboles, toutevoies, onques il n'y en sçot tant que un phisicien n'en sache plus faire et controver. (Songe verg. S., t.1, 1378, 78-79)

De ceste noble médicine, Qui est en ce puissant et digne, Et encores veulent, sans faille, Affermer que onques la pareille, Si louable ne approuvée, Ne fut en tel cas controuvée. (La Haye, P. peste, 1426, 136)

Par ce moyen, mon filz, vous n'aurez garde Que, dessus vous, nul finesse contreuve (La Vigne, S.M., 1496, 191)

Remarque : CHAST., Temps perdu D., a.1450, v.114.

Élaborer.

Telz sermons Ne sont pas bons a controuver Qu'il n'est bien seur de les prouver, Tellement qu'il soit tout notoire, Car, par ce dire en apertoire, Plusieurs se pourroyent abuser. (Myst. Pass. Troyes B., a.1482, 858)

B. -Imaginer, inventer mensongèrement.

Car li mondes est si divers, Si mesdisans et si pervers Et pleins de si fausse contrueve Qu'au jour d'ui on dit et contrueve Ce qui onques ne fu pensé. (Mach., R. Fort., c.1341, 154)

Si qu'amis, sans riens controuver, Par exemples te vueil prouver, Qui sont contenu en la Bible Et qui sont a nous impossible, Qu'adés cils qui en Dieu se fie, S'il a raison de sa partie Et s'il l'aimme, sert et honneure, Adés son fait vient au desseure. (Mach., C. ami, 1357, 2)

N'est pas d'avoir ce controuvé Grant vassellage. (Mir. Amis, c.1365, 27)

Vous li avez escript paroles Qui sont rudes, nices et foles, Et mauvaisement contruvées, Que mar fussent elles pensées. (Mach., P. Alex., p.1369, 242)

... [il] dist et afferma par son serement et sur la part qu'il entendoit à avoir en Paradis, que e[n] eulx il n'avoit oncques veu ou sceu mal aucun, et que lesdittes accus[ac]ions il avoit controuvées, machinés et pensées contre ch[ascun] d'eulx, par la temptacion et ennortement de l'ennemy, et les avoit controuvées sur eulx afin d'eschever, et qu'il ne mourust pas si très to[st], en pensant en soy que, quant il ne sauroit plus arme encuser, que de lui l'en feroit justice (Reg. crim. Chât., I, 1389-1392, 114)

Adont respondis que j'avoie Tout escript, quanqu'en celle voie J'avoie veu, sceu et trouvé, Sanz y avoir riens controuvé. (Chr. Piz., Chem. estude P., 1402-1403, 268)

...oncques lesdictes offres ne furent faictes, et estoient choses controuvées par lesdis Anglois. (Escouchy, Chron. B., t.3, Pièces justif., 1449, 251)

Je vous dis que c'est trop farcer De controuver telle frivole ! (Myst. st Adr. P., c.1450-1485, 51)

ENVIE. (...) Nuit et jour vous feray songier A trover voye et chemin Pour destruire vostre voisin. Il y a tant de ces villains Qui sont sy cossés et sy plains. Par moy ne cesserés jamais, Tant qu'il aient quelque entremaitz Et que puissiés trouver coleur Pour leur fere perdre le leur. Se vous ne sçavez rien trover Sur eulx, il en fault controver. (Pouvre peuple H., c.1450-1492, 165)

...du clerc qui (...) apprint [à une femme] autre maniere de faire, dont elle fut a pou près par sa bouche mesmes encusée a son mary, se n'eust esté la glose qu'elle controuva subitement. (C.n.n., c.1456-1467, 10)

Trois manieres de gens multiplient la divinité en controuvant pluseurs dieux. Les mauvais par ydolatrie, desquelz parle le Psalmiste disant : 'Les dieux des gens payens ne sont que deableries.' (Somme abr., c.1477-1481, 105)

Controuver qqc. contre verité

...après ce que de rechief il ot esté fait jurer de dire verité comme promis l'avoit, icellui prisonnier, et par serement, dit que des confessions par lui faites, il n'en estoit riens, mais avoit controuvé contre verité tout ce qu'il avoit et a cy-dessus confessé dudit sachet, et que ce qu'il a dit, ce a esté par force, crainte, paour et doubte qu'il ne feust questionné, et pour evader icelle question. (Reg. crim. Chât., II, 1389-1392, 86)

Et se esmerveille fort le Roy comment mondit seigneur de Bourgoigne a si legièrement adjousté foy, et si longuement perseveré, à telles choses ainsi contreuvées contre verité (Escouchy, Chron. B., t.2, a.1465, 409-410)

Emploi absolu.

Ung tel sot ne sceit controver (Pass. Semur D.M., c.1420 [1488], 255)

Participe passé en emploi adjectival. Inventé mensongèrement, faux, mensonger.

...toutes les accusacions contre lui cy-dessus dites, faites, sont choses controuvées, sanz cause ne raison, mais les a dittes et proferées, icellui Dossinal, par hayne qu'il a à lui, ne scet la cause pourquoy. (Reg. crim. Chât., II, 1389-1392, 149)

En oultre, lesdictes lettres contiennent libelle diffamatoire et en especial en tant qu'elles font mencion de l'empoisonnement de feu monseigneur de Guyenne et de feu monseigneur le Daulphin, et sont choses controuvées et diffamatoires. (Fauq., I, 1417-1420, 32)

Et tant lez a conquis perverse adhurterie et opinative esperance, que ilz ne daignent encliner leur entendement au sens de la lettre, maiz ozent forcer les sains textes, et contraindre la verité des prophecies a expositions controuveez. (Chart., L. Esp., c.1429-1430, 106)

...et prie a chascun de croire que ce ne sont que choses controuvees par l'ancien commun parler des simples gens. (La Sale, Salade, c.1442-1444, 123)

...car c'estoit chose faulse et controuvee. (Juv. Urs., Nescio, 1445, 480)

Mais certes souvent sans raison L'on fait nouvelle controuvée ; Ainsi pourroit estre trouvée Ceste nouvelle cy de fait. (Myst. st Adr. P., c.1450-1485, 105)

...le dit Gimart avoit mal fait de s'en estre ainsi alé et fouy, veu les doulx termes que on luy avoit tenus, et à la commission qu'il disoit que ledit sire Octo avoit et à ses menasses leur dis que ce n'estoient que couleurs controuvées. (Aff. Jacques Coeur M., 1453-1457, 225)

Lesquelles lectres nous semblent fort estranges, veu que le contenu d'icelles sont toutes choses controuvées, en quoy onques ne fut pensé, et qui ont esté suggerées à nostredict frere contre verité. (Lettres Ch. VIII, P., t.1, 1485, 56)

SAINCT MARTIN. (...) Ma mere, tousjours vous souviengne De ma doctrine singuliere (...) Et ne vous chaille de mon pere, Car, s'il veult en tel vitupere Maintenir sa loy controuvee, En fin fauldra qu'il le compere (La Vigne, S.M., 1496, 300)

...la responce est que Monseigneur s'est trouvé avec vous bien familierement et en privé et par plusieurs jours, mais que à vous, en vostre hostel ne ailleurs, il n'a point oÿ parler de laditte matiere et croit que ce sont rappors controuvez qui ont esté faitz à Mons. de Bourgoigne. (Le Clerc, Interp. Roye, c.1502, 222)

Erreur controuvee

Celuy Sergius (...) pour ce qu'il avoit esté refusé de l'Eglise souveraine de Romme a estre colloqué et pourveu en auctorité de prelature pontifical, et pour ce, indigné envers l'Eglise et cité catholique, voulant s'en venger et substraire lez crestiens de leur saint propos, se joingny a toy et t'enforma de seditions et erreurs controuveez, et t'ensaigna a bastir le livre Alcoren, ou tes adherens apprennent la lecture de desmesuree volupté, et reçoivent voulentiers l'ouverte licence et congié de soy aoyller en leurs plaisirs charnelz, et en effrenee luxure. (Chart., L. Esp., c.1429-1430, 125)

infinitif substantivé.

Mais li mesdisans tout à fait Sans desmerite ne forsfait Sont aus fins amans trop grevable Et font tant par leur controuver Desloyaument Qu'à maint en font tristre, dolant Ses jours finer Et ce qu'il ne puent donner Ostent souvent. (Mach., App., 1377, 650)