AVITAILLER

verbe

[GDC : avitailler ; FEW (XIV, 418b) : victualia ; TLF (III, 1121a) : avitailler]

I. -Emploi transitif. Pourvoir (une ville, une place forte, une armée...) de nourriture et d'autres choses nécessaires (en partic. de munitions).

A Messire Baudoin de Beaulo, cappitaine de Nogent le Roy, fut baillé par lordenance de Messeigneurs du Conseil pour avitailler et garnir le chastel du lieu daucunes provisions ou garnisons qui y estoient neccessaires (Compte Navarre I.P., 1367-1371, 80)

Et convenoit les fourrageurs sus le païs chevaucier douse ou quinze lieuwes pour avitaillier l'ost. (Froiss., Chron. R., IX, c.1375-1400, 16)

Et vinrent là au soir, à l'endemain, eux et leur proie, dont il furent depuis moult largement pourveu et avitailliet. (Froiss., Chron. R., X, c.1375-1400, 183)

Chil careton et leurs cars s'en vinrent tout acariant vers Audenarde, et segnefiièrent as gardes que il amenoient pourveances de Hainnau, pour avitaillier la ville. (Froiss., Chron. R., XI, c.1375-1400, 180)

Item, dit que il monsterra et enseignera sanz nombre des gens du plat pays qui l'ont tousjours advitaillé. (Reg. crim. Chât., II, 1389-1392, 181)

...par aucuns grans voisins dudit pays icellui Merigot fu et a esté visité, conforté, conseillié, prouveu et avitaillié de vivres et autres choses neccessaires pour le fait de la guerre, et à sa deffense contre eulx et ceulx de leur compaignie qui estoient audit siege (Reg. crim. Chât., II, 1389-1392, 202)

...tant demourerent les freres en l'isle de Rodes que le maistre ot fait son assemblee de environ six gallees, armees et advitaillees, ou il avoit moult d'appertes gens et grant quantité de bons arbalestriers. (Arras, c.1392-1393, 90)

Et se partent les barons de lui et vindrent a la mer, ou ilz trouverent leurs vaisseaulx tous prestz, bien avitaillez de ce que mestier leur estoit, et entrerent ens et s'empaignent en mer. (Arras, c.1392-1393, 144)

Lors fait son mandement, et fist tant qu'il ot bien XIIIJc. bacinez et bien IIIJc. arbalestriers, et les fist traire vers la Rochelle, ou Melusigne et Remond estoient, qui y avoient fait arriver moult bel navire et bien pourveoir et advitaillier de tout ce qui y estoit neccessaire. (Arras, c.1392-1393, 213)

...en gardant d'oppressions et violences les marchans qui s'entremettent ou entremetteront d'avitaillier et garnir ladicte Ville de busche et autres necessités (Fauq., I, 1417-1420, 184)

...sur lesquelles choses fu advisé que, pour defendre et avitailler ladicte ville de Paris, estoit besoing d'avoir deux cens hommes d'armes et II^c hommes de trait (Fauq., I, 1417-1420, 268)

...non obstant que voz gens eussent gaigné la ville, ilz passerent la riviere, avitaillerent le Marché et misdrent gens dedens (Juv. Urs., Loquar, 1440, 401)

...et amenoient grant quantité de vivres avecques eulx pour advitailler leur siege. (Le Bouvier, Chron. Ch. VII, C.C.J., c.1451-1455, 130)

...mil banièrettes armoiées semblablement à deux lez des armes de MdS, lesquelles se bailleront aux marchans advitaillans l'ost (Comptes Lille L., t.1, 1454-1455, 432)

Et, cedit jour, fut crié à Paris de par le roy que chacun portast des vivres et autres choses pour avitailler et revestir lesdiz Bourguignons et Bretons (Roye, Chron. scand., I, 1460-1483, 123)

Et, après ce que mondit seigneur de Lorraine ot ainsi recouvré sadicte ville de Nancy et de nouvel avitaillée et mis gens pour la garde d'icelle (Roye, Chron. scand., II, 1460-1483, 25)

Vous avez les places au derrière par quoy il ne peult venir vivres au siège ; vous estes tous les jours buffetez des places ; et, en la fin, il vous fault avitailler vostre siège à puissance (Bueil, II, 1461-1466, 43)

Puis, pour evitaller Orleans, Vous baille vivres abondance Que vous menrez et vous present Pour en faire a vostre plaisance, Et artillerie a puissance, Que menrez o vous, quant et quant De mon or et de ma chevance, Pour soudoyer vous et voz gens. (Myst. siège Orléans H., c.1480-1500, 409)

...il s'est retiré à Blaye, qui est une trés belle place et forte (...) bien artillée et advitaillée (Lettres Ch. VIII, P., t.1, 1487, 161)

...disans que, dès ce que les Allemans auroient avitaillé Nancy, s'en iroyent (Comm., II, 1489-1491, 150)

Item, l'en commande oultre a tous marchans bouchers, tant de ceste ville que d'ailleurs, ayans betail en leurs mestaieries, herbaiges, pessons ou ailleurs, en la prevosté et viconté de Paris, que incontinent et sans delay, après ce present cry, ilz le facent venir et amener ou marché de Paris, pour la estre vendu aux detailleurs, bouchers et autres qui ont accoustumé fournir et avitailler ceste dite ville, sur peine des desobeyssans et faisans le contraire, de confiscacion de leurdit bestail qui sera trouvé ainsi estre detenu par eulx, et d'amende arbitraire. (Mét. corp. Paris L., t.1, 1491, 64)

Cestui Egistus, qui estoit venu de Saxone, ediffia ung chastel et l'avitailla et s'efforça, o ses Saxons, de conquester le pays, mais cestui Aurelles par sa sapience les desconffit. (Simon De Phares, Astrol., c.1494-1498, f° 94 r°)

...pource qu'il estoit besoing qu'il avitaillast ceulx qui estoient en Noarre (La Vigne, V.N., p.1495, 304)

MARINE Pourvoir (un navire) de ce qui est nécessaire à la navigation.

Mais li bons roys (...) Dist qu'il leur voloit bien baillier, Pour leur galée avitailler (Mach., P. Alex., p.1369, 139)

II. -Emploi pronominal. S'approvisionner.

...les treves qui sont entre les deux roys sont grandement domagables au roy de France et à son royaume, parce que ou pays d'Engleterre a très-grant famine, et que, durant icelles treves, les Engleiz se sont fort avitailliés des biens creus et estans ou royaume de France (Reg. crim. Chât., II, 1389-1392, 196)

...et de present ilz [les Anglais] se advitaillent et fortiffient merveilleusement. (Juv. Urs., Nescio, 1445, 523)

...advint que les gens du roy, au moien de la grande et extreme chaleur qu'ilz avoient et souffroient ilec, et aussi qu'ilz avoient grant souffreté de vivres, prindrent treves lesdiz de Parpeignen et eulx ung peu de temps, pendant lequel chascun se avitailla et appoincta de ce que besoing leur estoit, et, en ces entrefaictes, y furent envoiez grant quantité de gens de guerre. (Roye, Chron. scand., I, 1460-1483, 297)