BLASMER

verbe

[T-L : blasmer ; GDC : blasmer ; AND : blasmer ; DECT : blasmer ; FEW (I, 403a) : blasphemare ; TLF (IV, 559a) : blâmer]

I. -Emploi transitif.

A. -Blasmer qqn

1.Adresser des reproches à qqn, critiquer qqn (surtout sur le plan moral, mais aussi intellectuel ou simplement pratique).

Car on doit ruser les ruseurs, Qui puet, et moquer les moqueurs, Les mauvais haïr et blamer, Et les amans loyaus amer. (Mach., D. Lyon, 1342, 215)

...tous li cuers me frit et tramble, Quant einsi sans cause blamer Oy les dames et diffamer. (Mach., J. R. Nav., 1349, 243)

...il [Gallien] blasme les autres interpretateurs ou commentateurs de ce livre (Saint-gille, Comment. A.Y. L., 1362-1365, 361)

...ou au moins Que de vous ne soie maudis, N'entre gent blamé ne laidis : Ce vous requier. (Mir. femme, 1368, 219)

Certes La chose ne puet demourer Einsi pour moy deshonnourer, Qu'à tous jours mais honnis seroie Et blasmez, s'einsi la laissoie. Car ce m'ocist et tant me grieve, Qu'a po n'a que li cuers ne me crieve, Que li autre font leur honnour, Et je demeure à deshonnour. (Mach., P. Alex., p.1369, 233)

Pour ce li pri qu'elle n'ait c'un amy, Tant pour s'onneur, com pour la pais de mi. Car ja si bien ne se saroit couvrir Qu'elle n'en fust de mesdisans blasmée, S'en tant de pars voloit son cuer partir (Mach., L. dames, 1377, 66)

Par tout en est diffamée, De tous maudite et blasmée, Car elle [Fortune] fait pis Aus siens qu'à ses anemis, Dont elle n'est point amée. (Mach., Lays, 1377, 446)

Et pour ce, l'en doit blasmer les Pitagoriens qui parloient seulement de destre et de senestre et lessoient les autres plus principalz ; et aussi pour ce que il cuidoient que il fussent semblablement en toutes choses. (Oresme, C.M., c.1377, 312)

...sondit mary la blasmoit et batoit pour ce que elle ne vouloit pas faire et acomplir ses voulentez (Reg. crim. Chât., II, 1389-1392, 328)

Dit aussi, elle qui parle, que, nonobstant ces choses, ledit de Ruilly, son mary, ne se vouloit astenir de blasmer, vilener et batre elle qui parle (Reg. crim. Chât., II, 1389-1392, 330)

Lors yst hors et tyre les huys, et les ferme bien et fort, et fait a toute la mesnie de leans apporter fuerre et busche, et le fait getter avec les moynes, et jure Dieu qu'il les ardra tous la dedens. Lors vindrent avant les dix chevaliers qui moult le blasmerent et dirent que Fromont estoit en bon propos, et que encores par son bien fait et par sa priere il povoit faire grant allegement aux ames de ses amis. (Arras, c.1392-1393, 251)

Et ne convient ja que aucun me oppose en blasmant saint Pierre qu'il renia troys foys son maistre (Gers., P. Paul, a.1394, 489)

Mais ne le di pour les blasmer, Ne que mains facent a amer (Chr. Piz., M.F., I, 1400-1403, 77)

...une fois par avant il sembla forcené, pour la grande ardeur qu'il avoit de garder l'onneur de Dieu, son pere, entre les juifs, ilz le blasmoyent (Gers., Concept., 1401, 424)

Entre vous qui estes servans Amours de cueur entierement, Ne me veulliez estre blasmans ['ne soyez pas si critiques à mon égard'] (Lannoy, WERCHIN, Ball. P., 1404, 354)

Blasmer qqn en derriere. Critiquer qqn par derrière.

Et se vous donnez par plaisance, gardez que fole largesce ne vous surpreingne, tant que on s'en puist escharvir de vous, car ceulx qui auroient desservy que vous leur feissiez bien, s'en tendroient pour mal contens, et les estrangiers vous en blasmeroient en derrier. (Arras, c.1392-1393, 85)

Mais, tres chier oncle, de moy si tost marier après la mort de mon pere, je ne monstreroye pas que j'en eusse gaires de douleur de sa mort. Et me semble que je me mefferoye trop et en seroye blasmee moult durement en derriere ; et tel me monstre belle chiere qui en tendroit moins compte de moy. (Arras, c.1392-1393, 189)

Blasmer l'un l'autre

Lors se levèrent ces archevesques et evesques et se crestèrent li un contre l'autre, et commencierent li un ... l'autre blasmer (Jean Le Long, Voy. Bieul B., 1351, 323)

Blasmer qqn de qqc. Critiquer qqn à propos de qqc..

Mais il fu repris et blasmés D'une escarmuche que là fist, Qui ne fu pas de grant profit (Mach., P. Alex., p.1369, 143)

Car Gautiers me dist que sa mere Fu de la traïson commere, Qu'en Chypre en queurt la renommée, Dont elle est maudite et blasmée. (Mach., P. Alex., p.1369, 254)

Quant je me plein, nulz ne m'en doit blasmer, Puis qu'en amer ne puis trouver qu'amer. (Mach., L. dames, 1377, 39)

[Vénus] Qui moy de blamer ne cesse Dou pechié de la rudesse Que j'ay fait par ma simplesse Contre Amours (Mach., Lays, 1377, 441)

...en un jour dont elle n'est recorde, elle dist à icellui prisonnier qu'elle ne vouloit plus que icellui prisonnier repairast envers elle, s'il ne ly promettoit à estre son mary, et que les autres filles d'icelle rue l'en blasmoient, disans qu'elle soustenoit et governoit un houllier avecques elle. (Reg. crim. Chât., I, 1389-1392, 151)

...il vit comme le varlet d'un nommé Chemin, demourant à Lay, bati et feri dedens icelle eglise le frere du maire d'icelle ville de Rungy, pour ce qu'il parloit lors à lui et le blasmoit des fractions et excez fais en icelle eglise. (Reg. crim. Chât., II, 1389-1392, 237)

Cy se taira l'ystoire un petit d'eulx et parlera de la dame de Valbruiant, qui moult fu saige et soubtive, et moult vaillant dame ; et avoit tousjours blasmé son mary de ce qu'il s'estoit oncques consenty a Glaude ne a ses freres. (Arras, c.1392-1393, 207)

Les aucuns ont opposé contre saint Pol qu'il redoubta la mort et s'enfuyt aucunes fois, et pour ce le veulent blasmer de paour et d'inconstance. (Gers., P. Paul, a.1394, 499)

Et blasma la Court très fort lesdis prevost et officiers dessusdis de ce qu'ilz n'avoient fait meilleur diligence de pourveoir sur ce que dit est. (Fauq., I, 1417-1420, 355)

...dist bien celuy a qui le fait touchoit plus, que jamais n'en partiroit en vie (...) L'autre le blasmoit de ceste volunté (C.n.n., c.1456-1467, 354)

...il ne s'ensuit pas pourtant que la très noble et excellante science de astrologie et les purs astrologiens en doyent estre blasmés ou en valloir mains (Simon De Phares, Astrol., c.1494-1498, f° 2 r°)

Blasmer qqn que

Or ont vers eulx nostre chatel, et maintenant ilz crient contre nous et nous blasment que nous ne combatons a toutes heures (Chart., Q. inv., 1422, 34)

...il fut très fort blasmé qu'il n'avoit amené messire Jehan Helphy. (Bueil, II, 1461-1466, 240)

Tenir qqn pour blasmé. Considérer qqn comme critiqué (et critiquable).

Qui me dit que je suis amee, Se bien croire je l'en vouloye, Me doit il tenir pour blamee S'a son vouloir je ne foloye ? (Chart., B. Dame, 1424, 356)

[D'une pers.] Faire à blasmer. Être critiquable.

Des sains ne fait pas a blasmer. (Bouvet, Appar. Meun A., 1398, 43)

...car qui vouldroit reciter tous ceulx desquelz par leur ingratitude est faite mencion, très longue chose me seroit. Lesquelz sont moult blasmez et font a blasmer (La Sale, Sale D., 1451, 262)

Proverbe. Qui autrui blasme acquiert le blasme

Remarque : Prov. H., 54 [B103].

2.Outrager, diffamer (qqn / son honneur...).

Et des dames blasmer me garderay, Ne, se Dieu plaist, ja n'en seray repris, Mais honnourer et loer les vorray A mon pooir, tant comme je vivray. (Mach., Prol., c.1377, 6)

...Ne blamer les dames ne vueil (Desch., M.M., c.1385-1403, 342)

Lors il se print a lamenter et a maudire toutes les femmes du monde (...) ...la bonne dame l'escouttoit. Adont (...) commença a dire : 'Sire chevalier, folie faittes de blasmer les dames et damoiselles...' (Percef. IV, R., c.1450 [c.1340], 356)

G'ymagine, Sans l'onneur des dames blasmer, Que c'est nature femeninne Qui tout unyement veult amer (Villon, Test. R.H., 1461-1462, 62)

B. -Blasmer qqc.

1.Critiquer, désapprouver, dénoncer, déplorer qqc. (une conduite, ce que l'on fait, ce dont on s'occupe, un objet fabriqué...).

Nompourquant je ne blasme point De dame le parler a point, Ne d'aler ou qu'il li besongne Par tout en honneste besongne. (Mach., D. Aler., a.1349, 352)

Et pour ce à tous suppli tres humblement Que de mes chans blasmer se vueillent taire (Mach., Bal., 1377, 557)

Apres il blasme cest opinion par .II. raysons. (Oresme, C.M., c.1377, 662)

Oncques mauvais pain ne blasma Ne bevraige ne reffusa (Bouvet, Appar. Meun A., 1398, 24)

Le bon jeune homme fut bien esbahy quand ainsi oyt blasmer ses armes [On reproche au jeune homme de n'avoir pas rempli ses devoirs conjugaux] (C.n.n., c.1456-1467, 500)

En ladicte année vint à Paris ung Cordelier, natif de Villefranche en Beaujolois, pour prescher à Paris et ilec blasmer les vices. (Roye, Chron. scand., II, 1460-1483, 70)

Se la mort debvoye avoir d'eulx, Illec me convient devaller Pour leur faulce erreur avaller Et blasmer leurs pechez hideux. (La Vigne, S.M., 1496, 326)

Déplorer, maudire qqc..

Alors commença son doeul (...) en blasmant se maleureuse vye et soy complaingnant des dieux (La Sale, Sale D., 1451, 156)

Blasmer qqc. à qqn. Adresser des reproches ou des critiques à qqn au sujet de qqc., reprocher qqc. à qqn.

Amis, tu perdis L'esprevier ; dont tu aërdis A ton cuer une grant doleur, Et je te blasmay ta foleur. Voirs est : tu me creüs assez, Tant que tes griés fu tous passez. (Mach., D. Aler., a.1349, 342)

...et blasma au chevalier son maintieng (Percef. III, R., t.1, c.1450 [c.1340], 224)

Lyonnel (...) lui avoit blasmé sa folie (Percef. III, R., t.1, c.1450 [c.1340], 286)

Quand le bon homme se sentit ainsi aigrement reprins de ses voisins, et qu'ilz luy blasmoient le repaire de son curé en son hostel... (C.n.n., c.1456-1467, 440)

Vous me rompés mes esperitz De me blasmer ma merchandise (Dorib., p.1480, 248)

Blasmer à qqn que. Reprocher à qqn de.

Ypocras, qui gardoit Trainte, trouva une de ses gaictes endormie ; sy l'ochist. Et quant aucuns luy blasmerent qu'il l'avoit tué tout mort, il dist : ainssy que l'ay trouvé, je l'ay laissié ; repuctant, en ce cas, estre semblable le dormant comme mort. (La Sale, Salade, c.1442-1444, 60)

[D'une chose] Faire à blasmer. Être critiquable.

...moult fait a blasmer le loy de Tervagant, Et tout cil qui le croient sont forment innorant... (Renaut Mont. B.N. V., c.1350-1400, 512)

Si me semble qu'en sa response N'a pointure, espine ne ronce Ne chose qui faice a blamer Ains est tous doulz, sans rien d'amer (Mach., Voir, 1364, 578)

Ti fait seront plus qu'autre renommé, Qu'il n'i ara riens qui face a blasmer, Et si seront de toutes gens amé, Soutis, loyaus, jolis et sans amer. (Mach., Prol., c.1377, 2)

2.Montrer les effets négatifs de qqc..

...il blasma celluy [flux] qui vendroit par force de maladie (Saint-gille, Comment. A.Y. L., 1362-1365, 236)

Estre blasmé. Être atteint de (qqc. de néfaste) (?).

...le coup lui coppa nettement le bras avecquez la jambe dont nature estoit blasmee. Et lors commença Holland moult fort a saignier (Percef. IV, R., c.1450 [c.1340], 116)

C. -Emploi absolu. Critiquer.

Item, il parle peu et loe ou blasme peu. (Oresme, E.A.C., c.1370, 256)

II. -Emploi pronominal.

A. -Se blasmer. Être critique à son propre égard, se faire à soi-même des reproches.

Les autres cuident blasmer saint Pol pour ce qu'il se louoit a la foys, et a la foys se blasmoit, contre la doctrine des philosophes disans que on ne se doit louer ou blasmer (Gers., P. Paul, a.1394, 501)

...disons voirement que on ne se doit point blasmer sans cause : ce seroit folie ou vanité pire aucunes foys que n'est de soy louer. (Gers., P. Paul, a.1394, 503)

...Cleriadus avoit maniere de soy blasmer en tous ses faiz par sa courtoisie, nonobstant que tout ce que il vouloit faire, il le faisoit moult bien et au gré de chascun. (Cleriadus Z., c.1440-1444, 491)

B. -Se blasmer de qqn / de qqc. Se plaindre de qqn ou de qqc..

Adont se commence a blamer li roys de Fortune la dure, Par qui trop de meschief endure (Chr. Piz., M.F., II, 1400-1403, 252)

...vous priant et suppliant que vous deportez et que avant son departement [de J. de Saintré] faites tant qu'il n'ait cause de soy blasmer de vous ne du couvent (La Sale, J.S., 1456, 285)

BLÂMER